6. nóvember

Okt – Nóvember – Des
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30
2026 Allir dagar

6. nóvember er 310. dagur ársins (311. á hlaupári) samkvæmt gregoríska tímatalinu. 55 dagar eru eftir af árinu.

Atburðir

• 1362 - Guglielmo de Grimoard varð Úrbanus 5. páfi.
• 1632 - Svíar sigruðu her keisarans í orrustunni við Lützen en konungur þeirra Gústaf 2. Adolf féll.
• 1706 - Bretum mistókst að ná yfirráðum yfir Kanaríeyjum.
• 1796 - Dómkirkjan í Reykjavík var vígð.
• 1796 (gamli stíll, 17. nóvember samkvæmt gregorísku tímatali) - Katrín mikla Rússakeisaraynja dó og Páll 1. sonur hennar varð keisari.
• 1816 - James Monroe vann sigur á Rufus King í forsetakosningum í Bandaríkjunum.
• 1860 - Abraham Lincoln var kjörinn Bandaríkjaforseti.
• 1864 - Bókasafn Akraness var stofnað.
• 1888 - Benjamin Harrison var kosinn forseti Bandaríkjanna.
• 1911 - Francisco I. Madero varð forseti Mexíkó.
• 1913 - Mahatma Gandhi var handtekinn þegar hann leiddi mótmæli indverskra námamanna.
• 1918 - Talið var að þriðjungur Reykvíkinga hefði veikst af spænsku veikinni.
• 1920 - Hríseyjarviti var tekinn í notkun.
• 1921 - Átta aldir voru liðnar frá andláti Jóns Ögmundssonar, fyrsta biskups á Hólum. Var þess minnst með minningarhátíð í Landakotskirkju.
• 1928 - Herbert Hoover vann bandarísku forsetakosningarnar.
• 1943 - Í tímaritinu Genetics birtist grein eftir Salvador Luria og Max Delbrück þar sem þeir greina frá tilraun sinni og sýna fram á að stökkbreytingar eru slembiháðar, en koma ekki til vegna aðlögunar.
• 1954 - Veitingahúsið Naustið var opnað í Reykjavík.
• 1966 - Ómannaða geimfarið Lunar Orbiter 2 var sent af stað.
• 1967 - Þing Ródesíu samþykkti lög um kynþáttaaðskilnað.
• 1975 - Sex Pistols léku á sínum fyrstu tónleikum í menntaskóla í London.
• 1975 - Græna gangan: 300.000 sjálfboðaliðar gengu frá Marokkó til Vestur-Sahara til stuðnings við tilkall Marokkó til þessarar fyrrum nýlendu Spánar.
• 1982 - Paul Biya varð forseti Kamerún.
• 1983 - Þorsteinn Pálsson var kjörinn formaður Sjálfstæðisflokksins næstur á eftir Geir Hallgrímssyni, en hann gaf ekki kost á sér áfram.
• 1984 - Ronald Reagan sigraði Walter Mondale með yfirburðum í forsetakosningunum í Bandaríkjunum.
• 1985 - Íran-kontrahneykslið: Bandarískir fjölmiðlar sögðu frá því að Ronald Reagan hefði samþykkt vopnasendingu til Írans.
• 1986 - Mesta þyrluslys sögunnar varð þegar Boeing 234LR Chinook-þyrla brotlenti austan við Sumburgh-flugvöll í Bretlandi og 45 fórust.
• 1989 - Fyrsti fundurinn í Efnahagssamstarfi Asíu- og Kyrrahafsríkjanna var haldinn í Ástralíu.
• 1990 - Nawaz Sharif tók við embætti sem forsætisráðherra Pakistan.
• 1994 - Tugir fórust í flóðum í Piemonte á Ítalíu.
• 1995 - Fyrsta skjákortið frá 3dfx Interactive var kynnt á ráðstefnunni COMDEX.
• 1997 - Svartbók kommúnismans kom út í Frakklandi.
• 2003 - Fyrsta útgáfa Linuxdreifingarinnar Fedora kom út.
• 2007 - 50 létust í sjálfsmorðssprengjuárás í Mazar-i-Sharif í Afganistan, þar á meðal 6 þingmenn.
• 2008 - Jigme Khesar Namgyal Wangchuk var krýndur konungur Bútan.
• 2010 - Þjóðfundur um stjórnarskrá á Íslandi 2010 hófst.
• 2016 - Orrustan um Raqqa í Norður-Sýrlandi hófst.

