8. júlí

8. júlí er 189. dagur ársins (190. á hlaupári) samkvæmt gregoríska tímatalinu. 176 dagar eru eftir af árinu.

Atburðir

• 1362 - Grundarbardagi var háður á Grund í Eyjafirði, en þar fóru Eyfirðingar að Smið Andréssyni hirðstjóra og mönnum hans og drápu þá.
• 1497 - Vasco da Gama hélt upp í fyrsta leiðangur sinn til Indlands umhverfis Afríku.
• 1617 - Leonora Dori, hirðmey Mariu de'Medici var tekin af lífi ákærð fyrir galdra.
• 1709 - Sænski herinn undir stjórn Karls 12. beið ósigur fyrir Rússum í orrustunni við Poltava. Karl konungur flúði til Tyrklands.
• 1716 - Danski flotinn vann sigur á þeim sænska í orrustunni við Dynekilen.
• 1815 - Loðvík 18. sneri aftur til Parísar og var útnefndur konungur Frakklands.
• 1853 - Matthew C. Perry og „svörtu skipin“ komu til Japans.
• 1903 - Síldarsöltun hófst á Siglufirði. Síldarævintýrið sem þarna hófst stóð í 65 ár.
• 1907 - Sandgræðsla hófst á vegum íslenska ríkisins á Reykjasandi á Skeiðum.
• 1922 - Ingibjörg H. Bjarnason var kjörin á þing fyrst kvenna og tók hún sæti á Alþingi 15. febrúar 1923.
• 1926 - Ríkisstjórn undir forsæti Jóns Þorlákssonar settist að völdum og sat í rúmt ár.
• 1951 - Tveir íþróttamenn slösuðust mikið og aðrir tveir biðu bana í Óshlíð á milli Bolungarvíkur og Ísafjarðar er bjarg lenti á 30 manna rútu sem þeir voru í.
• 1982 - The Coca-Cola Company setti drykkinn Diet Coke á markað.
• 1985 - Írska flugfélagið Ryanair hóf starfsemi.
• 1987 - Ríkisstjórn undir forsæti Þorsteins Pálssonar settist að völdum og sat í rúmt ár. Jóhanna Sigurðardóttir átti sæti í stjórninni og var hún þriðja konan til að gegna ráðherraembætti á Íslandi.
• 1990 - Martina Navratilova og Stefan Edberg sigruðu Wimbledon-mótið í einliðaleik í tennis.
• 1990 - Vestur-Þýskaland sigraði Heimsmeistaramót landsliða í knattspyrnu karla 1990 með 1-0 sigri á Argentínu.
• 1992 - Bandaríska sjónvarpsþáttaröðin Melrose Place hóf göngu sína á Fox Network.
• 1997 - Mayo Clinic uppgötvaði að megrunarlyfið fen-phen gæti valdið alvarlegum hjarta- og lungnaskaða.
• 1999 - Skáldsagan Harry Potter og fanginn frá Azkaban kom út í Bretlandi.

• 2003 - Um 600 fórust og 200 björguðust þegar ferja sökk í Bangladess.
• 2007 - Boeing-verksmiðjurnar afhjúpuðu nýja risafarþegaþotu, Boeing 787.
• 2008 - Surtsey var skráð inn í heimsminjaskrá UNESCO.
• 2009 - Stjórn Kína setti útgöngubann í Xinjiang-héraði vegna uppreisnar Úígúra.
• 2010 - Sólarorkuknúna flugvélin Solar Impulse lauk við fyrsta 24 tíma langa flug slíkrar flugvélar.
• 2011 - Geimskutlan Atlantis hélt af stað í sína hinstu geimferð, sem var einnig síðasta geimferð geimskutluáætlunar NASA.
• 2014 - Átök milli Ísraels og Hamas hófust þegar Ísraelsher hóf hernaðaraðgerðir á Gasaströndinni.
• 2020 - Líkamsleifar 180 manns fundust í fjöldagröfum í Djibo í Búrkína Fasó og grunur lék á að stjórnarherinn hefði stundað aftökur án dóms og laga.
• 2021 - Fjöldi andláta vegna COVID-19 náði 4 milljónum á heimsvísu.
• 2022 - Shinzō Abe, fyrrum forsætisráðherra Japans var skotinn til bana.

