2. desember

Nóv – Desember – Jan
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2024 Allir dagar

2. desember er 336. dagur ársins (337. á hlaupári) samkvæmt gregoríska tímatalinu. 29 dagar eru eftir af árinu.

Atburðir

• 1302 - Hákon háleggur Noregskonungur lét hengja Auðun Hugleiksson hestakorn, valdamesta mann norska ríkisráðsins.
• 1302 - Birgir Magnússon og Marta Eiríksdóttir voru krýnd konungur og drottning Svíþjóðar.
• 1409 - Háskólinn í Leipzig var stofnaður.
• 1697 - Pálskirkjan í London var opnuð.
• 1766 - Svíþjóð varð fyrst ríkja til að lögleiða prentfrelsi. Það gilti þó ekki á öllum sviðum.
• 1804 - Napóleon lét krýna sig Frakkakeisara.
• 1805 - Orrustan við Austerlitz: Lið Frakka vann sigur á liði Rússa og Austurríkismanna.
• 1852 - Frakkland varð aftur keisaradæmi og Napóleon 3. varð keisari.
• 1914 - Sigurður Eggerz, forsætisráðherra, sendi símskeyti til Íslands frá Kaupmannahöfn, 2000 orð og var það lengsta skeyti sem borist hafði til landsins. Þar sagði hann frá umræðum um stjórnarskrármálið og fánamálið á ríkisráðsfundi í Kaupmannahöfn.
• 1929 - Mikið austanveður gekk yfir Ísland og mældist lægsti loftþrýstingur á landinu, 919,7 millibör, í Vestmannaeyjum.
• 1941 - Togarinn Sviði fórst með 25 manna áhöfn utan við Snæfellsnes.
• 1942 - Enrico Fermi tókst að koma af stað keðjuverkun kjarnaklofnunar í Chicago.
• 1953 - Elsti Íslendingur allra tíma fram að þessu andaðist í Hafnarfirði. Var það Helga Brynjólfsdóttir, 106 ára og 184 daga gömul. Halldóra Bjarnadóttir (d. 27. nóvember 1981) bætti met hennar 1980.
• 1961 - Flugstöðin á Akureyrarflugvelli var opnuð.
• 1971 - Sex arabísk furstadæmi gerðu með sér bandalag og mynduðu Sameinuðu arabísku furstadæmin.
• 1975 - Skæruliðar Pathet Lao tóku við stjórnartaumunum í Laos.
• 1979 - Alþingiskosningar voru haldnar á Íslandi.
• 1980 - Bandaríski trúboðinn Jean Donovan og þrjár nunnur voru myrt af dauðasveitum hersins í El Salvador.
• 1982 - Bandaríkjamaðurinn Barney Clark fékk fyrsta ígrædda gervihjartað. Hann lifði í 112 daga eftir aðgerðina.
• 1983 - Myndbandið við lag Michael Jackson, „Thriller“, var frumsýnt á MTV.
• 1987 - Málflutningur í málinu Hustler Magazine gegn Falwell fór fram fyrir hæstarétti Bandaríkjanna.
• 1988 - Benazir Bhutto varð fyrsti kvenkyns forsætisráðherra íslamsks ríkis.
• 1990 - Flokkur Helmut Kohl sigraði fyrstu þingkosningar sameinaðs Þýskalands.
• 1993 - Pablo Escobar, kólumbískur eiturlyfjabarón var skotinn til bana í Medellin.
• 1993 - Pehr G. Gyllenhammar, framkvæmdastjóri Volvo, sagði af sér eftir að hluthafar höfnuðu sameiningu við Renault.
• 1993 - STS-61: Sjö geimfarar fóru á geimskutlunni Endeavor til að gera við Hubble-sjónaukann.
• 1999 - Fyrsta ríkisstjórn Norður-Írlands sem bæði mótmælendur og kaþólikkar áttu aðild að kom saman.

