1607

Ár

Áratugir

Aldir

Árið 1607 (MDCVII í rómverskum tölum) var ár sem hófst á mánudegi samkvæmt gregoríska tímatalinu eða fimmtudegi samkvæmt júlíska tímatalinu sem er tíu dögum á eftir.

Atburðir[breyta | breyta frumkóða]

9. mars - Vasilíj Sjúiskíj afturkallaði réttindi bænda sem falski Dimítríj 2. hafði veitt þeim.
10. mars - Susenyos sigrar her Jakobs Eþíópíukeisara og biskupsins Petrosar 2. í Gojjam.
15. mars - Karl hertogi var krýndur í Uppsölum.

4. apríl - Iskandar Muda varð soldán í Aceh.
10. apríl - Jakob 1. stofnaði tvö Virginíufélög, í London og Plymouth, með einkaleyfi á verslun við nýlendurnar í Nýja heiminum.
21. apríl - Páll 5. páfi samdi um frið við Feneyska lýðveldið fyrir milligöngu Hinriks 4. Frakkakonungs.
25. apríl - Hollenskur floti sigraði spænskan flota í orrustunni við Gíbraltar.
26. apríl - Fyrstu ensku landnemarnir komu á land við Cape Henry í Virginíu.

13. maí - Jamestown, fyrsti bær enskra landnema í Nýja heiminum, var stofnaður í Virginíu.
26. maí - Um 200 indíánar réðust á Jamestown, drápu tvo landnema og særðu tíu.

5. júní - Enski læknirinn John Hall og Susanna Shakespeare, dóttir leikskáldsins, gengu í hjónaband.
Júní - Svíar náðu Weissenstein í Eistlandi aftur á sitt vald.
Júní - Henry Hudson sá ströndina við Anmassalik en komst ekki að landi fyrir ís.

6. júlí - Konungssinnar unnu sigur á uppreisnarmönnum í orrustunni við Guzów í Pólsk-litháíska samveldinu.
10. júlí - John Smith var leystur úr haldi í Jamestown og gerður að nýlenduráðsmanni.
Júlí - Yfirráðum í Andorra var skipt milli Urgell-biskupsdæmis og Frakkakonungs með tilskipun Hinriks 4.

1. ágúst - Gatsi Rusere, konungur Mutapa (nú Simbabve) gerði samning við Portúgala.
13. ágúst - Enskir landnemar komu til Maine á skipinu Gift of God og stofnuðu þar skammlífa nýlendu í Fort St. George.
28. ágúst - Páll 5. páfi úrskurðaði að bæði molinismi jesúíta og tómismi dóminíkana rúmuðust innan kenninga kirkjunnar og bannaði um leið allar deilur um guðlega náð.

4. september - Jarlaflóttinn átti sér stað á Írlandi þegar Hugh O'Neill, jarl af Tyrone, og Rory 'Donnell, greifi af Tyrconnell, flúðu úr haldi Englendinga og komust frá Donegal til Frakklands.
10. september - Forseta Jamestown, Edward Maria Wingfield, var sagt upp og John Ratcliffe kosinn í hans stað.
16. september - Floti Mölturiddara og Flórensbúa rændi borgina Hippone á strönd Alsír til að hefna sjórána.

10. október - Bolotnikovuppreisnin: Uppreisnarmenn gáfust upp í Tula. Sjúiskíj lét taka þá alla af lífi þrátt fyrir að hafa heitið þeim griðum.
14. október - Matthías er kjörinn Ungverjalandskonungur.
27. október - Halastjarna Halleys var sem næst sólu.

9. nóvember - Spænska ríkið varð gjaldþrota í þriðja sinn sem olli gjaldþroti Fugger-bankans í Englandi.

Samkvæmt konungsbréfi skyldi flýta málum á Alþingi og láta það standa svo lengi sem afgreiðsla þeirra tæki.
Byggingu Rósenborgarhallar lauk.
Bygging Aldinborgarkastala hófst.
Fimm spunarokkar voru keyptir fyrir tukthúsið í Kaupmannahöfn.
Magnus Brahe varð ríkismarskálkur í Svíþjóð.
Bók um Ísland, Islandia, sive populorum et mirabilium quæ in ea insula reperiuntur accuratior descriptio eftir Dithmar Blefken, kom út í Leyden.
Havana var gerð að höfuðstað spænsku nýlendunnar Kúbu.
Fyrsta Biblíuþýðing á dönsku úr frumtexta kom út í Danmörku, Biblíuþýðing Resens.