Fædd

• 1545 - Karl prins af Astúríu, krónprins Spánar (d. 1568).
• 1621 - Leonora Christina Ulfeldt, dóttir Kristjáns 4. (d. 1698).
• 1808 - George Robert Gray, enskur dýrafræðingur og rithöfundur (d. 1872).
• 1839 - John D. Rockefeller, bandarískur iðnjöfur (d. 1937).
• 1885 - Hugo Ferdinand Boss, þýskur fatahönnuður (d. 1948).
• 1908 - Nelson Rockefeller, varaforseti Bandaríkjanna (d. 1979).
• 1918 - Jakobína Sigurðardóttir, íslenskur rithöfundur og skáld (d. 1994).
• 1924 - Rannveig Torp Pálmadóttir Böðvarsson, íslensk útgerðarkona (d. 2005).
• 1931 - Arawa Kimura, japanskur knattspyrnumaður (d. 2007).
• 1934 - Marty Feldman, enskur gamanleikari (d. 1982).
• 1938 - Ragnar Arnalds, íslenskur stjórnmálamaður.
• 1943 - Alan Aldridge, breskur myndlistarmaður (d. 2017).
• 1951 - Anjelica Huston, bandarísk leikkona.
• 1958 - Kevin Bacon, bandarískur leikari.
• 1959 - Tom Egeland, norskur rithöfundur.
• 1963 - Rocky Carroll, bandarískur leikari.
• 1968 - Michael Weatherly, bandarískur leikari.
• 1970 - Beck, bandarískur söngvari.
• 1972 - Guðlaugur Baldursson, íslenskur knattspyrnuþjálfari.
• 1975 - Amara, indónesísk söngkona.
• 1976 - Ellen MacArthur, ensk siglingakona.
• 1980 - Auðunn Blöndal, íslenskur leikari og skemmtikraftur.
• 1980 - Robbie Keane, írskur knattspyrnumaður.
• 1981 - Keita Suzuki, japanskur knattspyrnumaður.
• 1991 - Virgil van Dijk, hollenskur knattspyrnumaður.
• 1992 - Son Heung-min, suðurkóreskur knattspyrnumaður.
• 1998 - Jaden Smith, bandarískur leikari og söngvari, sonur Will Smith

Dáin

• 975 - Játgeir friðsami, Englandskonungur.
• 1153 - Evgeníus 3. páfi.
• 1249 - Alexander 2. Skotakonungur (f. 1198).
• 1253 - Teóbald 4. af Champagne (f. 1201).
• 1362 - Smiður Andrésson, hirðstjóri á Íslandi.
• 1362 - Jón Guttormsson skráveifa, íslenskur lögmaður.
• 1422 - Mikaela af Valois, hertogaynja af Búrgund, fyrsta kona Filippusar góða (f. 1395).
• 1538 - Diego de Almagro, spænskur landvinningamaður.
• 1617 - Leonora Dori, hirðmey Frakklandsdrottningar (f. 1568).
• 1623 - Gregoríus 15. páfi (fæddur 1554).
• 1638 - Halldór Ólafsson, íslenskur lögmaður.
• 1695 - Christiaan Huygens, hollenskur stærðfræðingur (f. 1629).
• 1822 - Percy Bysshe Shelley, enskt skáld (f. 1792).
• 1859 - Óskar 1. Svíakonungur (f. 1799).
• 1892 - Sigurður Vigfússon, íslenskur fornfræðingur (f. 1828).
• 1907 - Sophus Bugge, norskur þjóðfræðingur (f. 1833).
• 1958 - Guðbjörg Þorleifsdóttir, íslensk húsfreyja (f. 1870).
• 1994 - Kim Il Sung, leiðtogi Norður-Kóreu (f. 1912).
• 2011 - Betty Ford, bandarísk forsetafrú (f. 1918).
• 2012 - Ernest Borgnine, bandarískur leikari (f. 1917).
• 2022 - Shinzō Abe, forsætisráðherra Japans (f. 1954).