2. apríl

2. apríl er 92. dagur ársins (93. á hlaupári) samkvæmt gregoríska tímatalinu. 273 dagar eru eftir af árinu.

Atburðir

• 999 - Gerbert d'Aurillac varð Silvester 2. páfi.
• 1285 - Giacomo Savelli varð Honóríus 4. páfi.
• 1305 - Loðvík krónprins Frakklands, síðar Loðvík 10., varð konungur Navarra sem Loðvík 1. við lát móður sinnar. Skömmu áður hafði hann gengið að eiga Margréti af Búrgund.
• 1453 - Umsátrið um Konstantínópel hófst.
• 1725 - Jarðskjálftar við upphaf Heklugoss voru „skelfilegir“ að sögn Hítardalsannáls.
• 1801 - Breski flotinn undir stjórn Nelsons flotaforingja gjörsigraði danska flotann við Kaupmannahöfn.
• 1831 - Lorentz Angel Krieger varð stiftamtmaður á Íslandi.
• 1877 - Talsvert tjón varð í Reykjavík og nágrenni í norðanstormi sem stóð í tvo daga.

• 1900 - Setning Forakerlaganna í bandaríska þinginu veitti Púertó Ríkó heimastjórn.
• 1902 - Fyrsta kvikmyndahúsið í Bandaríkjunum, Electric Theatre, var opnað í Los Angeles í Kaliforníu.

• 1908 - Tólf menn fórust en einn bjargaðist er bátur fórst í lendingu við Stokkseyri.
• 1928 - Fyrsta íslenska konan fékk lyfsöluleyfi, Jóhanna Magnúsdóttir, sem rak Lyfjabúðina Iðunni í Reykjavík í áratugi.
• 1930 - Haile Selassie var lýstur keisari Eþíópíu.
• 1973 - Stafrófsmorðin: Wanda Walkowicz hvarf í Rochester (New York).
• 1973 - LexisNexis opnaði fyrir tölvukeyrða leit í dómasafni.
• 1982 - Argentína gerði innrás á Falklandseyjar og hóf þannig Falklandseyjastríðið.
• 1991 - Eldgos hófst í Pínatúbó á Filippseyjum.

• 1992 - John Gotti var dæmdur í ævilangt fangelsi í New York-borg, fyrir morð og skipulagða glæpastarfsemi.
• 2004 - Búlgaría, Eistland, Lettland, Litháen, Rúmenía, Slóvakía og Slóvenía urðu fullgildir meðlimir í NATO.
• 2007 - Jarðskjálfti að stærðargráðu 8,1 á Richter skók Salómonseyjar og olli flóðbylgju.
• 2007 - Reykingabann á almannafæri og vinnustöðum tók gildi í Wales.
• 2011 - Kvennaskólinn í Reykjavík sigrar í Gettu betur í fyrsta sinn.

Fædd

• 747 - Karlamagnús (Karl mikli], konungur Franka (d. 814).
• 1545 - Elísabet af Valois, drottning Spánar (d. 1568).
• 1618 - Francesco Maria Grimaldi, ítalskur stærðfræðingur (d. 1663).
• 1725 - Giacomo Casanova, feneyskur ævintýramaður og rithöfundur (d. 1798).
• 1805 - Hans Christian Andersen, danskur rithöfundur (d. 1875).
• 1840 - Émile Zola, franskur rithöfundur og gagnrýnandi (d. 1902).
• 1891 - Max Ernst, þýskur málari (d. 1976).
• 1914 - Alec Guinness, breskur leikari (d. 2000).
• 1923 - Wendell Clausen, bandarískur fornfræðingur (d. 2006).
• 1927 - Ferenc Puskás, ungverskur knattspyrnumaður (d. 2006).
• 1939 - Marvin Gaye, söngvari. (d. 1984).
• 1945 - Linda Hunt, bandarísk leikkona.
• 1951 - Sigfús Jónsson, fyrrum bæjarstjóri Akureyrar.
• 1952 - Leon Wilkeson, bandarískur bassaleikari (Lynyrd Skynyrd).
• 1959 - Alberto Fernández, forseti Argentínu.
• 1961 - Keren Woodward, bresk söngkona (Bananarama).
• 1965 - Svavar Hrafn Svavarsson, íslenskur heimspekingur.
• 1965 - Rodney King, bandarískur leigubílstjóri (d. 2012).
• 1967 - Greg Camp, bandarískur tónlistarmaður (Smash Mouth).
• 1975 - Adam Rodríguez, bandarískur leikari.
• 1979 - Magnús Kári Jónsson, þjálfari.
• 1989 - Berglind Festiva Pétursdóttir, sjónvarpskona

Dáin

• 1118 - Baldvin 1. konungur Jerúsalem.
• 1244 - Henrik Harpestræng, danskur læknir og grasafræðingur.
• 1272 - Ríkharður, jarl af Cornwall og konungur Þýskalands (f. 1209).
• 1305 - Jóhanna 1. Navarradrottning (f. 1273).
• 1335 - Hinrik Bæheimskonungur (f. um 1265).
• 1641 - Georg af Brúnsvík-Lüneburg, þýskur hertogi (f. 1582).
• 1657 - Ferdinand 3. keisari hins heilaga rómverska ríkis (f. 1603).
• 1709 - Giovanni Battista Gaulli, ítalskur listmálari (f. 1639).
• 1861 - Peter Georg Bang, danskur forsætisráðherra (f. 1797).
• 1872 - Samuel Morse, höfundur Morse-merkjakerfisins (f. 1791).
• 1894 - Hermanníus E. Johnson, landfógeti á Íslandi (f. 1825).
• 1914 - Paul Heyse, þýskur rithöfundur og nóbelsverðlaunahafi (f. 1830).
• 1974 - Georges Pompidou, forseti Frakklands (f. 1911).
• 2005 - Jóhannes Páll 2. páfi (f. 1920).