23. mars

Feb – Mar – Apr
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2026 Allir dagar

23. mars er 82. dagur ársins (83. á hlaupári) samkvæmt gregoríska tímatalinu. 283 dagar eru eftir af árinu.

Atburðir

• 752 - Stefán 2. varð páfi.
• 1281 - Marteinn 4. (Simone de Brion) varð páfi.
• 1568 - Vopnahlé var gert í Frönsku trúarbragðastyrjöldunum. Karl 9. Frakkakonungur og Katrín af Medici veittu húgenottum umtalsverð réttindi.
• 1816 - Bændaánauð var afnumin í Eistlandi.
• 1903 - Wright-bræður sóttu um einkaleyfi á hönnun sinni á flugvél.
• 1919 - Benito Mussolini stofnaði fasistaflokkinn í Mílanó.
• 1933 - Adolf Hitler varð kanslari Þýskalands.
• 1937 - Sundhöllin í Reykjavík var vígð.
• 1943 - Keflavíkurflugvöllur var tekinn í notkun af Bandaríkjaher.
• 1948 - Danska þingið samþykkti Heimastjórnarlögin sem færðu Færeyingum völd yfir eigin málum.
• 1956 - Pakistan varð fyrsta íslamska lýðveldið.
• 1960 - Söngsveitin Fílharmónía kom fram opinberlega í fyrsta sinn í uppfærslu Þjóðleikhússins á Carmina Burana eftir Carl Orff.
• 1965 - Geimfararnir Virgil I. „Gus“ Grissom og John Young fóru út í geiminn í fyrsta tveggja manna bandaríska geimfarinu Gemini 3.
• 1970 - Þrír þjóðkunnir leikarar héldu upp á 25 ára leikafmæli: Baldvin Halldórsson, Gunnar Eyjólfsson og Róbert Arnfinnsson.
• 1983 - Ronald Reagan Bandaríkjaforseti setti fram fyrstu hugmyndir sínar um tækni til að verjast eldflaugum. Áætlunin (SDI) var kölluð „Stjörnustríðsáætlunin“ í fjölmiðlum.
• 1987 - Bandaríska sápuóperan The Bold & the Beautiful hóf göngu sína á CBS.
• 1989 - Stanley Pons og Martin Fleischmann lýstu því yfir að þeim hefði tekist að framkalla kaldan kjarnasamruna í rannsóknarstofu við Háskólann í Utah í Bandaríkjunum.
• 1991 - Borgarastyrjöldin í Síerra Leóne hófst þegar skæruliðasamtökin Revolutionary United Front reyndu að fremja valdarán.
• 1996 - Göran Persson varð forsætisráðherra Svíþjóðar.
• 1996 - Fyrstu forsetakosningarnar voru haldnar í kínverska lýðveldinu á Tævan. Sitjandi forseti, Lee Teng-hui, var kjörinn.
• 1997 - Bresku sakamálaþættirnir Barnaby ræður gátuna hófu göngu sína á ITV.
• 1998 - Kvikmyndin Titanic vann ellefu Óskarsverðlaun og jafnaði þar með met Ben Húr frá 1959. Lokakafli Hringadróttinssögu jafnaði metið aftur árið 2004.
• 1998 - Kjalarnes varð hluti af Reykjavík.
• 1998 - Boris Jeltsín rak ríkisstjórn Rússlands og skipaði Sergej Kirijenko forsætisráðherra.
• 1999 - Luis Maria Argana, varaforseti Paragvæ, var myrtur.
• 2001 - Rússneska geimstöðin Mír hrapaði til jarðar í Kyrrahafið úti fyrir ströndum Nýja-Sjálands.
• 2004 - Síðasti þáttur gamanþáttaraðarinnar Frasier var tekinn upp í Bandaríkjunum.
• 2005 - Jóakim, prins af Danmörku og Alexandra Manley sóttu formlega um skilnað.
• 2007 - Nýja leikjatölvan frá Sony, PlayStation 3, kom út í Evrópu, Ástralíu og Singapúr.
• 2007 - Sjóher Íranska byltingarvarðarins handtóku 15 breska sjóliða á umdeildu hafsvæði milli Írans og Íraks.

