8. apríl

8. apríl er 98. dagur ársins (99. á hlaupári) samkvæmt gregoríska tímatalinu. 267 dagar eru eftir af árinu.

Atburðir

• 217 - Caracalla var myrtur af hermönnum sínum við Edessa. Foringi Pretóríuvarðarins, Marcus Opellius Macrinus, lýsti sig keisara.
• 1571 - Guðbrandur Þorláksson var vígður biskup á Hólum, 29 ára gamall. Hann gegndi embættinu í 56 ár.
• 1609 - Shimazu Yoshihiro hóf að leggja Ryūkyū-eyjar undir lénið Satsuma í Japan.
• 1663 - Theatre Royal, Drury Lane opnaði með nýrri uppfærslu á Gamansama liðsforingjanum eftir John Fletcher.
• 1703 - Manntal var tekið á Íslandi um þetta leyti ársins. Þetta manntal var fyrsta manntal heims sem náði til heillar þjóðar.
• 1742 - Óratorían Messías eftir Georg Friedrich Händel var frumflutt í Dyflinni á Írlandi.
• 1783 - Krímkanatið var innlimað í Rússneska keisaradæmið.
• 1838 - Áætlunarsiglingar með gufuskipum hófust á milli Bristol í Englandi og New York í Bandaríkjunum. Það var gufuskipið Great Western sem fór fyrstu ferðina.
• 1898 - Kristján konungur 9. varð áttræður og var af því tilefni haldin stórveisla í Reykjavík samkvæmt Árbókum Reykjavíkur.
• 1924 - Sharia-dómstólar eru bannaðir í Tyrklandi sem hluti af umbótum stjórnar Kemal Atatürk.
• 1947 - Síðustu bandarísku hermennirnir sem staðsettir voru á Íslandi í Síðari heimsstyrjöld yfirgáfu landið með herflutningaskipinu Edmund B. Alexander.
• 1957 - 49 punda stórlax veiddist í þorskanet við Grímsey. Þetta var stærsti lax sem menn vissu til að veiðst hefði við Ísland.
• 1970 - 79 létust í gassprengingu í neðanjarðarlestarkerfi Ósaka í Japan.
• 1977 - Fyrsta hljómplata bresku hljómsveitarinnar The Clash kom út.
• 1978 - Leikskólinn Furugrund hóf starfsemi í Kópavogi.
• 1989 - Bónus opnaði fyrstu verslun sína við Skútuvog í Reykjavík.
• 1990 - Fyrsti þáttur Tvídranga (Twin Peaks) var sendur út á ABC í Bandaríkjunum.
• 1990 - Birendra af Nepal aflétti banni við stjórnarandstöðuflokkum í Nepal eftir mikil mótmæli.
• 1991 - Gítarleikari norsku svartmálmshljómsveitarinnar Mayhem, Øystein Aarseth, kom að söngvara hljómsveitarinnar Per Yngve Ohlin sem hafði framið sjálfsmorð. Aarseth tók ljósmynd af líkinu sem var notuð á umslag bootleg-plötunnar Dawn of the Black Hearts fjórum árum síðar.

• 1994 - Lýðveldið Makedónía gerist aðili að Sameinuðu þjóðunum.
• 1994 - Dómsdagur Michelangelos á endavegg Sixtínsku kapellunnar í Vatíkaninu var sýndur almenningi eftir 10 ára viðgerðir.
• 1994 - Kurt Cobain, söngvari bandarísku hljómsveitarinnar Nirvana, fannst látinn á heimili sínu.
• 1995 - Alþingiskosningar voru haldnar á Íslandi.
• 1999 - Bill Gates varð ríkasti einstaklingur heims vegna mikilla hækkana á hlutabréfum í Microsoft.
• 2004 - Átökin í Darfúr: Ríkisstjórn Súdan gerði vopnahléssamkomulag við tvo skæruliðahópa.
• 2010 - Bandaríkin og Rússland endurnýjuðu START-samninginn um fækkun kjarnavopna.
• 2018 - Borgarastyrjöldin í Sýrlandi: 70 voru sagðir hafa látist eftir saríngasárás á bæinn Douma.
• 2020 – Sádi-Arabía og bandamenn þeirra lýstu yfir einhliða vopnahléi í borgarastyrjöldinni í Jemen.

Fædd

• 563 f.Kr. - Gautama Búdda, trúarleiðtogi (d. 483 f.Kr.).
• 1320 - Pétur 2. Portúgalskonungur (d. 1367).
• 1588 - Thomas Hobbes, enskur heimspekingur (d. 1679).
• 1605 - Filippus 4. konungur Spánar og Portúgals (d. 1665).
• 1794 - Helgi G. Thordersen, íslenskur biskup (d. 1867).
• 1818 - Kristján 9. Danakonungur (d. 1906).
• 1836 - Oddur V. Gíslason, íslenskur prestur (d. 1911).
• 1850 - Jóhannes Guðmundsson Nordal, íslenskur athafnamaður (d. 1946).
• 1859 - Edmund Husserl, þýskur heimspekingur (d. 1938).
• 1892 - Mary Pickford, kanadísk leikkona (d. 1979).
• 1912 - Sonja Henie, norskur listskautari (d. 1969).
• 1919 - Ian Smith, fyrrum forsætisráðherra Ródesíu (d. 2007).
• 1929 - Erlendur Jónsson, íslenskur rithöfundur.
• 1938 - Kofi Annan, fyrrum aðalritari Sameinuðu þjóðanna (d. 2018).
• 1944 - Masanobu Izumi, japanskur knattspyrnumaður.
• 1947 - Larry Norman, bandarískur tónlistarmaður (d. 2008).
• 1950 - Nobuo Fujishima, japanskur knattspyrnumaður.
• 1951 - Geir H. Haarde, íslenskur stjórnmálamaður.
• 1955 - Kazuyoshi Nakamura, japanskur knattspyrnumaður.
• 1962 - Izzy Stradlin, bandarískur tónlistarmaður.
• 1963 - Julian Lennon, breskur tónlistarmaður.
• 1968 - Patricia Arquette, bandarísk leikkona.
• 1972 - Piotr Świerczewski, pólskur knattspyrnumaður.

Dáin

• 217 - Caracalla, Rómarkeisari (f. 186).
• 1364 - Jóhann 2. Frakkakonungur (f. 1319).
• 1492 - Lorenzo de Medici, ítalskur stjórnmálamaður.
• 1608 - Þórður Guðmundsson, íslenskur lögmaður (f. 1524).
• 1697 - Niels Juel, danskur flotaforingi (f. 1629).
• 1879 - Anthony Panizzi, ítalskur lögfræðingur og bókavörður (f. 1797).
• 1909 - V.U. Hammershaimb, færeyskur málvísindamaður (f. 1819).
• 1931 - Erik Axel Karlfeldt, sænskt ljóðskáld og Nóbelsverðlaunahafi (f. 1864).
• 1973 - Pablo Picasso, spænskur myndlistarmaður (f. 1881).
• 1973 - E.R. Dodds, breskur fornfræðingur (f. 1893).
• 1975 - Brynjólfur Jóhannesson, íslenskur leikari (f. 1897).
• 1977 - Stefania Turkewich, úkraínskt tónskáld (f. 1898).
• 2009 – Haraldur Bessason, íslenskur fræðimaður og rithöfundur (f. 1931)
• 2010 - Malcolm McLaren, breskur tónlistarmaður og umboðsmaður (f. 1946).
• 2013 – Margrét Thatcher, forsætisráðherra Bretlands (f. 1925).
• 2018 - Chuck McCann, bandarískur leikari (f. 1934).