3. desember

Nóv – Desember – Jan
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2026 Allir dagar

3. desember er 337. dagur ársins (338. á hlaupári) samkvæmt gregoríska tímatalinu. 28 dagar eru eftir af árinu.

Atburðir

• 1481 - Einar Björnsson jungkæri náði Bjarna Þórarinssyni góða manni á sitt vald á Brjánslæk á Barðaströnd og tók hann af lífi.
• 1533 - Ívan grimmi tók við stórfurstadæminu í Moskvu eftir lát föður síns, Vassilíj 3. Hann var þá þriggja ára.
• 1804 - Thomas Jefferson var kjörinn forseti Bandaríkjanna.
• 1818 - Illinois varð 21. fylki Bandaríkjanna.
• 1825 - Tasmanía varð sjálfstæð nýlenda Breta.
• 1828 - Andrew Jackson var kjörinn forseti Bandaríkjanna.
• 1857 - Á Kollsvík við Patreksfjörð fórust kona og tvö börn er hvirfilbylur skall á bæjarhúsum og braut þau niður.
• 1887 - Marie François Sadi Carnot varð forseti Frakklands.
• 1906 - Knattspyrnufélagið Torino F.C. var stofnað á Ítalíu.
• 1912 - Balkanstríðin: Balkanskagabandalagið; Búlgaría, Serbía, Grikkland Svartfjallaland og Serbía, skrifuðu undir vopnahlé við Ottómanveldið.
• 1916 - Íþróttafélagið Skallagrímur var stofnað í Borgarnesi.
• 1950 - Minnihlutastjórn Sjálfstæðisflokksins féll á vantrausti á Alþingi.
• 1964 - Danska knattspyrnuliðið Brøndby IF var stofnað með sameiningu tveggja íþróttaliða í Kaupmannahöfn.
• 1964 - Tjáningarfrelsishreyfingin: Lögregla handtók 800 stúdenta eftir mótmæli í Kaliforníuháskóla í Berkeley.
• 1964 - Vantraust á hendur forsætisráðherra Seylon, Sirimavo Bandaranaike, var samþykkt og kosningar boðaðar í mars árið eftir.
• 1966 - Mótmæli gegn stjórn Portúgala áttu sér stað í Makaó.
• 1966 - Blóðbaðið í Bình Hòa: Suðurkóresk hersveit myrti yfir 400 almenna borgara í Víetnam.
• 1967 - Læknirinn Christiaan Barnard framkvæmdi fyrstu hjartaígræðsluna í Höfðaborg í Suður-Afríku.
• 1970 - Front de libération du Québec leystu James Cross úr haldi eftir sextíu daga í skiptum fyrir far fimm skæruliða til Kúbu.
• 1970 - Burgos-réttarhöldin yfir sextán liðsmönnum ETA hófust í Burgos á Spáni.
• 1970 - Verslunarmiðstöðin Glæsibær var tekin í notkun í Reykjavík. Meðal annars var þar stærsta matvöruverslun landsins á þessum tíma, verslun Silla og Valda.
• 1971 - Stríð Indlands og Pakistan 1971 hófst með árás Pakistana á níu indverska flugvelli. Næsta dag réðist Indland inn í Austur-Pakistan.
• 1973 - Pioneer-verkefnið: Pioneer 10 sendi fyrstu nærmyndirnar af Júpíter til jarðar.
• 1976 - Bob Marley varð fyrir skoti í morðtilraun í Kingston á Jamaíka.
• 1984 - Bhopal-slysið olli dauða um 8000 manns á Indlandi.
• 1990 - Miðneshreppur fékk kaupstaðaréttindi og nefndist þá Sandgerðisbær.
• 1992 - 794. ályktun Öryggisráðs Sameinuðu þjóðanna um að senda friðargæslulið til Sómalíu var samþykkt einróma.
• 1992 - Gríska olíuskipið Aegean Sea strandaði við La Coruña á Spáni og um 70.000 tonn af hráolíu láku í sjóinn.
• 1994- Sony kynnti 32-bita leikjatölvuna PlayStation í Japan.
• 1995 - Verkföll lömuðu opinbera geirann í Frakklandi.
• 1997 - Fulltrúar 121 lands undirrituðu samning um bann við notkun jarðsprengja í Ottawa í Kanada. Bandaríkin, Rússland, Alþýðulýðveldið Kína, Suður-Kórea og 32 önnur lönd ákváðu að standa utan samningsins.
• 1999 - NASA missti samband við Mars Polar Lander áður en hann fór inn í lofthjúp Mars.
• 1999 - Tori Murden varð fyrst kvenna til að róa yfir Atlantshafið þegar hún kom í land á Gvadelúp eftir 81 daga ferð frá Kanaríeyjum.

