22. október

Sep – Október – Nóv
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2026 Allir dagar

22. október er 295. dagur ársins (296. á hlaupári) samkvæmt gregoríska tímatalinu. 70 dagar eru eftir af árinu.

Atburðir

• 1253 - Flugumýrarbrenna: Bærinn á Flugumýri í Skagafirði var brenndur og fórust þar 25 manns.
• 1331 - Kogon Japanskeisari tók við völdum.
• 1383 - Beatrísa af Portúgal erfði ríkið eftir lát föður síns, Ferdínands 1. Portúgalskonungs.
• 1440 - Gilles de Rais játaði á sig fjölda morða á börnum og var dæmdur til dauða.
• 1494 - Ludovico Sforza varð hertogi af Mílanó.
• 1503 - Francesco Todeschini Piccolomini var kjörinn páfi.
• 1576 - Mikill hluti af Haarlem í Hollandi brann. Eldurinn hófst í brugghúsinu het Ankertje og læsti sig í næstu hús. Um 500 byggingar eyðilögðust.
• 1685 - Loðvík 14. gaf út Fontainebleu-tilskipunina þar sem hann lýsti mótmælendatrú ólöglega og afnam þannig þau réttindi sem húgenottar höfðu fengið með Nantes-tilskipuninni 1598.
• 1689 - Pétur mikli kvað á um lagningu Síberíuvegarins til Kína.
• 1707 - Fjögur skip breska flotans sukku við Syllinga. Að minnsta kosti 1.450 drukknuðu.
• 1738 - Fornleifauppgröftur hófst í Herculaneum, sem fór undir ösku í gosi Vesúvíusar árið 79.
• 1746 - Í Princeton í New Jersey í Bandaríkjunum var stofnaður skólinn College of New Jersey sem síðar varð Princeton-háskóli.
• 1797 - Frakkinn André-Jacques Garnerin stökk fyrst úr fallhlíf úr 900 metrum við París.
• 1883 - Fyrsti sporvagninn sem gekk fyrir rafmagni fór af stað í Vínarborg.
• 1929 - Ríkisstjórn Aristide Briand í Frakklandi féll.
• 1953 - Laos hlaut sjálfstæði frá Frakklandi.
• 1961 - Bjarni Benediktsson var kosinn formaður Sjálfstæðisflokksins.
• 1962 - Kúbudeilan: Kennedy Bandaríkjaforseti tilkynnti um hafnbann á Kúbu.
• 1964 - Núverandi fáni Kanada var tekinn upp.
• 1964 - Jean-Paul Sartre hlaut Nóbelsverðlaun í bókmenntum sem hann hafnaði.
• 1965 - Fyrsta Nóatúnsverslunin tók til starfa í Reykjavík.
• 1966 - Breski njósnarinn George Blake slapp úr haldi og náði að flýja til Sovétríkjanna.
• 1969 - Hlerunarmiðstöð leyniþjónustu danska hersins var afhjúpuð í kjallara Kaupmannahafnarháskóla í Kejsergade.
• 1974 - Samið var um vopnahlé milli uppreisnarmanna og portúgalska hersins í Angóla.
• 1976 - Fyrsta breska pönkplatan, smáskífan New Rose með bresku hljómsveitinni The Damned, kom út í London.
• 1981 - Hrauneyjafossvirkjun á Íslandi var gangsett.
• 1985 - Á Bíldudal féllu fimm aurskriður úr fjallinu niður í þorpið og ollu nokkrum skemmdum. Mikil úrkoma hafði verið dagana á undan.
• 1992 - Síldveiðiskipið Hólmaborg landaði 1350 tonnum af síld á Eskifirði og var þetta stærsti síldarfarmur sem landað hafði verið úr einu skipi.

