1966

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1963; 1964; 1965; 1966; 1967; 1968; 1969;

1966 (MCMLXVI í rómverskum tölum) var 66. ár 20. aldar og almennt ár sem hófst á laugardegi samkvæmt gregoríska tímatalinu

Atburðir

Janúar

1. janúar - Jean-Bédel Bokassa rændi völdum í Mið-Afríkulýðveldinu.
3. janúar - Herforingjabyltingin í Efri-Volta: Maurice Yaméogo forseta Efri-Volta (nú Búrkína Fasó) var steypt af stóli.
10. janúar - Tashkent-yfirlýsingin um frið milli Indlands og Pakistans var undirrituð.
15. janúar - Herforingjabyltingin í Nígeríu 1966: Abubakar Tafawa Balewa forsætisráðherra var myrtur ásamt fleirum þegar herinn gerði stjórnarbyltingu í Nígeríu.
16. janúar -
- Metropolitan-óperan var opnuð í Lincoln Center í New York-borg.
- Körfuboltaliðið Chicago Bulls var stofnað.
17. janúar - Simon & Garfunkel sendu frá sér aðra breiðskífu sína, Sounds of Silence, hjá Colombia Records-útgáfufyrirtækinu.
17. janúar - B-52-sprengjuflugvél og Boeing KC-135 Stratotanker birgðaflutningavél rákust á hjá Palomares á Spáni með þeim afleiðingum að þrjár 70 kílótonna vetnissprengjur hröpuðu til jarðar. Engin þeirra sprakk.
19. janúar - Indira Gandhi var kosin forsætisráðherra á Indlandi.
22. janúar - Borgarastyrjöldin í Tjad hófst með stofnun uppreisnarhópsins FROLINAT.
24. janúar - Air India flug 101 brotlenti á Mont Blanc. Meðal þeirra sem fórust var kjarneðlisfræðingurinn Homi J. Bhabha.
28. janúar - Sjö ítalskir landsliðsmenn í sundi (Carmen Longo, Luciana Massenzi, Daniela Samuele, Bruno Bianchi, Amedeo Chimisso, Sergio De Gregorio og Chiaffredo Rora) létu lífið þegar flugvél þeirra fórst í flugtaki frá Bremen.
31. janúar - Bretland hætti öllum viðskiptum við Ródesíu.
31. janúar - Geimferðastofnun Rússlands sendi könnunarfarið Luna 9 út í geim.

Febrúar

1. febrúar - Austur-Þýskaland leysti 2.600 pólitíska fanga úr haldi gegn 10.000 dala greiðslu á mann frá Vestur-Þýskalandi.
2. febrúar - Miklar vetrarhörkur voru í Svíþjóð og mældist 53 stiga frost í Vuoggatjålme.
3. febrúar - Sovéska könnunarfarið Luna 9 lenti á tunglinu með aðstoð eldflauga.
4. febrúar - Yfir 130 fórust þegar All Nippon Airways flug 60 hrapaði í Tókýóflóa.
4. febrúar - Skrá kaþólsku kirkjunnar yfir bannaðar bækur, Index librorum prohibitorum, var lögð niður.
10. febrúar - Sovésku rithöfundarnir Júlíj Daníel og Andrej Sínjavskíj voru dæmdir í fimm og sjö ára fangelsi fyrir „andsovésk skrif“.
14. febrúar - Ástralar tóku upp dali í stað punda.
20. febrúar - Íslenska ferjan Gullfoss rakst á sænsku Málmeyjarferjuna M/S Malmöhus í þoku utan við Kaupmannahöfn. Sænska ferjan skemmdist mikið og nokkrir farþegar slösuðust þegar stefni Gullfoss gekk inn í matsal á 1. farrými.
23. febrúar - Valdaránið í Sýrlandi 1966: Ný flokksforysta Ba'ath-flokksins undir stjórn Salah Jadid rændi völdum í Sýrlandi.
24. febrúar - Lögregla og her Gana rændi völdum meðan forsetinn, Kwame Nkrumah, var staddur erlendis.
25. febrúar - Bandaríska söngkonan Ella Fitzgerald kom til Íslands og hélt tónleika í Háskólabíói.
28. febrúar - Harold Wilson boðaði kosningar í Bretlandi aðeins tveimur árum eftir síðustu kosningar, þar sem stjórn hans hafði mjög nauman meirihluta eftir aukakosningar árið áður.

