27. maí

27. maí er 147. dagur ársins (148. á hlaupári) samkvæmt gregoríska tímatalinu. 218 dagar eru eftir af árinu.

Atburðir

• 308 - Marsellus 1. varð páfi.
• 1180 - Herlið Sverris Sigurðssonar vann sigur á her Magnúsar Erlingssonar Noregskonungs á Íluvöllum nálægt Niðarósi.
• 1199 - Jóhann landlausi tók við völdum í Englandi.
• 1562 - Húgenottar vanhelguðu gröf Jóhönnu af Valois og brenndu líkamsleifar hennar.
• 1660 - Svíar og Danir gerðu með sér Kaupmannahafnarsáttmálann sem batt enda á Norðurlandastríðið og Danir endurheimtu Þrándheim og Borgundarhólm.
• 1703 - Pétur mikli Rússakeisari stofnaði Sankti Pétursborg með það að markmiði að gera hana að höfuðborg.
• 1746 - Gefin var út tilskipun um húsvitjanir á Íslandi og skyldu prestar húsvitja minnst tvisvar á ári.
• 1857 - Settar voru reglur um að danskir embættismenn skyldu standast íslenskupróf til að fá stöður á Íslandi.
• 1931 - Verkalýðs- og sjómannafélag Bolungarvíkur var stofnað.
• 1962 - Sveitarstjórnarkosningar fóru fram á Íslandi.
• 1977 - Djibútí fékk sjálfstæði frá Frakklandi.
• 1981 - Fjórir menn fórust í flugslysi á Holtavörðuheiði og fannst flak vélarinnar ekki fyrr en 10. júní þrátt fyrir mikla leit.
• 1982 - Ólafur Jóhann Ólafsson lauk stúdentsprófi með hæstu einkunn sem gefin hafði verið (9,67) frá Menntaskólanum í Reykjavík.
• 1982 - Davíð Oddsson tók við starfi borgarstjóra Reykjavíkur af Agli Skúla Ingibergssyni.
• 1982 - Falklandseyjastríðið: Orrustan um Goose Green hófst.
• 1983 - Friðarhreyfing íslenskra kvenna var stofnuð í Reykjavík.
• 1983 - Hús verslunarinnar í Reykjavík var tekið í notkun.
• 1983 - Ólögleg flugeldaverksmiðja í Benton í Tennessee, sprakk í loft upp með þeim afleiðingum að ellefu létust.
• 1984 - Skyndiflóð urðu í Tulsa í Oklahóma. Fjórtán létust.
• 1984 - Svíar sigruðu Englendinga í fyrsta Evrópumótinu í knattspyrnu kvenna.
• 1986 - Tölvuleikurinn Dragon Quest kom út í Japan.
• 1987 - Yfir 800.000 manns komu sér fyrir á Golden Gate-brúnni við San Francisco til að fagna 50 ára afmæli hennar.
• 1990 - Flokkur Aung San Suu Kyi vann meirihluta í kosningum í Mjanmar en herforingjastjórnin ógilti niðurstöðuna.
• 1991 - Landsbankinn yfirtók rekstur Samvinnubankans.
• 1993 - Fimm létust og þrjú málverk eyðilögðust þegar sprengja á vegum mafíunnar sprakk við Uffizi-safnið í Flórens.
• 1996 - Samið var um vopnahlé í Fyrsta Téténíustríðinu.
• 1997 - Ný lög um fjárreiður íslenska ríkisins voru samþykkt. Þau færðu reikningsskil ríkisstofnana og ríkisins í heild nær því sem tíðkast hjá fyrirtækjum. Sama ár skilaði ríkissjóður afgangi í fyrsta sinn í mörg ár.
• 1997 - Skýstrokkur gekk yfir bæinn Jarrell í Texas með þeim afleiðingum að 27 íbúar bæjarins fórust.
• 1997 - Eric S. Raymond kynnti ritgerð sína The Cathedral and the Bazaar á Linuxráðstefnu í Þýskalandi.
• 1999 - Alþjóðlegi stríðsglæpadómstóllinn fyrir fyrrverandi Júgóslavíu sakaði Slobodan Milošević og fjóra aðra fyrir stríðsglæpi og glæpi gegn mannkyni vegna Kosóvóstríðsins.