• 1996 - 30 fangar létust þegar eldur braust út í fangelsi í Caracas í Venesúela.
• 1999 - Tölvuleikurinn Grand Theft Auto 2 kom út fyrir PlayStation-leikjatölvuna.
• 2000 - Japanska dagblaðið Mainichi Shimbun afhjúpaði svik fornleifafræðingsins Shinichi Fujimura.
• 2004 - Tímaritið Nature sagði frá uppgötvun nýrrar manntegundar, Homo floresiensis, á eyjunni Flores í Indónesíu.
• 2008 - Geimvísindastofnun Indlands sendi könnunarfarið Chandrayaan-1 til Tunglsins.
• 2009 - Stýrikerfið Windows 7 kom á markað.
• 2010 - Alþjóðlega geimstöðin sló metið fyrir lengstu mannabyggð í geimnum en hún hafði hýst fólk samfleytt frá 2. nóvember 2000.
• 2020 - 34 ríki undirrituðu Samkomulagsyfirlýsinguna í Genf gegn fóstureyðingum að undirlagi Mike Pompeo.

Fædd

• 1689 - Jóhann 5. Portúgalskonungur (d. 1750).
• 1769 - Jón Espólín, íslenskur annálahöfundur (d. 1836).
• 1811 - Franz Liszt, ungverskt tónskald og píanóleikari (d. 1886).
• 1844 - Sarah Bernhardt, frönsk leikkona (d. 1923).
• 1857 - Michael Pedersen Friis, danskur forsætisráðherra (d. 1944).
• 1858 - Hermann Jónasson, íslenskur búfræðingur (d. 1923).
• 1870 - Ívan Búnín, rússneskur rithöfundur og Nóbelsverðlaunahafi (d. 1953).
• 1913 - Bảo Đại, síðasti keisari Víetnams (d. 1997).
• 1915 - Yitzhak Shamir, ísraelskur stjórnmálamaður (d. 2012).
• 1917 - Joan Fontaine, bandarísk leikkona (d. 2013).
• 1919 - Doris Lessing, breskur rithöfundur (d. 2013).
• 1921 - Georges Brassens, franskur söngvari (d. 1981).
• 1927 - Baldur Georgs Takács, töframaður og búktalari (d. 1994).
• 1938 - Derek Jacobi, breskur leikari.
• 1949 - Arsene Wenger, franskur knattspyrnustjóri.
• 1952 - Jeff Goldblum, bandarískur leikari.
• 1957 - Bergþór Pálsson, íslenskur söngvari.
• 1959 - Todd Graff, bandarískur leikari.
• 1967 - Carlos Mencia, bandarískur leikari.
• 1970 - Javier Milei, forseti Argentínu.
• 1971 - Tomislav Erceg, króatískur knattspyrnumaður.
• 1971 - Daði Már Kristófersson, íslenskur hagfræðingur.
• 1978 - Hildur Sverrisdóttir, íslensk stjórnmálakona.
• 1980 - Helgi Hrafn Gunnarsson, íslenskur stjórnmálamaður.
• 1983 - Plan B, breskur rappari og söngvari.
• 1987 - Mikkel Hansen, danskur handknattleiksmaður.
• 1989 - Viktor Orri Valgarðsson, íslenskur stjórnmálamaður.
• 1991 - Levi Sherwood, nýsjálenskur mótorkrossmaður.

Dáin

• 741 - Karl hamar hallarbryti Frankaríkisins (f. um 688).
• 1253 - Hallur Gissurarson, sonur Gissurar jarls.
• 1253 - Gróa Álfsdóttir, kona Gissurar Þorvaldssonar, og Hallur, Ísleifur og Ketilbjörn Gissurarsynir.
• 1253 - Árni beiskur, banamaður Snorra Sturlusonar.
• 1652 - Johannes Bureus, sænskur fornfræðingur (f. 1568).
• 1906 - Paul Cézanne, franskur listmálari (f. 1839).
• 1982 - Savitri Devi, grískur trúspekingur (f. 1905).
• 1988 - Plácido Galindo, perúskur knattspyrnumaður (f. 1906).
• 1989 - Ewan MacColl, enskur þjóðlagasöngvari (f. 1915).
• 1995 - Kingsley Amis, bandarískur rithöfundur (f. 1922).

Hátíðisdagar

• HÁSTAFADAGURINN