• 2010 - Nektardans var bannaður á Íslandi.
• 2010 - Lög um vernd sjúklinga og heilbrigðisþjónustu á sanngjörnu verði, einnig þekkt sem Obamacare, voru undirrituð í Bandaríkjunum.
• 2018 - Fjölbrautaskólinn í Garðabæ sigraði í Gettu betur í fyrsta sinn.
• 2018 - 25 ára gamall Marokkóbúi myrti 4 og særði 15 í röð skotárása í Carcassonne og Trèbes í Frakklandi. Hann var á endanum skotinn til bana af lögreglu.
• 2019 – Síðasta landsvæðið sem var undir stjórn Íslamska ríkisins, Al-Baghuz Fawqani, var frelsað.
• 2021 - Fjórðu þingkosningarnar á tveimur árum fóru fram í Ísrael.
• 2021 - Gámaskipið Ever Given strandaði í Súesskurðinum og olli þar með langvarandi truflunum á vöruflutningum um allan heim.
• 2023 - Ríkislögreglustjóri aflýsti óvissustigi vegna COVID-19 á Íslandi.
• 2023 - Alþjóðafrjálsíþróttasambandið bannaði trans konum sem gengið hafa í gegnum kynþroska sem karlar að keppa í kvennaflokki.

Fædd

• 1429 - Margrét af Anjou, Englandsdrottning, kona Hinriks 6. (f. 1482).
• 1643 - María de Jesús de León y Delgado, spænskur sjáandi (d. 1731).
• 1795 - Bernt Michael Holmboe, norskur stærðfræðingur (d. 1850).
• 1820 - Viktor Emmanúel 2., konungur Sardiníu og síðar Ítalíu (d. 1878).
• 1858 - Ludwig Quidde, þýskur stjórnmálamaður (d. 1941).
• 1881 - Roger Martin du Gard, franskur rithöfundur og Nóbelsverðlaunahafi (d. 1958).
• 1882 - Emmy Noether, þýskur stærðfræðingur (d. 1935).
• 1895 - Ólafur Jónsson, ráðunautur, íslenskur náttúrufræðingur (d. 1980).
• 1898 - Kristín L. Sigurðardóttir, íslensk stjórnmálakona (d. 1971).
• 1904 - Joan Crawford, bandarísk leikkona (d. 1977).
• 1910 - Akira Kurosawa, japanskur kvikmyndaleikstjóri (d. 1998).
• 1912 - Wernher von Braun, þýskur eðlisfræðingur og verkfræðingur (d. 1977).
• 1923 - Baldvin Halldórsson, íslenskur leikari (d. 2007).
• 1926 - Conny van Rietschoten, hollenskur siglingamaður (d. 2013).
• 1942 - Michael Haneke, austurrískur kvikmyndaleikstjóri.
• 1944 - Jamshid Hashempour, íranskur útvarpsmaður.
• 1946 - Jón Magnússon, íslenskur stjórnmálamaður.
• 1950 - Valgerður Sverrisdóttir, íslenskur stjórnmálamaður.
• 1956 - José Manuel Barroso, portúgalskur stjórnmálamaður.
• 1959 - Kolbrún Baldursdóttir, íslensk stjórnmálakona.
• 1965 - Einar Sveinbjörnsson, veðurfræðingur og fyrrverandi bæjarfulltrúi í Garðabæ.
• 1965 - Antônio Benedito da Silva, brasilískur knattspyrnumaður.
• 1967 - John Wayne Bobbitt, bandarískur ofbeldismaður.
• 1968 - Bjarni Ármannsson, íslenskur athafnamaður.
• 1968 - Damon Albarn, enskur tónlistarmaður.
• 1972 - Joe Calzaghe, velskur boxari.
• 1972 - Abdeljalil Hadda, marokkóskur knattspyrnumaður.
• 1981 - Álfrún Örnólfsdóttir, íslensk leikkona.
• 1996 - Alex Albon, taílensk-breskur ökuþór.
• 2003 - Álvaro Carreras, spænskur knattspyrnumaður.
• 2003 - Ísak Bergmann Jóhannesson, íslenskur knattspyrnumaður.

Dáin

• 59 - Agrippina yngri, rómversk aðalskona.
• 1369 - Pétur Kastilíukonungur, myrtur eftir orrustuna við Montiel (f. 1334).
• 1555 - Júlíus 3. páfi, (f. 1487).
• 1641 - Andries Both, hollenskur listmálari (f. 1612 eða 1613).
• 1653 - Johan van Galen, hollenskur sjóliðsforingi (f. 1604).
• 1663 - Ragnheiður Brynjólfsdóttir (f. 1641).
• 1680 - Nicolas Fouquet, franskur stjórnmálamaður (f. 1615).
• 1801 - Páll 1. Rússakeisari (f. 1754).
• 1992 - Friedrich A. von Hayek, austurrísk-breskur hagfræðingur, stjórnmálaheimspekingur og nóbelsverðlaunahafi (f. 1899).
• 2011 - Elizabeth Taylor, bresk-bandarisk leikkona (f. 1932).
• 2014 - Adolfo Suárez, forsætisráðherra Spánar (f. 1932).
• 2015 - Lee Kuan Yew, forsætisráðherra Singapúr (f. 1923).
• 2022 - Madeleine Albright, bandarísk stjórnmálakona (f. 1937).