Mars

1. mars - Sovéska geimkönnunarfarið Venera 3 hrapaði á yfirborð Venusar og varð þar með fyrsta geimflaugin sem lenti á yfirborði annarrar reikistjörnu.
2. mars - Kwame Nkrumah fékk pólitískt hæli í Gíneu.
4. mars - 64 af 72 farþegum Canadian Pacific Air Lines flugs 402 fórust í næturlendingu á Tókýóflugvelli.
4. mars - John Lennon sagði að Bítlarnir væru vinsælli en Jesús í frægu viðtali við tímaritið London Evening Standard.
5. mars - Yfir 120 fórust þegar breska farþegavélin BOAC flug 911 hrapaði á Fuji-fjalli.
5. mars - Austurríki sigraði Söngvakeppni evrópskra sjónvarpsstöðva 1966 með laginu „Merci, Chérie“ sem Udo Jürgens flutti.
8. mars - Víetnamstríðið: Bandaríkjastjórn tilkynnti að hún myndi fjölga verulega í bandaríska herliðinu í Víetnam.
8. mars - Írski lýðveldisherinn eyðilagði Nelson-minnismerkið í Dublin með sprengju.
10. mars - Beatrix Wilhelmina Armgard Hollandsprinsessa gekk að eiga Claus von Amsberg.
11. mars - Sukarno undirritaði Supersemar-tilskipunina sem gaf herforingjanum Suharto leyfi til að grípa til allra ráða til að koma á reglu í Indónesíu.
22. mars - Yfir 8.000 fórust þegar jarðskjálfti reið yfir kínversku borgina Xingtai.
27. mars - Indónesíska þingið samþykkti að afnema völd Sukarnos og gera Suharto að hæstráðanda.
28. mars - Cevdet Sunay varð fimmti forseti Tyrklands.
29. mars - Aðalritari sovéska kommúnistaflokksins, Leoníd Brezhnev, krafðist þess að Bandaríkjamenn drægju herlið sitt frá Víetnam.
31. mars - Sovétríkin skutu upp geimfarinu Luna 10 og komu því á sporbaug um tunglið.
31. mars - Breski verkamannaflokkurinn undir forystu Harold Wilson vann yfirburðasigur í þingkosningum og hlaut 96 manna meirihluta, en var aðeins með eins manns meirihluta áður.

Apríl

5. apríl - Búddistauppreisnin í Víetnam: Forsætisráðherrann Nguyễn Cao Kỳ reyndi að taka borgina Đà Nẵng en varð að hörfa og semja við uppreisnarmenn.
13. apríl - Íraksforseti, Abd al-Salam Arif, fórst í þyrluslysi ásamt fleirum.
18. apríl - Kvikmyndin Söngvaseiður hlaut óskarsverðlaun sem besta myndin.
21. apríl - Haile Selassie kom í opinbera heimsókn til Jamaíku þar sem hann hitti leiðtoga Rastafara.
21. apríl - Heiðarmorðin: Réttarhöld hófust í Bretlandi yfir Ian Brady og Myra Hindley vegna morðs á þremur börnum.
24. apríl - Samræmdur sumartími var tekinn upp í Bandaríkjunum.
26. apríl - Akraborgin fór sína síðustu ferð til Borgarness.
26. apríl - Borgin Taskent í sovétlýðveldinu Úsbekistan eyðilagðist í jarðskjálfta.
26. apríl - Ambroise Noumazalaye myndaði nýja ríkisstjórn í Lýðveldinu Kongó.
28. apríl - Uppreisn ZANU í Ródesíu, Chimurenga, hófst eftir að öryggissveitir drápu sjö ZANLA-hermenn.
30. apríl - Hótel Loftleiðir var opnað í Reykjavík aðeins 16 mánuðum eftir að framkvæmdir hófust.
30. apríl - Anton LaVey stofnaði Kirkju Satans í San Francisco.
30. apríl - Reglulegar ferjusiglingar með svifnökkva yfir Ermarsund hófust.

Maí

4. maí - Bílaframleiðandinn Fiat gerði samninga um byggingu verksmiðju í Sovétríkjunum.
7. maí - Bandaríski spretthlauparinn Tommie Smith varð fyrstur til að hlaupa 200 metra á innan við 20 sekúndum og setti þar með met sem stóð í yfir 40 ár.
13. maí - Íslenska ríkið keypti Skaftafell í Öræfum undir þjóðgarð sem var opnaður tveimur árum síðar.
15. maí - Her Suður-Víetnam settist um Da Nang.
16. maí - Martin Luther King hélt sína fyrstu ræðu um Víetnamstríðið í New York-borg.
16. maí - Menningarbyltingin í Kína hófst með 16. maí-tilkynningunni.
16. maí - Bandaríska hljómsveitin Beach Boys gaf út breiðskífuna Pet Sounds.
20. maí - Gengið var í land á Jólni við Surtsey og var eyjan þá 35 m há, en hún hvarf í hafið næsta vetur.
22. maí - Sveitarstjórnarkosningar á Íslandi fóru fram.
24. maí - Mengo-kreppan: Her Úganda handtók Mútesa 2. af Búganda og lagði höll hans undir sig.
25. maí - Félag kvikmyndagerðarmanna var stofnað á Íslandi.
25. maí - Explorer-áætlunin: Gervihnötturinn Explorer 32 var sendur á loft frá Bandaríkjunum.
26. maí - Gvæjana fékk sjálfstæði frá Bretum. ( Breska Gvæjana var aflögð )
28. maí - Indónesía og Malasía lýstu því yfir að átökum þeirra væri lokið.
28. maí - Bátalestin It's a Small World var opnuð í Disneylandi.
29. maí - Leikvangurinn Estadio Azteca var opnaður í Mexíkóborg.

