12. júní

Maí – Júní – Júl
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30
2025 Allir dagar

12. júní er 163. dagur ársins (164. á hlaupári) samkvæmt gregoríska tímatalinu. 202 dagar eru eftir af árinu.

Helstu atburðir

• 1302 - Borgin Rakvere í Eistlandi var stofnuð.
• 1458 - Ólafur Rögnvaldsson prestur á Breiðabólstað í Vesturhópi var valinn Hólabiskup á prestastefnu á Víðivöllum í Skagafirði.
• 1653 - Fyrsta stríð Englands og Hollands: Orrustan við Nýhöfn.
• 1665 - Englendingar skipuðu bæjarstjórn í New York.
• 1683 - Upp komst um Rúghússamsærið um að myrða Karl 2. Englandskonung.
• 1838 - Jarðskjálfti olli bjarghruni í Grímsey og í Málmey og beið einn maður bana. Einnig hrundu hús í Eyjafirði og Skagafirði.
• 1897 - Fyrsta fingrafaramiðstöð heims hóf störf í Kolkata á Indlandi.
• 1898 - Filippseyjar lýstu yfir sjálfstæði frá Spáni.
• 1911 - Melavöllurinn í Reykjavík var vígður.
• 1913 - Fánamálið: Áhöfn dansks varðskips tók bláhvítan fána af báti á Reykjavíkurhöfn. Þessi atburður ýtti mjög undir kröfur um íslenskan fána.
• 1923 - Kaþólska kirkjan á Íslandi var endurreist með stofnun biskupsdæmis Reykjavíkur.
• 1926 - Kristján 10. kom í heimsókn til Íslands ásamt Alexandrínu drottningu og fylgdarliði. Þau fóru hringferð um landið.
• 1926 - Kexverksmiðjan Frón hóf starfsemi við Njálsgötu í Reykjavík.
• 1931 - Alþingiskosningar voru haldnar á Íslandi.
• 1942 - Anna Frank fékk dagbók í afmælisgjöf.
• 1946 - Úmbertó 2. Ítalíukonungur samþykkti að segja af sér og hélt úr landi.
• 1964 - Nelson Mandela var dæmdur í lífstíðarfangelsi í Suður-Afríku.
• 1967 - Björg Kofoed Hansen stökk fyrst íslenskra kvenna fallhlífarstökk, þá 18 ára. Faðir hennar, Agnar Kofoed Hansen, stökk fallhlífarstökk fyrstur Íslendinga tveimur árum áður.
• 1974 - Jarðskjálfti, 6,3 stig varð í Borgarfirði. Var þetta sterkasti kippurinn í tveggja mánaða jarðskjálftahrinu.
• 1975 - Dómstóll á Indlandi komst að þeirri niðurstöðu að forsætisráðherra landsins, Indira Gandhi, hefði komist á þing vegna spillingar og mætti því ekki gegna opinberu embætti.
• 1977 - The Supremes héldu sína síðustu tónleika á Drury Lane í London.
• 1978 - Bandaríski fjöldamorðinginn David Berkowitz („sonur Sams“) var dæmdur í 365 ára fangelsi.
• 1981 - Bandaríska kvikmyndin Leitin að týndu örkinni var frumsýnd.
• 1982 - Um 750.000 manns mótmæltu kjarnavopnum í Central Park í New York-borg. Meðal tónlistarmanna sem komu fram voru Jackson Browne, James Taylor, Bruce Springsteen og Linda Ronstadt.
• 1986 - Neyðarástandi var lýst yfir í Suður-Afríku.
• 1987 - Margrét Harðardóttir og Steve Christer, arkitektar, hlutu fyrstu verðlaun í samkeppni um hönnun ráðhúss fyrir Reykjavík.
• 1987 - Ronald Reagan hélt fræga ræðu í Vestur-Berlín þar sem hann sagði meðal annars „Herra Gorbatsjev, rífðu þennan vegg niður“.
• 1987 - Norska stórþingið samþykkti lög um Samaþingið.
• 1989 - Umdeild sýning á verkum Robert Mapplethorpe var tekin niður í Corcoran Gallery of Art í Washington D.C.
• 1990 - Fyrstu fjölflokkakosningarnar voru haldnar í Alsír frá 1962. Íslamska frelsisfylkingin náði völdum í meirihluta sveitarstjórna.
• 1991 - Rússar kusu Boris Jeltsín forseta.
• 1991 - Borgarastyrjöldin á Srí Lanka: Stjórnarhermenn drápu 152 Tamíla í þorpinu Kokkadichcholai.
• 1994 - Nicole Brown Simpson og Ronald Lyle Goldman voru myrt í húsi Nicole og O. J. Simpson í Los Angeles.
• 1999 - Friðargæslulið Kosóvó hélt inn í héraðið.
• 1999 - George W. Bush, fylkisstjóri Texas, tilkynnti að hann hygðist sækjast eftir að verða forsetaefni Repúblikanaflokksins.
• 1999 - Bandaríska teiknimyndin Tarsan var frumsýnd.
• 2002 - Mótmæli vegna framkomu íslenskra stjórnvalda við meðlimi Falun Gong-hreyfingarinnar fóru fram víða í Reykjavík.
• 2008 - Írar höfnuðu Lissabonsáttmálanum í þjóðaratkvæðagreiðslu.
• 2009 – Mahmoud Ahmadinejad var endurkjörinn forseti Írans. Fjölmenn mótmæli stóðu yfir í nokkrar vikur eftir kosningarnar, þrátt fyrir tilraunir yfirvalda til að brjóta þau á bak aftur.

