7. febrúar

Jan – Febrúar – Mar
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
2026 Allir dagar

7. febrúar er 38. dagur ársins samkvæmt gregoríska tímatalinu. 327 dagar (328 á hlaupári) eru eftir af árinu.

Atburðir

• 457 - Leó 1., fyrrum hershöfðingi, varð keisari Austrómverska ríkisins. Hann var fyrsti keisarinn sem var krýndur af patríarkanum í Konstantínópel.
• 1074 - Orrustan við Montesarchio: Pandúlfur 4. fursti af Beneventum var drepinn af normannaher.
• 1301 - Játvarður Caernarvon varð fyrsti prinsinn af Wales.
• 1403 - Hinrik 4. Englandskonungur giftist Jóhönnu af Navarra.
• 1497 - Fylgismenn Girolamo Savonarola brenndu ósiðlega hluti í „bálför hégómleikans“.
• 1613 – Mikael Rómanov varð keisari í Rússlandi.
• 1821 - John Davis steig fæti á Suðurskautslandið, hugsanlega fyrstur manna.
• 1863 – HMS Orpheus sökk utan við Auckland á Nýja-Sjálandi. 189 manns fórust.
• 1882 – Síðasti hnefaleikabardaginn í þungavigt án hanska fór fram í Mississippi.
• 1898 – Émile Zola var leiddur fyrir rétt fyrir að gefa út greinina „Ég ákæri“ („J'Accuse“).
• 1900 – Verkamannaflokkurinn var stofnaður í Bretlandi.
• 1904 - Mikill eldsvoði varð í Baltimore. Yfir 1500 hús brunnu.
• 1914 – Charlie Chaplin birtist í fyrsta sinn sem litli flækingurinn.
• 1940 – Bandaríska teiknimyndin Gosi var frumsýnd.
• 1942 – Húsmæðraskóli Reykjavíkur tók til starfa undir stjórn Huldu Á. Stefánsdóttur.
• 1962 – Bandaríkin bönnuðu allan inn- og útflutning frá Kúbu.
• 1964 – Bítlarnir komu fyrst til Bandaríkjanna.
• 1971 - Siglingafélag Reykjavíkur, Brokey var stofnað.
• 1971 – Konur fengu kosningarétt í Sviss.
• 1974 – Grenada öðlaðist sjálfstæði frá Bretlandi.
• 1974 – Concorde-þota lenti í fyrsta sinn á Keflavíkurflugvelli. Á leiðinni frá Frakklandi flaug hún á tvöföldum hljóðhraða.
• 1976 - Hua Guofeng tók við stjórnartaumum í Kína eftir lát Zhou Enlai.
• 1977 - Flokkur Zulfikar Ali Bhutto sigraði þingkosningar í Pakistan en var ásakaður um kosningasvindl.
• 1984 - Geimfararnir Bruce McCandless II og Robert L. Stewart fóru í fyrstu geimgönguna án þess að vera tengdir við geimfarið með taug.
• 1985 – „New York, New York“ varð opinber söngur New York-borgar.
• 1986 – Jean-Claude Duvalier flúði Haítí.
• 1990 – Hrun Sovétríkjanna: Miðstjórn kommúnistaflokksins samþykkti að aðrir flokkar gætu tekið þátt í stjórn landsins.
• 1991 – Fyrsti lýðræðislega kjörni forseti Haítí, Jean-Bertrand Aristide, tók við embætti.
• 1991 - Írski lýðveldisherinn gerði sprengjuvörpuárás á Downing-stræti 10 í London þar sem ríkisstjórnarfundur stóð yfir.
• 1992 – Evrópusambandið var stofnað með Maastrichtsamningnum.
• 1996 - René Préval tók við embætti forseta Haítí.
• 1998 – Vetrarólympíuleikarnir hófust í Nagano, Japan.
• 1999 – Abdúlla prins tók við krúnunni í Jórdaníu eftir dauða föður síns, Hússeins konungs.
• 2000 - Stipe Mesić var kjörinn forseti Króatíu.