• 2006 - Sveitastjórnarkosningar voru haldnar á Íslandi.
• 2006 - Jarðskjálfti af stærðargráðunni 6,3 á Richter varð á eyjunni Jövu í Indónesíu. Yfir 6000 létust, 36 þúsund slösuðust og um 1,5 milljón manns misstu heimili sín.
• 2008 - Ráðstefnan Arctic Ocean Conference var haldin í Ilulissat á Grænlandi.
• 2009 - FC Barcelona sigraði Meistaradeild Evrópu með 2-0 sigri á Manchester United.
• 2011 - Alþingi viðurkenndi Íslenskt táknmál sem fyrsta tungumál heyrnarlausra á Íslandi og að íslenskt blindraletur væri fullgilt sem íslenskt ritmál.
• 2013 - Mótmælin í Gezi-garði í Istanbúl hófust.

Fædd

• 1332 - Ibn Khaldun, arabískur fjölfræðingur (d. 1406).
• 1626 - Vilhjálmur 2. Óraníufursti (d. 1650).
• 1636 - Þormóður Torfason, íslenskur sagnaritari (d. 1719).
• 1774 - Francis Beaufort, breskur aðmíráll og náttúruvísindamaður (d. 1857).
• 1894 - Dashiell Hammett, bandarískur rithöfundur (d. 1961).
• 1907 - Rachel Carson, bandarískur dýrafræðingur og rithöfundur (d. 1964).
• 1911 - Hubert Humphrey, bandarískur stjórnmálamaður (d. 1978).
• 1911 - Vincent Price, bandarískur leikari (d. 1993).
• 1918 - Yasuhiro Nakasone, forsætisráðherra Japans (d. 2019).
• 1919 - Andrzej Nowicki, polskur heimspekingur (d. 2011).
• 1922 - Christopher Lee, enskur leikari (d. 2015).
• 1923 - Henry Kissinger, bandarískur stjórnmálamaður og Nóbelsverðlaunahafi.
• 1925 - Tony Hillerman, bandarískur rithöfundur (d. 2008).
• 1944 - Christopher Dodd, bandarískur stjórnmálamaður.
• 1955 - Richard Schiff, bandarískur leikari.
• 1956 - Giuseppe Tornatore, ítalskur kvikmyndaleikstjóri.
• 1959 - Donna Strickland, kanadískur ljóseðlisfræðingur og Nóbelsverðlaunahafi.
• 1966 - Sean Kinney, trommari Alice in Chains.
• 1973:
  • Alessandro Cambalhota, brasilískur knattspyrnumaður.
  • Daniel da Silva, brasilískur knattspyrnumaður.
• 1977 - Atsushi Yanagisawa, japanskur knattspyrnumaður.
• 1978 - Cindy Sampson, kanadísk leikkona.
• 1988 - Birkir Bjarnason, íslenskur knattspyrnumaður.
• 1990 - Chris Colfer, bandarískur leikari.

Dáin

• 366 - Procopius, grískur uppreisnarmaður (f. um 325).
• 1508 - Ludovico Sforza hertogi af Mílanó (f. 1452).
• 1564 - Jóhann Kalvín, mótmælendaguðfræðingur (f. 1509).
• 1615 - Margrét af Valois, drottning Frakklands og Navarra (f. 1553).
• 1690 - Giovanni Legrenzi, ítalskt tónskáld (f. 1626).
• 1840 - Niccolò Paganini, ítalskur fiðluleikari og tónskáld (f. 1782).
• 1884 - Vilhelm August Borgen, danskur menntafrömuður og stjórnmálamaður (f. 1801).
• 1910 - Robert Koch, þýskur læknir og Nóbelsverðlaunahafi í læknisfræði (f. 1843).
• 1936 - H.P. Hanssen, danskur stjórnmámaður (f. 1862).
• 1964 - Jawaharlal Nehru, forsætisráðherra Indlands (f. 1889).
• 1968 - Júrí Gagarín, fyrsti maðurinn sem fór út í geiminn (f. 1934).
• 1971 - Sigurður Norland, íslenskur náttúruverndarsinni (f. 1885).
• 1985 - Kai Lindberg, danskur stjórnmálamaður (f. 1899).
• 1988 - Hjördis Petterson, sænsk leikkona (f. 1908).
• 2014 - Inga Huld Hákonardóttir, íslenskur sagnfræðingur (f. 1936).
• 2015 - Michael Martin, bandarískur heimspekingur (f. 1932).
• 2020 - Alfreð Þorsteinsson, íslenskur stjórnmálamaður og blaðamaður (f. 1944)