• 2011 - Sýrlenska borgarastyrjöldin: Þúsundir flúðu til Tyrklands þegar Sýrlandsher settist um borgina Jisr ash-Shugur.
• 2014 - Heimsmeistarakeppni í knattspyrnu karla hófst í Brasilíu.
• 2015 - Evrópuleikarnir voru settir í fyrsta sinn í Bakú í Aserbaídsjan.
• 2016 - Maður sem sagðist vera á vegum Íslamska ríkisins hóf skothríð á hommabar í Orlandó þar sem 50 létust.
• 2017 - Bandaríkjamaðurinn Otto Warmbier kom til Bandaríkjanna í dauðadái eftir 17 mánuði í norðurkóresku fangelsi og lést nokkrum dögum síðar.
• 2018 - Donald Trump Bandaríkjaforseti og Kim Jong-un, leiðtogi Norður-Kóreu, hittust í Singapúr. Þetta var fyrsti formlegi fundur ríkjanna.
• 2018 - Grikkland og Lýðveldið Makedónía komust að samkomulagi um að nafn þess síðarnefnda yrði Norður-Makedónía.
• 2021 – Christian Eriksen, lykilmaður í danska knattspyrnulandsliðinu, hneig niður í miðjum leik vegna hjartaáfalls.

Fædd

• 1161 - Konstansa, hertogaynja af Bretagne (d. 1201).
• 1844 - Klaus Berntsen, danskur stjórnmálamaður og forsætisráðherra (d. 1927).
• 1850 - Þórunn Jónassen, íslenskur stjórnmálamaður (d. 1922).
• 1897 - Anthony Eden, enskur stjórnmálamaður (d. 1977).
• 1899 - Weegee, austurrískur ljósmyndari (d. 1968).
• 1914 - John Seymour, enskur búfræðingur (d. 2004).
• 1915 - David Rockefeller, bandarískur bankamaður (d. 2017).
• 1924 - George H. W. Bush, fyrrum Bandaríkjaforseti (d. 2018).
• 1929 - Anna Frank, þýskur dagbókarhöfundur og fórnarlamb helfarar gyðinga (d. 1945).
• 1929 - Friedwardt Winterberg, þýskur eðlisfræðingur.
• 1931 - Helgi Hallvarðsson, íslenskur skipherra (d. 2008).
• 1948 - István Sándorfi, ungverskur myndlistarmaður (d. 2007).
• 1953 - Árni Steinar Jóhannsson, íslenskur garðyrkjufræðingur og stjórnmálamaður (d. 2015).
• 1958 - Olivier Weber, franskur rithöfundur.
• 1968 - Birgir Ármannsson, íslenskur stjórnmálamaður.
• 1981 - Adriana Lima, brasilísk fyrirsæta.
• 1981 - Klemen Lavrič, slóvenskur knattspyrnumaður.
• 1983 - Anja Rubik, pólsk fyrirsæta.
• 1985 - Kendra Wilkinson, bandarísk fyrirsæta.
• 1992 - Philippe Coutinho, brasilískur knattspyrnumaður.

Dáin

• 1785 - Arnór Jónsson, íslenskur sýslumaður (f. 1701).
• 1917 - Júlíana Jónsdóttir, íslenskt skáld (f. 1838).
• 1997 - Guðmundur J. Guðmundsson, íslenskur verkalýðsforingi og stjórnmálamaður (f. 1927).
• 2003 - Gregory Peck, bandarískur leikari (f. 1916).
• 2011 - Ólafur Gaukur Þórhallsson, íslenskur gítarleikari (f. 1930).
• 2023 - Silvio Berlusconi, ítalskur stjórnmálamaður og forsætisráðherra.