• 2019 - Árásin í Fada N'gourma: 37 létust þegar byssumenn réðust á bílalest kanadíska námafyrirtækisins Semafo í Búrkína Fasó.
• 2021 - Varðskipið Freyja kom í höfn á Íslandi í fyrsta sinn.
• 2022 - Loftslagsráðstefna Sameinuðu þjóðanna 2022 hófst í Sharm El Sheikh í Egyptalandi.
• 2023 - Heilt auga var í fyrsta sinn grætt í mann hjá NYU Langone Health í New York-borg.
• 2024 - Ríkisstjórn Olaf Scholz, kanslara Þýskalands, leystist upp eftir að hann rak fjármálaráðherra sinn.
• 2025 - Fellibylurinn Kalmaegi fór um Filippseyjar og Víetnam. Yfir 100 létust.

Fædd

• 15 eða 16 - Agrippina yngri, rómversk aðalskona (d. 59).
• 1421 - Hinrik 6. Englandskonungur (d. 1471).
• 1479 - Jóhanna Kastilíudrottning (Jóhanna vitskerta) (d. 1555).
• 1494 - Súleiman mikli, soldán Ottómanaveldisins (d. 1566).
• 1661 - Karl 2. Spánarkonungur (d. 1700).
• 1665 - Jón Halldórsson í Hítardal, íslenskur sagnaritari (d. 1736).
• 1841 - Armand Fallières, franskur stjórnmálamaður (d. 1931).
• 1862 - Dr. Jón Stefánsson, íslenskur fræðimaður (d. 1952).
• 1876 - Þorkell Þorkelsson, íslenskur eðlisfræðingur (d. 1961).
• 1880 - Robert Musil, austurrískur rithöfundur (d. 1942).
• 1908 - Teizo Takeuchi, japanskur knattspyrnumaður (d. 1946).
• 1926 - Zig Ziglar, bandarískur rithöfundur (d. 2012).
• 1938 - Seishiro Shimatani, japanskur knattspyrnumaður (d. 2001).
• 1943 - Einar Bollason, íslenskur körfuboltaþjálfari.
• 1946 - Katrín Fjeldsted, íslenskur stjórnmálamaður og læknir.
• 1949 - Ariel Henry, haítískur stjórnmálamaður og læknir.
• 1954 - Mango, ítalskur söngvari (d. 2014).
• 1961 - Daníel Smári Guðmundsson, íslenskur hlaupasérfræðingur og hlaupaþjálfari.
• 1961 - Karl Blöndal, íslenskur blaðamaður.
• 1970 - Ethan Hawke, bandarískur leikari.
• 1977 - Jódís Skúladóttir, íslensk stjórnmálakona.
• 1979 - Ingibjörg Dögg Kjartansdóttir, íslenskur blaðamaður.
• 1988 - Thomas Neuwirth, öðru nafni Conchita Wurst, austurrískur söngvari og dragdrottning.

Dáin

• 1121 - Jón Ögmundsson, fyrsti biskup á Hólum í Hjaltadal.
• 1406 - Innósentíus 7. páfi (f. um 1336).
• 1632 - Gústaf 2. Adolf Svíakonungur (f. 1594).
• 1650 - Vilhjálmur 2. Óraníufursti (f. 1626).
• 1656 - Jóhann 4. Portúgalskonungur (f. 1603).
• 1672 - Heinrich Schütz, þýskt tónskáld (f. 1585).
• 1836 - Karl 10. Frakkakonungur (f. 1757).
• 1893 - Pjotr Iljitsj Tsjaíkovskíj, rússneskt tónskáld (f. 1840).
• 1929 - Maximilian von Baden, þýskur stjórnmálamaður (f. 1867).
• 1940 - Bjarni Sæmundsson, íslenskur náttúrufræðingur (f. 1867).
• 1941 - Maurice Leblanc, franskur rithöfundur (f. 1864).
• 1982 - Shiro Teshima, japanskur knattspyrnumaður (f. 1907).
• 1989 - Margarete Buber-Neumann, þýskur kommúnisti (f. 1901).
• 1993 - Joseph Serchuk, pólskur gyðingur (f. 1919).
• 1998 - Niklas Luhmann, þýskur félagsfræðingur (f. 1927).
• 2007 - Guðmundur Jónsson, íslenskur söngvari (f. 1920).
• 2024 - Villi Valli, íslenskur tónlistarmaður (f. 1930).