30. júní

Maí – Júní – Júl
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30
2026 Allir dagar

30. júní er 181. dagur ársins (182. á hlaupári) samkvæmt gregoríska tímatalinu. 184 dagar eru eftir af árinu.

Atburðir

• 296 - Marsellínus varð páfi.
• 1073 - Gregoríus 7. varð páfi.
• 1232 - Antoníus frá Padúa, verndardýrlingur týndra hluta, var tekinn í heilagra manna tölu.
• 1498 - Maximilian 1. stofnaði Vínardrengjakórinn.
• 1559 - Hinrik 2. Frakkakonungur særðist í burtreiðum og dró sárið hann til dauða tíu dögum síðar.
• 1564 - Stóridómur var lögtekinn á Alþingi.
• 1579 - Erlendir hvalveiðimenn rændu Eggerti Hannessyni í Saurbæ á Rauðasandi, héldu honum föngnum á skipi í mánuð og slepptu honum síðan gegn háu lausnargjaldi.
• 1594 - Morðbréfamálið: Fjögur bréf sem hermdu morð upp á Jón Sigmundsson lögmann voru dæmd fölsuð á Alþingi.
• 1605 - Falsdimítríj var krýndur keisari Rússlands sem Dimítríj 1.
• 1643 - Enska borgarastyrjöldin: Konungssinnar unnu sigur í orrustunni við Adwalton Moor og náðu yfirráðum í Yorkshire.
• 1688 - Nokkrir háttsettir Englendingar buðu Vilhjálmi af Óraníu og Maríu konu hans aðstoð við að setja föður hennar Jakob 2. frá völdum.
• 1742 - Sunnefumál: Hans Wium sýslumaður dæmdi systkinin Sunnefu Jónsdóttur og Jón Jónsson Sunnefubróður til dauða fyrir sifjaspell.
• 1856 - Jerome Napóleon prins, bróðursonur Napóleons Frakkakeisara, kom til Íslands á herskipi með fylgdarliði. Frakkar voru að reyna að fá heimild til verslunar, fiskvinnslu og útgerðar á Dýrafirði.
• 1862 - Eldgos hófst vestan Vatnajökuls og stóð í tvö ár. Eldstöðin heitir Toppgígar og hraunið sem rann heitir Tröllahraun.
• 1874 - Skólapiltar Lærða skólans mótmæltu atneskum stílum með því að halda brennu vestur á Melum.
• 1894 - Tower-brúin í London var vígð.
• 1908 - Gífurleg sprenging varð nærri Tunguskafljóti í Síberíu. Talið er að loftsteinn hafi hrapað þar til jarðar.
• 1910 - Laufey Valdimarsdóttir varð fyrst íslenskra kvenna til að ljúka stúdentsprófi frá Lærða skólanum í Reykjavík.
• 1934 - Nótt hinna löngu hnífa: Blóðugar hreinsanir fóru fram innan nasistaflokksins í Þýskalandi.
• 1946 - Alþingiskosningar voru haldnar á Íslandi.
• 1952 - Sápuóperan Leiðarljós var fyrst sýnd í sjónvarpi.
• 1954 - Almyrkvi varð á sólu og sást best við suðurströnd Íslands. Varð þar myrkur í nokkrar mínútur og skinu stjörnur á himni sem um nótt. Næst mun almyrkvi sjást á Íslandi við vesturströndina þann 12. ágúst 2026.
• 1960 - Austur-Kongó fékk sjálfstæði frá Belgíu.
• 1964 - Norðurlandameistaramóti í handknattleik kvenna, sem haldið var í Reykjavík, lauk með sigri íslenska liðsins.
• 1968 - Kristján Eldjárn var kjörinn forseti Íslands.
• 1971 - Öll áhöfn geimfarsins Sojús 11 lést þegar loft lak út um gallaðan ventil.
• 1972 - Fyrstu hlaupasekúndunni var bætt við alheimstímann (UTC).
• 1974 - Alþingiskosningar voru haldnar. Þennan dag hófu fyrstu kvenlögregluþjónar á Íslandi störf í Reykjavík.
• 1974 - Alberta Williams King, móðir Martin Luther King, var myrt.
• 1977 - Suðaustur-Asíubandalagið (SEATO) var formlega lagt niður.
• 1984 - Elton John hélt hina frægu tónleika Night and Day Concert á Wembley.
• 1984 - John Turner varð forsætisráðherra Kanada.
• 1987 - Kanada tók upp eins dals mynt með mynd af himbrima.
• 1988 - Kaþólski erkibiskupinn Marcel Lefebvre skipaði fjóra biskupa í Écône í Sviss gegn vilja páfa.
• 1989 - Omar al-Bashir steypti Sadiq al-Mahdi af stóli í Súdan.
• 1990 - Efnahagskerfi Austur- og Vestur-Þýskalands voru sameinuð.
• 1990 - Kvennahlaup ÍSÍ var haldið í fyrsta sinn og var hlaupið á sex stöðum.
• 1990 - Keiludeild KR var stofnuð í Reykjavík.
• 1992 - Margaret Thatcher, fyrrum forsætisráðherra Bretlands, tók sæti í lávarðadeildinni með titilinn „barónessa af Kesteven“.
• 1993 - Heydər Əliyev varð forseti Aserbaísjan eftir valdarán.
• 1994 - Kvikmynd Friðriks Þórs Friðrikssonar, Bíódagar, var frumsýnd.
• 1996 - Radovan Karadžić sagði af sér sem forseti Bosníuserba og Biljana Plavšić tók við.
• 1997 - Bretar létu yfirráð yfir Hong Kong í hendur Kínverja.
• 1998 - Joseph Estrada varð forseti Filippseyja.
• 2000 - Edda - miðlun og útgáfa var stofnuð með samruna Máls og menningar og Vöku-Helgafells.
• 2000 - 9 létust og 26 slösuðust í troðningi á tónleikum Pearl Jam á Hróarskelduhátíðinni.
• 2002 - Brasilía sigraði Heimsmeistaramót landsliða í knattspyrnu karla 2002 með 2-0 sigri á Þýskalandi. Ronaldo skoraði bæði mörkin í úrslitaleiknum.

