2. júní

Maí – Júní – Júl
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30
2026 Allir dagar

2. júní er 153. dagur ársins (154. á hlaupári) samkvæmt gregoríska tímatalinu. 212 dagar eru eftir af árinu.

Atburðir

• 567 - Benedikt 1. varð páfi.
• 657 - Evgeníus I varð páfi.
• 1541 - Ögmundur Pálsson, síðasti kaþólski biskupinn í Skálholti, var handtekinn og fluttur nauðugur úr landi. Hann dó á leiðinni.
• 1625 - Friðrik af Óraníu var tók við embætti staðarhaldara í Hollandi og Sjálandi.
• 1707 - Stóra bóla barst til Eyrarbakka með farskipi. Sóttin herjaði um allt Ísland og var mannskæðasta farsótt síðan í svarta dauða 1402. Hún varði til um 1709.
• 1739 - Konunglega sænska vísindaaakademían var stofnuð.
• 1780 - Derby-kappreiðarnar voru haldnar í fyrsta sinn.
• 1800 - Bólusett við bólusótt í Norður-Ameríku í fyrsta sinn í bænum Trinity á Nýfundnalandi.
• 1835 - P.T. Barnum og sirkus hans héldu í fyrstu ferð sína um Bandaríkin.
• 1848 - Slavneska þingið í Prag hófst.
• 1867 - Reykjavig skydeforening (Skotfélag Reykjavíkur) var stofnað, en það var fyrsta íþróttafélag á Íslandi. Skothúsvegur í Reykjavík dregur nafn af æfingahúsi þess.
• 1875 - Alexander Graham Bell hringdi í fyrsta sinn úr síma.
• 1886 - Grover Cleveland, forseti Bandaríkjanna, gekk að eiga Frances Folsom í Hvíta húsinu, og varð þar með fyrstur bandarískra forseta til að gifta sig í húsinu.
• 1896 - Guglielmo Marconi fékk einkaleyfi fyrir nýjustu uppfinningu sína: útvarpið.
• 1897 - Mark Twain svaraði orðrómi um dauða sinn á þennan hátt: „Sögusagnir um andlát mitt eru stórlega ýktar“.
• 1907 - Húsavíkurkirkja var vígð.
• 1909 - Alfred Deakin varð forsætisráðherra Ástralíu í þriðja sinn.
• 1923 - Bifreiðastöð Akureyrar var stofnuð.
• 1934 - Jarðskjálfti varð norðanlands og olli miklum skemmdum á Dalvík og nágrenni. Hann hefur því verið kallaður Dalvíkurskjálftinn. Stærð hans var um 6,2 stig á Richter.
• 1935 - Hafnaboltamaðurinn Babe Ruth tilkynnti um að hann legði skóna á hilluna.
• 1946 - Þjóðaratkvæðagreiðsla skar úr um að Ítalía yrði lýðveldi í stað konungríkis. Konungur Ítalíu, Úmbertó 2., fór í útlegð.
• 1953 - Krýningu Elísabetar 2. var sjónvarpað um allt Bretland.
• 1957 - Hrafnista, dvalarheimili aldraðra sjómanna, opnaði í Reykjavík á tuttugasta sjómannadeginum.
• 1966 - Surveyor-áætlunin: Surveyor 1 lenti í Procellarumon-hafi á tunglinu og varð þar með fyrsta geimfar Bandaríkjamanna til að lenda heilu og höldnu á öðrum hnetti.
• 1970 - Nýsjálenski ökuþórinn Bruce McLaren lést þegar nýr kappakstursbíll sem hann var að prófa þeyttist út af brautinni.
• 1970 - Norðmenn tilkynntu að þeir hefðu fundið olíulindir í Norðursjó.
• 1972 - Andreas Baader, Jan-Carl Raspe, Holger Meins og aðrir meðlimir Rote Armee Fraktion voru handteknir í Frankfurt am Main eftir skotbardaga.
• 1976 – Stjórnmálasambandi var komið aftur á milli Íslands og Bretlands.
• 1979 - Jóhannes Páll 2. páfi heimsótti heimaland sitt Pólland og varð þar með fyrsti páfinn til að heimsækja kommúnistaríki.
• 1986 - Nærri lá að árekstur yrði á milli tveggja farþegaþota yfir Austurlandi, en því var afstýrt.
• 1992 - Danir höfnuðu Maastricht-sáttmálanum í þjóðaratkvæðagreiðslu með litlum mun (50,7% á móti 49,3%).
• 1995 - Mrkonjić Grad-atvikið: Scott O'Grady var skotinn niður yfir Bosníu.
• 1995 - SS-maðurinn Erich Priebke var framseldur til Ítalíu.
• 1996 - Sænski listamaðurinn Lars Vilks lýsti yfir stofnun örríkisins Ladóníu.
• 1997 - Timothy McVeigh var sakfelldur fyrir morð og hlutverk sitt í að sprengja Alfred P. Murrah-bygginguna í Oklahómaborg í Oklahóma.
• 1998 - Tölvuvírusinn CIH var uppgötvaður í Taívan.
• 1999 - Bútanska útvarpsfélagið sjónvarpaði í fyrsta sinn í konungdæminu.

