12. apríl
Úr Wikipediu, frjálsa alfræðiritinu
12. apríl er 102. dagur ársins (103. á hlaupári) samkvæmt gregoríska tímatalinu. 263 dagar eru eftir af árinu.
Atburðir[breyta | breyta frumkóða]
- 467 - Anthemius varð keisari Rómar.
- 1540 - Lokið var við prentun Nýja testamentisins í þýðingu Odds Gottskálkssonar. Það er fyrsta prentaða bók sem vitað er um á íslensku.
- 1606 - Stóra Bretland tók upp breska sambandsfánann Union Jack eftir að Skotland og England gengu í konungssamband.
- 1861 - Fyrstu átökin í bandaríska borgarastríðinu hófust með árás sunnanmanna á Sumtervirki í Suður-Karólínu.
- 1912 - Farþegaskipið Titanic, sem aldrei átti að sökkva, lagði upp í sína fyrstu og einu ferð. Skipið sökk þrem dögum seinna eftir árekstur við borgarísjaka.
- 1919 - Átján manns fórust í snjóflóðum við Siglufjörð og síldarverksmiðja gjöreyðilagðist.
- 1930 - Útvegsbanki Íslands var stofnaður.
- 1931 - Knattspyrnufélagið Haukar var stofnað í Hafnarfirði.
- 1945 - Franklin D. Roosevelt lést í embætti og Harry S. Truman tók við sem 33. forseti Bandaríkjanna.
- 1952 - Vélbáturinn Veiga sökk við Vestmannaeyjar. Tveir menn fórust en sex björguðust í gúmmíbjörgunarbát. Þetta var í fyrsta sinn sem slíkur bátur var notaður hér við land.
- 1953 - Menntaskólinn á Laugarvatni varð sjálfstæður menntaskóli. Hann var fyrsti menntaskólinn í dreifbýli á Íslandi.
- 1961 - Júrí Gagarín varð fyrsti maðurinn til að fara út í geiminn.
- 1974 - Rithöfundasamband Íslands var stofnað upp á nýtt sem stéttarfélag íslenskra rithöfunda.
- 1981 - Geimskutlu var skotið á loft í fyrsta sinn (Columbia).
- 2009 - Páskadagur var haldin um allan heim
- 2010 - Rannsóknarnefnd Alþingis birti skýrslu um aðdraganda og orsakir hrunsins í níu bindum.
Fædd[breyta | breyta frumkóða]
- 1577 - Kristján 4. Danakonungur (d. 1648).
- 1941 - Sigríður Þorvaldsdóttir, íslenskur leikstjóri og leikari.
- 1942 - Jacob Zuma, forseti Suður-Afríku.
- 1948 - Joschka Fischer, þýskur stjórnmálamaður.
- 1955 - Viktor Arnar Ingólfsson, íslenskur spennusagnahöfundur.
- 1956 - Herbert Groenemeyer, þýskur söngvari.
- 1972 - Friðrik Friðriksson, íslenskur leikari.
Dáin[breyta | breyta frumkóða]
- 352 - Júlíus 1. páfi.
- 1945 - Franklin D. Roosevelt, Bandaríkjaforseti (f. 1882).
- 1995 - Pétur J. Thorsteinsson, íslenskur sendiherra (f. 1917).
- 2005 - Richard Popkin, bandarískur heimspekisagnfræðingur (f. 1923).
