28. júlí

Jún – Júlí – Ágú
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2016 Allir dagar

28. júlí er 209. dagur ársins (210. á hlaupári) samkvæmt gregoríska tímatalinu. 156 dagar eru eftir af árinu.

Atburðir

• 1522 - Tyrkir settust um Rótey.
• 1662 - Kópavogsfundurinn, erfðahyllingin í Kópavogi. Þá létu Árni Oddsson lögmaður og Brynjólfur Sveinsson biskup undan kröfum danska valdsins um að samþykkja einveldi Danakonungs á Ísland.
• 1821 - Perú fékk sjálfstæði frá Spáni.
• 1895 - Vígð var brú á Þjórsá við Þjótanda að viðstöddu fjölmenni. Sú brú var notuð í rúmlega hálfa öld.
• 1928 - Sumarólympíuleikar settir í Amsterdam.
• 1934 - Stjórn hinna vinnandi stétta tók til starfa á Íslandi.

• 1957 - Vígð var kirkja í Saurbæ á Hvalfjarðarströnd og nefnd Hallgrímskirkja, til minningar um sálmaskáldið og prestinn Hallgrím Pétursson, sem þjónaði þar síðustu áratugi sína í embætti.

• 1960 - Norðurlandaráð hélt þing sitt í fyrsta sinn á Íslandi.
• 1974 - Þjóðhátíð til minningar um 11 alda byggð á Íslandi var haldin á Þingvöllum. Þangað streymdi um fjórðungur þjóðarinnar. Alþingi hélt hátíðarfund og samþykkti ályktun um gróðurvernd og landgræðslu.

• 1985 - Íslandsmet var sett í fallhlífastökki á Akureyri er fimm fallhlífastökkvarar mynduðu stjörnu og héldu henni í 45 sekúndur.

Fædd

• 1804 - Ludwig Andreas Feuerbach, þýskur heimspekingur (d. 1872).
• 1866 - Beatrix Potter, enskur barnabókahöfundur (d. 1943).
• 1883 - Jóhannes Jósefsson, glímukappi (d. 1968).
• 1902 - Karl Popper, austurrísk-enskur vísinda- og stjórnmálaheimspekingur (d. 1994).
• 1930 - Jean Roba, belgískur teiknimyndasagnahöfundur.
• 1946 - Sigurður Örlygsson, íslenskur myndlistarmaður.
• 1948 - Saga Geirdal Jónsdóttir, íslensk leikkona.
• 1954 - Hugo Chavez, forseti Venesuelu (d. 2013).
• 1979 - Birgitta Haukdal, söngkona.
• 1981 - Michael Carrick, enskur knattspyrnumaður.
• 1982 - Ágústa Eva Erlendsdóttir, betur þekkt sem Silvía Nótt.

Dáin

• 1057 - Viktor 2. páfi.
• 1655 - Cyrano de Bergerac, franskt leikskáld.
• 1741 - Antonio Vivaldi, ítalskt tónskáld (f. 1678).
• 1750 - Johann Sebastian Bach, þýskt tónskáld (f. 1685).
• 1968 - Otto Hahn, þýskur efnafræðingur og Nóbelsverðlaunahafi (f. 1879).
• 2004 - Francis Crick, enskur sameindalíffræðingur og Nóbelsverðlaunahafi (f. 1916).