• 2004 - Ólafur Ragnar Grímsson, forseti Íslands, synjaði fjölmiðlafrumvarpinu staðfestingar.
• 2008 - Jarðskjálfti skók Hveragerði. Skjálftinn mælist 5,5 stig á Richter-kvarða.
• 2008 - Jose Mourinho gerist nýr þjálfari F.C. Internazionale Milano með rúman milljarð íslenskra króna í árslaun eftir samkomulagi.
• 2008 - 6 létust í sprengjuárás á danska sendiráðið í Islamabad.
• 2008 - Öryggisráð Sameinuðu þjóðanna samþykkti heimild fyrir erlend herskip að fara inn í lögsögu Sómalíu til að koma í veg fyrir sjórán.
• 2010 - Skotárásin í Cumbria: Leigubílstjórinn Derrick Bird skaut 22 á fjórum tímum, þar af létust 12.
• 2014 - Jóhann Karl 1. Spánarkonungur tilkynnti að hann hygðist afsala sér völdum og láta krúnuna í hendur syni sínum, Filippusi 6.
• 2015 - Forseti Alþjóðaknattspyrnusambandsins Sepp Blatter tilkynnti að hann hygðist segja af sér.

Fædd

• 1535 - Leó 11. páfi (d. 1605).
• 1740 - Marquis de Sade, franskur aðalsmaður og rithöfundur (d. 1814).
• 1835 - Píus 10. páfi (d. 1914).
• 1840 - Thomas Hardy, enskur rithöfundur (d. 1928).
• 1851 - Þorgils gjallandi, íslenskur rithöfundur (d. 1915).
• 1857 - Edward Elgar, enskt tónskáld (d. 1934).
• 1857 - Karl Adolph Gjellerup, danskur rithöfundur og verðlaunahafi bókmenntaverðaluna Nóbels (d. 1919).
• 1899 - Lotte Reiniger, þýskur kvikmyndaleikstjóri (d. 1981).
• 1904 - Johnny Weissmuller, bandarískur sundkappi og leikari (d. 1984).
• 1908 - Marcel Langiller, franskur knattspyrnumaður (d. 1980).
• 1919 - Pétur Sigurgeirsson, biskup Íslands (d. 2010).
• 1928 - Siggi Reim, sorphirðumaður í Vestmannaeyjum (d. 2016).
• 1933 - Kjartan Ólafsson, rithöfundur, ritstjóri og stjórnmálamaður.
• 1938 - Hörður Sigurgestsson, íslenskur athafnamaður (d. 2019).
• 1940 - Konstantín 2. Grikkjakonungur (d. 2023).
• 1941 - Charlie Watts, enskur tónlistarmaður (The Rolling Stones).
• 1941 - Guðrún Agnarsdóttir, íslenskur stjórnmálamaður.
• 1946 - Peter Sutcliffe, breskur raðmorðingi.
• 1950 - Þorgeir Ástvaldsson, útvarpsmaður á Bylgjunni, skemmtikraftur og tónskáld
• 1952 - Pete Farndon, breskur bassaleikari (The Pretenders) (d. 1983).
• 1953 - Cornel West, bandarískur fræðimaður.
• 1953 - Paul Engemann, bandarískur tónlistarmaður.
• 1954 - Dennis Haysbert, bandarískur leikari.
• 1972 - Wentworth Miller, bandarískur leikari.
• 1974 - Gata Kamsky, bandarískur skákmaður.
• 1976 - Tim Rice-Oxley, enskur tónlistarmaður (Keane).
• 1976 - Yoshinobu Minowa, japanskur knattspyrnumaður.
• 1988 - Sergio Agüero, argentínskur knattspyrnumaður.
• 1988 - Takashi Inui, japanskur knattspyrnumaður.
• 1989 - Freddy Adu, knattspyrnumaður frá Gana.

Dáin

• 1411 - Leópold 4. Austurríkishertogi (f. 1371).
• 1418 - Katrín af Lancaster, Kastilíudrottning, kona Hinriks 3.
• 1660 - Jón Gissurarson, skólameistari í Skálholti og á Hólum.
• 1701 - Madeleine de Scudéry, franskur rithöfundur (f. 1607).
• 1761 - Jonas Alströmer, sænskur athafnamaður (f. 1685).
• 1876 - Hristo Botev, búlgarskur byltingarsinni (f. 1848).
• 1882 - Giuseppe Garibaldi, ítalskur byltingarsinni (f. 1807).
• 1942 - Reinhard Heydrich, yfirmaður öryggisþjónustu Þriðja ríkisins (f. 1904).
• 1962 - Gunnar Halldórsson formaður Knattspyrnufélagsins Fram (f. 1894).
• 1963 - Ivan Bek, júgóslavneskur knattspyrnumaður (f. 1909).
• 1970 - Giuseppe Ungaretti, ítalskt skáld (f. 1888).
• 1978 - Shozo Tsugitani, japanskur knattspyrnumaður (f. 1940).
• 1994 - Henry Mancini, bandarískt tónskáld (f. 1924).
• 1999 - Junior Braithwaite, jamæskur tónlistarmaður (The Wailers) (f. 1949).
• 2008 - Ken Naganuma, japanskur knattspyrnumaður (f. 1930).
• 2012 - Kathryn Joosten, bandarísk leikkona (f. 1939).