15. mars

Feb – Mar – Apr
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2025 Allir dagar

15. mars er 74. dagur ársins (75. á hlaupári) samkvæmt gregoríska tímatalinu. 291 dagur er eftir af árinu.

Atburðir

• 44 f.Kr. - Júlíus Sesar var myrtur fyrir utan öldungadeildina í Róm.
• 1493 - Kristófer Kólumbus kom til baka til Spánar úr fyrstu Ameríkuferð sinni.
• 1607 - Karl hertogi var krýndur í Uppsölum.
• 1639 - Brynjólfur Sveinsson varð biskup í Skálholti.
• 1905 - Bæjarsíminn í Reykjavík formlega opnaður með fiðluleik í símann. Þá voru 15 talsímar í Reykjavík, en þeim fjölgaði ört.
• 1909 - Fyrsta Selfridges-verslunin var opnuð við Oxfordstræti í London.
• 1940 - Vetrarstríðið: Finnar og Sovétmenn undirrituðu friðarsamkomulag.
• 1942 - Bandarískur hermaður skaut að tveimur Íslendingum og fékk annar þeirra skotið í höfuðið og lést á sjúkrahúsi sama dag.
• 1953 - Þjóðvarnarflokkur Íslands var stofnaður.
• 1961 - Suður-Afríka sagði sig úr Breska samveldinu.
• 1962 - Frost í Möðrudal á Fjöllum mældist -33 °C, hið mesta síðan frostaveturinn mikla 1918.
• 1970 - Heimssýningin Expo '70 hófst í Ósaka í Japan.
• 1978 - Stríð Sómalíu og Eþíópíu: Sómalía og Eþíópía undirrituðu friðarsamninga.
• 1983 - Nærri lá að herflugvél og þota frá Arnarflugi rækjust á skammt frá Vestmannaeyjum. Herflugvélin hafði farið út fyrir sitt tiltekna svæði.
• 1985 - Íslenska kvikmyndin Hvítir mávar var frumsýnd á Seyðisfirði.
• 1986 - Félag eldri borgara í Reykjavík var stofnað.
• 1986 - Hotel New World í Singapúr hrundi með þeim afleiðingum að 100 létust.
• 1989 - Fyrirtækið Athygli almannatengsl var stofnað.
• 1990 - Breski blaðamaðurinn Farzad Bazoft var hengdur fyrir njósnir í Írak.
• 1990 - Fyrstu háhraðainternettengingunni var komið á um ljósleiðara milli CERN í Evrópu og Cornell-háskóla í Bandaríkjunum.
• 1990 - Fernando Collor de Mello varð fyrsti lýðræðislega kjörni forseti Brasilíu frá 1961.
• 1991 - Fjórir lögreglumenn í Los Angeles voru dæmdir fyrir að hafa barið Rodney King.
• 1994 - Bandaríkin drógu herlið sitt frá Sómalíu.
• 1996 - Hollenski flugvélaframleiðandinn Fokker varð gjaldþrota.
• 1999 - Santernefndin í Brussel sagði af sér vegna ásakana um spillingu.
• 2002 - Bandaríska teiknimyndin Ísöld var frumsýnd.
• 2003 - Hu Jintao tók við sem forseti alþýðulýðveldisins Kína af Jiang Zemin.
• 2006 - Bandarísk stjórnvöld tilkynntu ríkisstjórn Íslands um þau áform sín að kalla allar orrustuþotur sínar og björgunarþyrlur heim frá Keflavíkurflugvelli.

• 2008 - 60 létust þegar vopnageymsla í Gërdec í nágrenni Tírana í Albaníu sprakk.
• 2011 - Borgarastyrjöldin í Sýrlandi hófst: Mótmælaalda breiddist út um Sýrland. Mótmælendur kröfðust lýðræðisumbóta og afsagnar Bashar al-Assad. Stjórnin brást hart við og skaut hundruð mótmælenda.
• 2012 - Flugslysið á Kebnekaise 2012: Norsk Hercules-herflutningavél hrapaði á fjallið Kebnekaise í Svíþjóð. Fimm fórust.
• 2015 - 14 létust og 70 særðust í árásum á kristnar kirkjur í Pakistan.
• 2016 - Í Sogni og Firðafylki í Noregi fannst hreindýr sem sýkst hafði af dádýrariðu. Þetta var fyrsta tilvik sjúkdómsins sem greinst hafði í Evrópu.
• 2019 – Vopnaður maður réðst inn í tvær moskur í Christchurch á Nýja-Sjálandi og skaut á fólkið þar inni. Alls létust um fimmtíu manns í árásinni.

Fædd

• 1568 - Johannes Bureus, sænskur fornfræðingur (d. 1652).
• 1638 - Shunzhi, keisari Kingveldisins í Kína (d. 1661).
• 1767 - Andrew Jackson Bandaríkjaforseti (d. 1845).
• 1779 - William Lamb, vísigreifi af Melbourne, breskur stjórnmálamaður (d. 1848).
• 1830 - Paul Heyse, þýskur rithöfundur og nóbelsverðlaunahafi (d. 1914).
• 1854 - Emil von Behring, þýskur örverufræðingur og nóbelsverðlaunahafi (d. 1917).
• 1857 - Christian Michelsen, norskur skipajöfur (d. 1925).
• 1878 - Resa Sja, keisari Írans (d. 1944).
• 1889 - Joseph Thorson, vesturíslenskur stjórnmálamaður (d. 1978).
• 1901 - Teresía Guðmundsson, norskur veðurfræðingur (d. 1983).
• 1930 - Jean Tabary, franskur myndasöguhöfundur (d. 2011)
• 1933 - Ruth Bader Ginsburg, bandarískur hæstaréttardómari (d. 2020).
• 1935 - Judd Hirsch, bandarískur leikari.
• 1936 - Inga Huld Hákonardóttir, íslenskur sagnfræðingur (d. 2014).
• 1938 - Þorsteinn frá Hamri, íslenskt skáld og rithöfundur (d. 2018).
• 1946 - Jörundur Hilmarsson, íslenskur málfræðingur (d. 1992).
• 1952 - Philip Green, breskur athafnamaður.
• 1963 - Bret Michaels, bandarískur söngvari.
• 1967 - Baldur Trausti Hreinsson, íslenskur leikari.
• 1968 - Kahimi Karie, japönsk söngkona.
• 1971 - Euller, brasilískur knattspyrnumaður.
• 1973 - Robin Hunicke, bandarískur tölvuleikjahönnuður.
• 1975 - Eva Longoria, bandarísk leikkona.
• 1975 - Will.I.Am, bandariskur rappari (Black Eyed Peas).
• 1980 - Stefán Gíslason, íslenskur knattspyrnumaður.
• 1993 - Paul Pogba, franskur knattspyrnumaður.

Dáin

• 44 f.Kr. - Júlíus Caesar, rómverskur ræðismaður (f. 100 f.Kr.).
• 1190 - Ísabella af Hainaut, drottning Frakklands, fyrsta kona Filippusar 2. (f. 1170).
• 1303 - Þorlákur Narfason lögsögumaður á Kolbeinsstöðum.
• 1937 - H. P. Lovecraft, bandarískur rithöfundur (f. 1890).
• 1952 - Sigfús Sigurhjartarson, íslenskur stjórnmálamaður (f. 1902).
• 1992 - Ólafur Halldórsson, íslenskur knattspyrnumaður og formaður Knattspyrnufélagsins Fram (f. 1913).
• 2008 - Helgi Hallvarðsson, skipherra hjá Landhelgisgæslunni (f. 1931).