Dalvík

Dalvík, 2005

Dalvík er sjávarpláss við Eyjafjörð, í mynni Svarfaðardals í Dalvíkurbyggð. Bærinn var upphaflega innan Svarfaðardalshrepps, en var gerður að sérstökum hreppi 1. janúar 1946. Dalvík fékk kaupstaðarréttindi 22. apríl 1974. Íbúar í Dalvíkurbyggð (Dalvík, Litli-Árskógssandur og Hauganes) voru 1.860 í janúar árið 2022.

Eitt og annað

• 2. júní árið 1934 varð jarðskjálfti við Eyjafjörð sem olli miklu tjóni á Dalvík og um 200 manns urðu heimilislausir. . Upptök hans voru skammt frá byggðinni. Skjálfti þessi er nefndur Dalvíkurskjálftinn.
• Þann 7. júní 1998 sameinuðust Dalvíkurkaupstaður og Svarfaðardalshreppur á ný ásamt Árskógshreppi undir nafninu Dalvíkurbyggð.
• Bæjarhátíð Dalvíkur er Fiskidagurinn mikli og er haldinn í ágúst ár hvert. Þar er aðaláherslan lögð á fisk og fiskafurðir. Bæjarbúar bjóða hátíðargestum upp á fiskisúpu og fyrirtæki gefa hverjum sem vill að smakka á sjávarafurðum sínum án endurgjalds. Hátíðinni lýkur jafnan með miklum útitónleikum og flugeldasýningu.
• Gísli, Eiríkur, Helgi, Kaffihús/bar og sögusetur um Bakkabræður.
• Sýndarvélin sem Android-stýrikerfið fyrir farsíma keyrir á nefnist Dalvik eftir bænum Dalvík þaðan sem höfundur hennar, Dan Bornstein, rekur ættir sínar.

Myndir

• 

  Ungó, aðsetur Leikfélags Dalvíkur. Kaffihúsið GÍsli, Eiríkur, Helgi er í gráa húsinu t.h.

• 

  Dalvíkurkirkja

• 

  Byggðasafnið að Hvoli á Dalvík.

Tilvísanir

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.