Júní

2. júní - Surveyor-áætlunin: Surveyor 1 lenti í Procellarumon-hafi á tunglinu og varð þar með fyrsta geimfar Bandaríkjamanna til að lenda heilu og höldnu á öðrum hnetti.
2. júní - Fjórir fyrrum ráðherrar í Lýðstjórnarlýðveldinu Kongó voru teknir af lífi fyrir meint samsæri gegn Mobutu Sese Seko.
3. júní - Joaquín Balaguer var kjörinn forseti Dóminíska lýðveldisins.
5. júní - Gemini 9a: Eugene Cernan fór í aðra geimgöngu Bandaríkjamanns.
6. júní - Mannréttindafrömuðurinn James Meredith var skotinn af leyniskyttu í mótmælagöngu í Mississippi.
12. júní - Division Street-uppþotin hófust eftir að lögreglan í Chicago skaut ungan mann frá Púertó Ríkó.
26. júní - Konur fengu kosningarétt í svissnesku kantónunni Basel.
28. júní - Byltingin í Argentínu: Herforingjaklíka framdi valdarán í Argentínu.
29. júní - Víetnamstríðið: Bandaríkjaher hóf umfangsmikla sprengjuherferð og gerði loftárásir á borgirnar Hanoi og Haiphong.
30. júní - Frakkar sögðu sig formlega úr NATO.
30. júní - Bandarísku kvennasamtökin National Organization for Women voru stofnuð.

Júlí

2. júlí - Frakkar sprengdu kjarnorkusprengju á Mururoa.
3. júlí - René Barrientos var kjörinn forseti Bólivíu.
3. júlí - Mótmæli gegn Víetnamstríðinu á Grosvernor Square í London leiddu til handtöku 31 mótmælanda.
7. júlí - U Thant, aðalritari Sameinuðu þjóðanna kom í tveggja daga heimsókn til Íslands.
11. júlí - Heimsmeistaramót landsliða í knattspyrnu karla 1966 hófst á Englandi.
13. júlí - Hare Krishna-hreyfingin var stofnuð í New York-borg.
14. júlí - Gwynfor Evans varð fyrsti þingmaður velska sjálfstæðisflokksins Plaid Cymru á breska þinginu.
14. júlí - Richard Speck myrti 8 nemendur í hjúkrunarfræði á heimavist í Chicago.
14. júlí - Orrustuflugvélar frá Ísrael og Sýrlandi tókust á yfir ánni Jórdan.
18. júlí - Mannaða geimfarið Gemini 10 var sent á loft og setti hæðarmet (763 km).
18. júlí - Alþjóðadómstóllinn dæmdi Suður-Afríku í hag í máli sem varðaði stjórn Suðvestur-Afríku (nú Namibíu).
23. júlí - Hermenn frá Katanga gerðu uppreisn í nokkrar vikur til stuðnings fyrrum forsætisráðherranum Moise Tshombe.
24. júlí - U Thant, aðalritari Sameinuðu þjóðanna, heimsótti Moskvu.
29. júlí - La Noche de los Bastones Largos: Lögregla herforingjastjórnarinnar í Argentínu hrakti kennara og stúdenta úr háskólum sem þeir höfðu lagt undir sig.
30. júlí - England varð heimsmeistari í knattspyrnu karla, eftir 4-2 sigur á Vestur-Þýskalandi.