• 2005 - Ellen MacArthur setti met í einmenningssiglingu umhverfis jörðina þegar hún fór yfir markið við Ushant eftir 71 dags, 14 tíma, 18 mínútna og 33 sekúndna siglingu.
• 2008 - 7 létust í innrás Ísraelshers á Gasaströndina.
• 2006 - Egypsk ferja með um 1400 manns innanborðs sökk í Rauðahafið undan ströndum Sádí-Arabíu.
• 2013 - Matvælaframleiðandinn Findus tilkynnti að stór hluti matvæla sem sagt var að innihéldi nautakjöt, innihéldi í raun hrossakjöt.
• 2013 - 51 lést þegar rúta lenti í árekstri við vörubíl og sportjeppa í Chibombo í Sambíu.
• 2014 - Vetrarólympíuleikarnir 2014 voru settir í Sotsjí í Rússlandi.
• 2016 - Norður-Kórea skaut langdrægu eldflauginni Kwangmyŏngsŏng-4 út í geim.
• 2017 - Jovenel Moïse varð forseti Haítí.
• 2019 – Mótmælin á Haítí 2019: Mótmæli gegn stjórn Jovenel Moïse hófust í mörgum borgum landsins.

Fædd

• 1102 - Matthildur keisaraynja (d. 1167).
• 1478 - Thomas More, enskur stjórnmálamaður (d. 1541).
• 1606 - Nicolas Mignard, franskur listmálari (d. 1668).
• 1641 (skírður) - Johann Friedrich Willading, svissneskur stjórnmálamaður (d. 1718).
• 1693 - Anna Rússadrottning (d. 1740).
• 1812 - Charles Dickens, breskur rithöfundur (d. 1870).
• 1877 - Godfrey Harold Hardy, breskur stærðfræðingur (d. 1947).
• 1885 - Sinclair Lewis, bandarískur rithöfundur (d. 1951).
• 1906 - Pu-Yi, síðasti keisari Kína (d. 1967).
• 1908 - Sverrir Kristjánsson, íslenskur sagnfræðingur (d. 1976).
• 1917 - Gylfi Þ. Gíslason, íslenskur stjórnmálamaður (d. 2004).
• 1929 - Alejandro Jodorowsky, chileskur leikstjóri.
• 1949 - Regina Derieva, rússneskt skáld (d. 2013).
• 1955 - Miguel Ferrer, bandarískur leikari (d. 2017).
• 1962 - Eddie Izzard, breskur leikari og grínisti.
• 1972 - Essence Atkins, bandarískur leikari.
• 1972 - Amon Tobin, brasilískur tónlistarmaður.
• 1977 - Ívar Örn Sverrisson, íslenskur leikari.
• 1978 - Ashton Kutcher, bandarískur leikari.
• 1979 - Tawakkol Karman, jemensk blaðakona og Nóbelsverðlaunahafi.
• 1984 - Smári McCarthy, íslenskur stjórnmálamaður.

Dáin

• 590 - Pelagíus 2. páfi.
• 1045 - Go-Suzaku Japanskeisari (f. 1009).
• 1259 - Tómas 2. af Savoja.
• 1560 - Bartolommeo Bandinelli, ítalskur myndhöggvari (f. 1493).
• 1634 - Jón Guðmundsson í Hítardal, skólameistari í Skálholti (f. 1558).
• 1685 - Karl 2. Englandskonungur (f. 1630).
• 1693 - Paul Pellisson, franskur rithöfundur (f. 1624).
• 1799 - Qianlong, keisari í Kína (f. 1711).
• 1823 - Ann Radcliffe, enskur rithöfundur (f. 1764).
• 1848 - Christen Købke, danskur listmálari (f. 1810).
• 1878 – Píus 9. páfi (f. 1792).
• 1878 - Sire Ottesen, veitingakona í Reykjavík og ástkona Dillons lávarðar (f. 1799).
• 1923 - Frøken Jensen (Kristine Marie Jensen), danskur matreiðslubókahöfundur (f. 1858).
• 1931 - Tommaso Tittoni, forsætisráðherra Ítalíu (f. 1855).
• 1979 - Josef Mengele, þýskur stríðsglæpamaður (f. 1911).
• 1987 - Claudio Villa, ítalskur söngvari (f. 1926).
• 1993 - Nic Broca, belgískur teiknari (f. 1932).
• 1999 - Hússein konungur Jórdaníu (f. 1935).
• 2001 - Dale Evans, bandarískur rithöfundur, tónlistarkona og kvikmyndastjarna (f. 1912).