30. maí

Apr – Maí – Jún
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2015 Allir dagar

30. maí er 150. dagur ársins (151. á hlaupári) samkvæmt gregoríska tímatalinu. 215 dagar eru eftir af árinu.

Atburðir

• 1431 - Jóhanna af Örk (Jeanne d'Arc, Mærin frá Orleans) var brennd á báli í Rúðuborg (Rouen) í Frakklandi.
• 1434 - Bæheimsku styrjaldirnar: Orrustan við Lipan.
• 1768 - Eggert Ólafsson skáld og varalögmaður fórst á Breiðafirði ásamt konu sinni og sex öðrum mönnum. Voru þau að koma frá vetursetu í Sauðlauksdal.
• 1829 - Jónas Hallgrímsson flutti prófræðu sína í Bessastaðakirkju.
• 1836 - Paul Gaimard kom með leiðangur sinn til Reykjavíkur og fóru þeir víða um land. Einn leiðangursmanna, August Mayer, teiknaði fjölda mynda hérlendis og hafa þær verið gefnar út.
• 1851 - Jón Sigurðsson var kosinn forseti Kaupmannahafnardeildar Hins íslenska bókmenntafélags og gegndi þeirri stöðu til dauðadags. Af því var hann jafnan nefndur Jón forseti. Um skeið var hann einnig forseti Alþingis.
• 1889 - Hallgrímur Sveinsson vígður biskup.

• 1894 - Eldey var klifin í fyrsta skipti. Var þar að verki Eldeyjar-Hjalti (Hjalti Jónsson) og tveir aðrir Vestmannaeyingar. Var þetta talin hættuför hin mesta.
• 1919 - Fyrsti íslenski ríkisráðsfundurinn var haldinn í Fredensborgarhöll í Danmörku. Fyrsti slíkur fundur hérlendis var haldinn tveimur árum síðar.
• 1940 - Róstur urðu eftir knattspyrnuleik milli Fram og Víkings í Reykjavík. Þrjátíu manns voru handteknir.
• 1977 - Kvikmynd Hrafns Gunnlaugssonar, Blóðrautt sólarlag, var frumsýnd og urðu um hana deilur.
• 1982 - Spánn varð sextánda aðildarland NATO og fyrsta ríkið til að gerast meðlimur frá því Vestur-Þýskaland gekk í bandalagið árið 1955.
• 1984 - Alþingismönnum var fjölgað úr 60 í 63 og kosningaaldur var lækkaður úr 20 árum í 18 ár.

Fædd

• 1672 - Pétur mikli, keisari Rússlands (d. 1725).
• 1814 - Mikhail Bakunin, rússneskur byltingarsinni (d. 1876).
• 1955 - Richard Janko, bandarískur fornfræðingur.
• 1975 - Stefán Álfsson, íslenskur athafnamaður.
• 1980 - Steven Gerrard, breskur knattspyrnumaður.

Dáin

• 1431 - Jóhanna af Örk (Jeanne d'Arc, Mærin frá Orleans).
• 1574 - Karl 9., konungur Frakklands (f. 1550).
• 1640 - Peter Paul Rubens, flæmskur listmálari (f. 1577).
• 1744 - Alexander Pope, bresk skáld (f. 1688).
• 1768 - Eggert Ólafsson skáld og varalögmaður (f. 1726).
• 1778 - Voltaire, franskur heimspekingur (f. 1694).
• 1912 - Wilbur Wright, frumkvöðull í flugi (f. 1867).
• 1960 - Boris Pasternak, rússneskur rithöfundur (f. 1890).
• 2011 - Rosalyn Yalow, bandarískur Nóbelsverðlaunahafi í lífeðlis- og læknisfræði (f. 1921).
• 2012 - Andrew Huxley, breskur líffræðingur og nóbelsverðlaunahafi (f. 1917).