Ágúst

1. ágúst - Charles Whitman myrti 14 og særði 32 með skotum frá þaki aðalbyggingar Texasháskóla í Austin, eftir að hafa myrt eiginkonu sína og móður.
5. ágúst - Hótelið og spilavítið Caesars Palace var opnað í Las Vegas.
5. ágúst - Bygging World Trade Center á Manhattan hófst.
6. ágúst - Salazar-brúin var opnuð við Lissabon í Portúgal.
10. ágúst - Bandaríska geimfarið Lunar Orbiter 1 fór á braut um tunglið.
12. ágúst - Blóðbaðið á Braybrook Street: Þrír óeinkennisklæddir lögreglumenn voru skotnir til bana í London.
13. ágúst - Kísiliðjan var stofnuð við Mývatn á Íslandi.
17. ágúst - Volvo kynnti nýja fjölskyldubílinn Volvo 144.
18. ágúst - Jóhannes S. Kjarval tók fyrstu skóflustungu að myndlistarhúsi á Miklatúni sem var nefnt Kjarvalsstaðir eftir honum.
18. ágúst - Víetnamstríðið: Konunglega ástralska herdeildin vann sigur á stærra herliði Víet Kong í orrustunni um Long Tan.
19. ágúst - Um 3000 manns fórust í Varto-jarðskjálftanum í austurhluta Tyrklands.
21. ágúst - The Doors komu í síðasta sinn fram á staðnum Whisky a Go Go í Los Angeles.
22. ágúst - Þróunarbanki Asíu var stofnaður.
23. ágúst - 82 skip fengu samtals 16.116 lestir af síld á Íslandsmiðum og var það metafli á einum degi.
26. ágúst - Suðurafríska landamærastríðið hófst með bardögum milli suðurafrísku lögreglunnar og SWAPO við Omugulugwombashe.
29. ágúst - Síðustu tónleikaferð Bítlanna lauk með tónleikum í Candlestick Park í San Francisco.
30. ágúst - Tvær trillur sigldu fram á marsvínavöðu sem þær ráku á undan sér upp í landsteinana við Laugarnes í Reykjavík þar sem þrjú þeirra voru drepin.
30. ágúst - Menningarbyltingin: Hálf milljón rauðliða mótmælti við sendiráð Sovétríkjanna í Peking.
Compton's Cafeteria-uppþotin urðu í San Fransisco sem mörkuðu upphaf baráttu trans fólks.

September

1. september - Norræni menningarsjóðurinn var stofnaður af Norðurlandaráði.
1. september - 98 breskir ferðamenn fórust þegar Britannia Airways flug 105 hrapaði í Ljúbljana.
6. september - Dimitri Tsafendas stakk forsætisráðherra Suður-Afríku, Hendrik Verwoerd, til bana í þinginu.
8. september - Fyrsti þáttur Star Trek var sendur út á NBC í Bandaríkjunum.
15. september - Háskólinn í Óðinsvéum var vígður.
16. september - Nýtt óperuhús Metropolitan-óperunnar var opnað í New York-borg.
17. september - Vegur fyrir Ólafsfjarðarmúla var formlega opnaður.
24. september - Menntaskólinn við Hamrahlíð var settur í fyrsta skipti.
27. september - Rússneska skemmtiferðaskipið Baltika lagði upp í mjög umtalaða ferð frá Reykjavík til Svartahafs með 421 farþega.
29. september - Fellibylurinn Inez skildi eftir sig slóð eyðileggingar á Haítí og í Dóminíska lýðveldinu.
30. september - Ríkisútvarpið hóf sjónvarpsútsendingar.
30. september - Botsvana fékk sjálfstæði frá Bretlandi.
30. september - Þýsku nasistaforingjarnir Baldur von Schirach og Albert Speer voru lestir úr haldi í Spandau-fangelsi í Berlín.

Október

4. október - Lesótó fékk sjálfstæði frá Bretlandi.
5. október - Spánn lokaði fyrir bílaumferð um landamærin að Gíbraltar.
5. október - Margrét Danaprinsessa tilkynnti trúlofun sína og Henri de Monpezat.
6. október - LSD var gert ólöglegt í Bandaríkjunum, líka í rannsóknarskyni.
7. október - Sovétríkin tilkynntu að allir kínverskir námsmenn skyldu yfirgefa landið fyrir lok mánaðarins.
7. október - Anarkistasamtökin Provie-hreyfingin voru stofnuð í Svíþjóð.
15. október - Samtökin Svörtu hlébarðarnir voru stofnuð af Bobby Seale og Huey P. Newton í Oakland í Kaliforníu.
21. október - Aberfan-slysið: 144 (þar af 116 börn) dóu þegar úrköstur úr kolanámu skreið yfir þorp í Suður-Wales.
22. október - Breski njósnarinn George Blake slapp úr haldi og náði að flýja til Sovétríkjanna.
26. október - NATÓ flutti höfuðstöðvar sínar frá París til Brussel.
26. október - 44 létust þegar eldur kom upp í bandaríska flugmóðurskipinu USS Oriskany á Tonkinflóa.
27. október - Walt Disney kom í síðasta sinn fram í kvikmynd þar sem hann lýsti áformum sínum fyrir EPCOT.
27. október - Sameinuðu þjóðirnar felldu niður umboð Suður-Afríku til að stjórna Suðvestur-Afríku.
31. október - Baltikaferðinni lauk við komuna til Reykjavíkurhafnar.