• 2004 - Appelsínugula byltingin: Hæstiréttur Úkraínu ógilti forsetakosningarnar vegna kosningasvindls.
• 2005 - Lestarslys varð við Kárahnjúkavirkjun þegar tvær farþegalestar skullu saman með þeim afleiðingum að tveir verkamenn slösuðust.
• 2007 - Loftslagsráðstefna Sameinuðu þjóðanna hófst á Balí.
• 2014 - Japanska geimferðastofnunin JAXA sendi ómannaða geimfarið Hayabusa2 til loftsteinsins 162173 Ryugu.
• 2018 - Geimkönnunarfarið OSIRIS-REx náði loftsteininum Bennu.
• 2023 - Marapi-eldfjallið í Indónesíu gaus, 22 létust.
• 2024 - Yoon Suk-yeol, forseti Suður-Kóreu, lýsti yfir herlögum í landinu vegna ósættis við stjórnarandstöðuna um stefnu gagnvart Norður-Kóreu. Allir þingmenn þjóðþingsins kusu um að afnema herlögin. Forsetinn var ákærður 11 dögum síðar og lét af embætti.
• 2024 - Netumbo Nandi-Ndaitwah var kjörin forseti Namibíu, fyrst kvenna.

Fædd

• 1368 - Karl 6. Frakkakonungur (d. 1422).
• 1641 - Konrad Samuel Schurzfleisch, þýskur sagnfræðingur (d. 1708).
• 1684 - Ludvig Holberg, danskur rithöfundur og leikskáld (d. 1754).
• 1737 - Pierre Ozanne, franskur myndlistarmaður (d. 1813).
• 1800 - France Prešeren, slóvenskt ljóðskáld (d. 1849).
• 1857 - Joseph Conrad, breskur rithöfundur (d. 1924).
• 1863 - Thor Jensen, danskur athafnamaður (d. 1947).
• 1879 - Jens Eyjólfsson, íslenskur bygginameistari (d. 1959).
• 1921 - Geoffrey Kirk, breskur fornfræðingur (d. 2003).
• 1924 - John Backus, bandarískur tölvunarfræðingur (d. 2007).
• 1930 - Jean-Luc Godard, svissnesk-franskur leikstjóri (d. 2022).
• 1936 - Saburo Kawabuchi, japanskur knattspyrnumaður.
• 1942 - Pedro Rocha, úrúgvæskur knattspyrnumaður (d. 2013).
• 1943 - Kiyoshi Tomizawa, japanskur knattspyrnumaður.
• 1945 - Božidar Dimitrov, búlgarskur stjórnmálamaður og ráðherra (d. 2018).
• 1948 - Ozzy Osbourne, breskur rokksöngvari.
• 1948 - Ari Trausti Guðmundsson, íslenskur jarðfræðingur.
• 1952 - Benny Hinn, bandarískur sjónvarpspredikari.
• 1956 - Ewa Kopacz, pólsk stjórnmálakona.
• 1960 - Julianne Moore, bandarísk leikkona.
• 1966 - Ólöf Nordal, íslenskur stjórmálamaður.
• 1970 - Fikret Alomerović, makedónskur knattspyrnumaður.
• 1980 - Jenna Dewan, bandarísk leikkona.
• 1981 - David Villa, spænskur knattspyrnumaður.
• 1981 - Liza Lapira, bandarísk leikkona.
• 1990 - Takuji Yonemoto, japanskur knattspyrnumaður.
• 1998 - Elísabet Hulda Snorradóttir, íslensk fegurðardrottning.
• 2005 - Sverrir Magnús Noregsprins.

Dáin

• 312 - Diocletianus, Rómarkeisari (f. 244).
• 1154 - Anastasíus 4. páfi.
• 1592 - Alexander Farnese, hertogi af Parma (f. 1545).
• 1641 - Oddur Stefánsson, skólameistari í Skálholtsskóla.
• 1739 - Steinn Jónsson Hólabiskup lést 79 ára gamall. Hann gaf út biblíu sem við hann er kennd.
• 1745 - Eyjólfur Jónsson, annálaritari og prestur á Völlum í Svarfaðardal (f. 1670).
• 1839 - Friðrik 6. Danakonungur, konungur Danmerkur frá 1808 og Noregs frá 1808 til 1814 (f. 1768).
• 1894 - Robert Louis Stevenson, skoskur rithöfundur (f. 1850).
• 1910 - Mary Baker Eddy, bandarískur trúarleiðtogi (f. 1821).
• 1919 - Pierre-Auguste Renoir, franskur myndhöggvari (f. 1841).
• 1935 - Milman Parry, bandarískur fornfræðingur (f. 1902).
• 1979 - Jörundur Brynjólfsson, íslenskur stjórnmálamaður (f. 1884).
• 2023 - Sigurður Helgason, íslenskur stærðfræðingur (f. 1927).