• 2001 - Bandaríska orkufyrirtækið Enron óskaði eftir gjaldþrotaskiptum.
• 2001 - Kreppan mikla í Argentínu: Ríkisstjórn Argentínu frysti allar innistæður í 12 mánuði sem leiddi til uppþota.
• 2007 - Íbúar Venesúela höfnuðu stjórnarskrárbreytingum sem hefðu gefið forseta meiri völd.
• 2013 - Til skotbardaga kom á milli manns nokkurs og lögreglu í Árbæjarhverfi. Maðurinn varð fyrir skoti frá lögreglu og lést af völdum þess.
• 2019 - Loftslagsráðstefna Sameinuðu þjóðanna 2019 hófst í Madríd á Spáni þar sem forseti Chile hafði hafnað því að halda ráðstefnuna vegna mótmælanna í landinu.
• 2020 - Breska lyfjaeftirlitið samþykkti BNT162b2-bóluefnið frá Pfizer-BioNTech.
• 2020 - Fíkniefnanefnd Sameinuðu þjóðanna tók kannabis út af lista yfir hættuleg eiturlyf, vegna notagildis þess í læknisfræðilegum tilgangi.

Fædd

• 1825 - Pedro 2. Brasilíukeisari (d. 1891)
• 1855 - Þórhallur Bjarnarson, biskup Íslands (d. 1916).
• 1877 - Benedikt Sveinsson (yngri), íslenskur stjórnmálamaður (d. 1954).
• 1898 - Gunnar M. Magnúss, íslenskur rithöfundur (d. 1988).
• 1923 - Maria Callas, grísk sópransöngkona (d. 1977).
• 1924 - Alexander M. Haig, bandarískur hershöfðingi og utanríkisráðherra (d. 2010).
• 1930 - Gary Becker, bandarískur hagfræðingur (d. 2014).
• 1930 - Hilmar Guðlaugsson reykvískur borgarfulltrúi og fv. formaður Knattspyrnufélagsins Fram.
• 1939 - Soffía Jakobsdóttir, íslensk leikkona.
• 1939 - Harry Reid, bandarískur stjórnmálamaður (d. 2021).
• 1946 - Gunnar Örn Gunnarsson, íslenskur myndlistarmaður (d. 2008).
• 1950 - Paul Watson, kanadískur umhverfisverndarsinni.
• 1955 - Einar K. Guðfinnsson, íslenskur stjórnmálamaður.
• 1957 - Dagfinn Høybråten, norskur stjórnmálamaður.
• 1966 - Nökkvi Elíasson, íslenskur ljósmyndari.
• 1966 - Logi Bergmann Eiðsson, íslenskur fjölmiðlamaður.
• 1967 - Júlíus Kemp, íslenskur kvikmyndagerðarmaður.
• 1968 - Lucy Liu, bandarísk leikkona.
• 1968 - Rena Sofer, bandarísk leikkona.
• 1978 - Nelly Furtado, kanadísk söngkona.
• 1978 - Chris Wolstenholme, enskur bassaleikari (Muse).
• 1981 - Britney Spears, bandarísk söngkona.
• 1983 - Daniela Ruah, bandarísk-portúgölsk leikkona.
• 1986 - Ragnar Sólberg Rafnsson, íslenskur tónlistarmaður.
• 1989 - Kazuya Yamamura, japanskur knattspyrnuleikari.
• 1995 - Kalvin Phillips, enskur knattspyrnumaður.

Dáin

• 1547 - Hernán Cortés, spænskur landvinningamaður (f. 1485).
• 1552 - Francisco Xavier, spænskur jesúítaprestur og trúboði (f. 1506).
• 1594 - Gerhard Mercator, kortagerðarmaður (f. 1512).
• 1694 - Pierre Paul Puget, franskur listamaður (f. 1622).
• 1849 - Adelaide Bretadrottning, kona Vilhjálms 4. (f. 1792).
• 1859 - John Brown, bandarískur aðgerðasinni (f. 1800).
• 1887 - Robert Scott, breskur fornfræðingur (f. 1811).
• 1982 - Marty Feldman, breskur leikari (f. 1934).
• 1993 - Pablo Escobar, kólumbískur eiturlyfjabarón (f. 1949).
• 2008 - H.M. (Henry Gustav Molaison) bandarískur flogaveikisjúklingur (f. 1926).
• 2013 - Pedro Rocha, úrúgvæskur knattspyrnumaður (f. 1942).
• 2020 - Valéry Giscard d'Estaing, fyrrum forseti Frakklands (f. 1926).