23. október
Úr Wikipediu, frjálsa alfræðiritinu
23. október er 296. dagur ársins (297. á hlaupári) samkvæmt gregoríska tímatalinu. 69 dagar eru eftir af árinu.
Efnisyfirlit
Atburðir[breyta | breyta frumkóða]
- 42 f.Kr. - Önnur orrustan við Filippí: Her Brútusar var sigraður af Antóníusi og Octavíanusi og hann framdi sjálfsmorð skömmu síðar.
- 1641 - Írska uppreisnin 1641 hófst þegar írskumælandi íbúar Ulster réðust gegn enskum landnemum og drápu þúsundir þeirra.
- 1642 - Þrjátíu ára stríðið: Sænskur her undir stjórn Lennart Torstensons gjörsigraði keisaraherinn í orrustu við Breitenfeld.
- 1642 - Enska borgarastyrjöldin: Orrustan við Edgehill var fyrsta skipulega orrusta borgarastyrjaldarinnar.
- 1728 - Brunanum mikla í Kaupmannahöfn slotaði en þá voru brunnin um 30% borgarinnar.
- 1938 - Samband íslenskra berklasjúklinga, SÍBS, var stofnað. Það rekur meðal annars Reykjalund og Múlalund.
- 1955 - Við verkamannabústaðina við Hringbraut í Reykjavík var reist stytta af Héðni Valdimarssyni.
- 1956 - Uppreisnin í Ungverjalandi hófst með mótmælum námsmanna í tækniháskólanum í Búdapest.
- 1958 - Bandalag háskólamanna, BHM, var stofnað.
- 1963 - Í Vestmannaeyjum mældist 10 mínútna meðalvindhraði 200 km/klst. Þetta var vindhraðamet á Íslandi og var ekki jafnað fyrr en 3. febrúar 1991, þá einnig í Vestmannaeyjum.
- 1976 - Alexandersflugvöllur var tekinn í notkun á Sauðárkróki. Hann er nefndur eftir prófessor Alexander Jóhannessyni, sem var frumkvöðull í flugmálum. Þar var þá lengsta flugbraut á Íslandi utan Keflavíkurflugvallar.
- 1988 - Íslendingar unnu 11 verðlaun á heimsleikum fatlaðra í Seúl í Suður-Kóreu 15. til 23. október. Þar af voru tvenn gullverðlaun, sem Haukur Gunnarsson og Lilja M. Snorradóttir hlutu.
- 2002 - Numið var úr gildi sérákvæði í stjórnarskrá Ítalíu sem kvað á um að afkomendum Úmbertós 2., síðasta konungs Ítalíu, í beinan karllegg væri bannað að stíga fæti á ítalska jörð.
Fædd[breyta | breyta frumkóða]
- 1831 - Basil Lanneau Gildersleeve, bandarískur fornfræðingur (d. 1924).
- 1899 - Málfríður Einarsdóttir, íslenskur rithöfundur (d. 1983).
- 1901 - Kristmann Guðmundsson, íslenskur rithöfundur (d. 1983).
- 1940 - Pele, brasilískur knattspyrnumaður.
- 1945 - Kim Larsen, danskur tónlistarmaður.
- 1954 - Ang Lee, tævanskur leikstjóri.
- 1959 - „Weird Al“ Yankovic, bandarískur skemmtikraftur.
- 1960 - Randy Pausch, bandarískur tölvunarfræðingur (d. 2008).
- 1961 - Andoni Zubizarreta, spænskur knattspyrnumaður.
- 1976 - Cat Deeley, breskur plötusnúður.
- 1976 - Ryan Reynolds, kanadískur leikari.
- 1978 - Jimmy Bullard, enskur knattspyrnumaður.
- 1978 - Archie Thompson, ástralskur knattspyrnumaður.
Dáin[breyta | breyta frumkóða]
- 1157 - Sveinn Eiríksson, Danakonungur.
- 1706 - Páll Björnsson, prófastur í Selárdal (f. 1621).
- 1941 - Helga Steinvör Baldvinsdóttir eða Undína, vestur-íslenskt ljóðskáld (f. 1858).
- 1991 - Magnús Guðbrandsson, íslenskur knattspyrnumaður (f. 1896).
- 2015 - Guðbjartur Hannesson, íslenskur stjórnmálamaður (f. 1950).
