1. október
Úr Wikipediu, frjálsa alfræðiritinu
1. október er 274. dagur ársins (275. á hlaupári) samkvæmt gregoríska tímatalinu. 91 dagur er eftir af árinu.
Atburðir[breyta | breyta frumkóða]
- 1608 - Sjötíu nýir landnemar bættust í hóp þeirra sem fyrir voru í Jamestown í Virginíu.
- 1786 - Presturinn á Miklabæ í Skagafirði, Oddur Gíslason, hvarf á heimleið á milli bæja. Talið var að Miklabæjar-Solveig hefði gengið aftur og komið honum fyrir.
- 1846 - Nýtt skólahús Lærða skólans í Reykjavík var vígt og skólinn settur þar í fyrsta skipti eftir flutninginn frá Bessastöðum.
- 1862 - Barnaskóli tók til starfa í Reykjavík. Þar voru fimmtíu börn í tveimur bekkjum.
- 1874 - Kvennaskólinn í Reykjavík tók til starfa undir stjórn Þóru Melsteð.
- 1880 - Fyrsti gagnfræðaskóli á Íslandi tók til starfa á Möðruvöllum í Hörgárdal og var þá haldið upp á endurreisn skólahalds á Norðurlandi.
- 1883 - Í Reykjavík var vígt nýtt barnaskólahús, hlaðið úr höggnu grágrýti. Þetta hús varð síðar pósthús og enn síðar lögreglustöð og stendur enn við Pósthússtræti.
- 1904 - Latínuskólanum var skipt í lærdómsdeild og gagnfræðadeild og hét eftir það Hinn almenni menntaskóli. Björn M. Ólsen rektor lét af embætti.
- 1908 - Kennaraskólinn tók til starfa í Reykjavík undir stjórn Magnúsar Helgasonar.
- 1933 - Ásta Magnúsdóttir varð fyrsta kona til að gegna opinberu embætti á Íslandi er hún var skipuð ríkisféhirðir og gegndi þeirri stöðu í aldarfjórðung.
- 1939 - Síðari heimsstyrjöldin: Þýski herinn komst inn í Varsjá eftir tæplega mánaðarlangt umsátur um borgina.
- 1944 - Haldin var minningarguðsþjónusta í Hvalsneskirkju til að minnast þess að 300 ár voru liðin frá því er Hallgrímur Pétursson var vígður til þjónustu þangað.
- 1947 - Tekin var upp skömmtun á ýmsum nauðsynjavarningi, eins og kornvöru, kaffi, sykri, búsáhöldum og hreinlætisvörum, vatnsfötum og brjóstahöldum, svo að fátt eitt sé nefnt. Tilgangurinn var sá að spara gjaldeyri.
- 1949 - Mao Zedong lýsti yfir stofnun Kínverska alþýðulýðveldisins.
- 1949 - Nürnberg-réttarhöldunum í Þýskalandi lauk.
- 1952 - Tekið var upp það nýmæli að hljóðrita ræður alþingismanna, sem áður höfðu verið hraðritaðar jafnóðum af þingskrifurum.
- 1955 - Fyrsta kjörbúðin var opnuð í Reykjavík, Liverpool í Austurstræti.
- 1960 - Nígería fékk sjálfstæði frá Bretlandi.
- 1977 - Stofnuð voru Samtök áhugafólks um áfengisvandmálið (SÁÁ).
- 1979 - Lögræðisaldur (fjárræði) var lækkaður úr 20 árum í 18 ár.
- 1979 - Mesta mælda sólarhringsúrkoma hér á landi mældist á Kvískerjum í Öræfum, 243 millimetrar á einum sólarhring.
- 1981 - Ökumenn og farþegar í framsæti bifreiða voru skyldaðir til þess að spenna öryggisbeltin við akstur á vegum. Um leið var heimilað að aka reiðhjólum á gangstéttum og stígum.
- 1982 - Morgunblaðið birti fyrstu símsendu litmyndina frá opnun fjármálamiðstöðvar í London og voru þá rúmlega 23 ár frá því að sama blað birti fyrstu símsendu myndina hér á landi.
- 1982 - Helmut Kohl tók við embætti kanslara Vestur-Þýskalands.
- 1987 - Sjónvarpið hóf að senda út á fimmtudögum jafnt sem aðra daga, en fram að því höfðu fimmtudagar verið sjónvarpslausir.
- 2001 - Mikil sprenging var í Áburðarverksmiðjunni í Gufunesi, eldur kom upp en engan sakaði. Talið er að skammhlaup í gömlum rafmagnstöflum hafi valdið sprengingunni.
- 2003 - Eyririnn var lagður niður og ein króna varð minnsta gjaldmiðilseiningin á Íslandi.
- 2007 - Lánasýsla ríkisins var lögð niður og verkefni hennar færð til Seðlabanka Íslands.
Fædd[breyta | breyta frumkóða]
- 1207 - Hinrik 3., Englandskonungur (d. 1272).
- 1903 - Vladimir Horowitz, píanisti (d. 1989).
- 1920 - Walter Matthau, bandariskur leikari (d. 2000).
- 1924 - Jimmy Carter, Bandaríkjaforseti.
- 1935 - Julie Andrews, bresk leikkona.
- 1960 - Magnús Stefánsson, íslenskur stjórnmálamaður.
- 1969 - Marcus Stephen, forseti Nárú.
Dáin[breyta | breyta frumkóða]
- 1499 - Marsilio Ficino, ítalskur heimspekingur (f. 1433).
- 1893 - Benjamin Jowett, enskur fornfræðingur (f. 1817).
|
|||||||||||||||||||||||||||||||||||||||||