• 2003 - Öðru stríðinu í Kongó lauk með friðarsamningum.
• 2004 - Geimkönnunarfarið Cassini komst á braut um Satúrnus.
• 2005 - Spánn löggilti hjónabönd samkynhneigðra.
• 2007 - Hryðjuverkaárásin á Glasgow-flugvöll: Grænum Cherokee-jeppa var ekið inn í flugstöð Glasgow-flugvallar. Hann sprakk og olli miklum bruna.
• 2009 - 153 fórust þegar Yemenia flug 626 brotlenti á Kómoreyjum.
• 2012 - Forsetakosningar voru haldnar á Íslandi. Frambjóðendur voru sex talsins. Sitjandi forseti, Ólafur Ragnar Grímsson, vann yfirburðasigur.
• 2015 - Lockheed C-130 Hercules-herflutningavél hrapaði á íbúðahverfi í Medan á Súmötru með þeim afleiðingum að 143 létust.
• 2020 – Stjórnin í Beijing samþykkti hin umdeildu lög um þjóðaröryggi Hong Kong sem auðvelda stjórninni að berja niður andstöðu.

Fædd

• 904 - Guo Wei, sem síðar varð keisari síðara Zhou-veldisins (d. 954).
• 1470 - Karl 8. Frakkakonungur (d. 1498).
• 1503 - Jóhann Friðrik, kjörfursti Saxlands (d. 1554).
• 1641 - Meinhard von Schomberg, þýskur herforingi (d. 1719).
• 1836 - Georg Berna, þýskur náttúrufræðingur (d. 1865).
• 1881 - Peter Petersen (Bíó-Petersen), danskur ljósmyndari sem var einn af upphafsmönnum kvikmyndasýninga á Íslandi.
• 1893 - Walter Ulbricht, þýskur stjórnmálamaður (d. 1973).
• 1899 - Jón Helgason, íslenskur prófessor, skáld og fræðimaður (d. 1986).
• 1911 - Sigurbjörn Einarsson, biskup Íslands (d. 2008).
• 1911 - Czesław Miłosz, pólskur rithöfundur og Nóbelsverðlaunahafi (d. 2004).
• 1948 - Gunnlaugur M. Sigmundsson, íslenskur stjórnmálamaður og athafnamaður.
• 1955 - Egils Levits, lettneskur stjórnmálamaður.
• 1963 - Óskar Jónasson, íslenskur kvikmyndagerðarmaður.
• 1966 - Mike Tyson, bandarískur hnefaleikakappi.
• 1972 - Ramon Menezes, brasilískur knattspyrnumaður.
• 1973 - Jóhannes Loftsson, íslenskur aðgerðasinni.
• 1977 - Jóhann Gunnar Baldvinsson, íslenskur knattspyrnumaður.
• 1984 - Johnny Leoni, svissneskur knattspyrnumaður.
• 1985 - Michael Phelps, bandarískur sundmaður.

Dáin

• 829 - Shi Xiancheng, herforingi Tangveldisins.
• 1607 - Cesare Baronio, ítalskur kardináli (f. 1538).
• 1649 - Simon Vouet, franskur listmálari (f. 1590).
• 1690 - Jón Vigfússon, Hólabiskup (f. 1643).
• 1934 - Kurt von Schleicher, þýskur hershöfðingi (f. 1882).
• 1974 - Alberta Williams King, móðir Martin Luther King (myrt) (f. 1904).
• 2012 - Yitzhak Shamir, ísraelskur stjórnmálamaður (f. 1915).
• 2017 - Simone Veil, frönsk stjórnmálakona (f. 1927).