9. desember

Nóv – Desember – Jan
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2025 Allir dagar

9. desember er 343. dagur ársins (344. á hlaupári) samkvæmt gregoríska tímatalinu. 22 dagar eru eftir af árinu.

Atburðir

• 1644 - Kristín Svíadrottning varð lögráða.
• 1687 - Jósef erkihertogi Austurríkis var krýndur konungur Ungverjalands.
• 1749 - Skúli Magnússon varð fyrstur Íslendinga skipaður landfógeti.
• 1824 - Orrustan um Ayacucho, sem batt enda á sjálfstæðisstríð spænsku Ameríku, átti sér stað í Perú.
• 1892 - Sauðárkrókskirkja var vígð.
• 1897 - Marguerite Durand gaf út fyrsta tölublað franska kvenréttindablaðsins La Fronde.
• 1905 - Lög um aðskilnað ríkis og kirkju voru samþykkt í Frakklandi.
• 1917 - Fyrri heimsstyrjöldin: Bretar náðu Jerúsalem af Tyrkjaveldi.
• 1926 - Á Stokkseyri varð mikill eldsvoði og brunnu sjö hús, en ekkert manntjón varð.
• 1945 - Íþróttabandalag Siglufjarðar var stofnað.
• 1946 - Seinni Nürnberg-réttarhöldin hófust.
• 1956 - Stærsta skip sem Íslendingar höfðu eignast, Hamrafell, kom til landsins. Skipið var 167 m á lengd og gat hvergi lagst að bryggju á Íslandi nema í Hafnarfirði stærðar sinnar vegna.
• 1961 - Tanganjika hlaut sjálfstæði frá Bretlandi.
• 1975 - Sameinuðu þjóðirnar samþykktu Yfirlýsingu um réttindi fatlaðra.
• 1979 - Vísindamenn staðfestu að bólusótt hefði verið útrýmt.
• 1981 - Bandaríski aðgerðasinninn Mumia Abu-Jamal var handtekinn vegna morðs á lögreglumanni.
• 1982 - Kvikmyndin ET var frumsýnd í Evrópu í Laugarásbíói í Reykjavík.
• 1987 - Windows 2.0 kom út. Meðal nýjunga var að gluggar gátu náð yfir hvern annan.
• 1988 - Síðustu Dodge Aries- og Plymouth Reliant-bifreiðarnar voru framleiddar af Chrysler.
• 1990 - Lech Wałęsa varð fyrsti lýðræðislega kjörni forseti Póllands.
• 1990 - Slobodan Milošević varð forseti Serbíu.
• 1992 - Karl Bretaprins og Díana prinsessa af Wales tilkynntu skilnað sinn opinberlega.
• 1996 - Sameinuðu þjóðirnar hleyptu af stokkunum aðgerðinni Olía fyrir mat í Írak.

• 2002 - Indónesía undirritaði friðarsamkomulag við skæruliða í Aceh.
• 2006 - Christer Fuglesang varð fyrsti norræni geimfarinn þegar hann hélt út í geim um borð í geimskutlunni Discovery.
• 2010 - Nýr Icesave-samingur á milli íslensku og bresku ríkisstjórnanna var kynntur á blaðamannafundi.
• 2010 - Eistland varð aðili að OECD.
• 2011 - 88 fórust í eldsvoða á sjúkrahúsi í norðurhluta Indlands.
• 2017 - Íraksher lýsti því yfir að hann hefði „að fullu“ frelsað öll svæði í Írak undan stjórn Íslamska ríkisins og náð stjórn á landamærunum að Sýrlandi.
• 2019 – Eldgos hófst á nýsjálensku eyjunni Whakaari/White Island með þeim afleiðingum að 20 fórust.
• 2019 – Alþjóðalyfjaeftirlitsstofnunin kaus samhljóða að útiloka Rússland frá alþjóðlegum keppnisíþróttum í 4 ár vegna ólöglegrar lyfjanotkunar.

Fædd

• 1372 - Beatrís af Portúgal, síðar drottning Portúgals og Kastilíu (d. 1410).
• 1594 - Gústaf 2. Adolf, Svíakonungur (d. 1632).
• 1608 - John Milton, enskt skáld (d. 1674).
• 1842 - Pjotr Kropotkin, rússneskur anarkisti (d. 1921).
• 1863 - John Burnet, skoskur fornfræðingur (d. 1928).
• 1895 - Dolores Ibárruri, spænskur stjórnmálamaður, aðgerðasinni og blaðamaður (d. 1989).
• 1906 - Grace Hopper, bandarískur tölvunarfræðingur (d. 1992).
• 1916 - Kirk Douglas, bandarískur leikari (d. 2020).
• 1920 - Carlo Azeglio Ciampi, forseti Ítalíu (d. 2016).
• 1929 - Bob Hawke, forsætisráðherra Ástralíu (d. 2019).
• 1934 - Judi Dench, ensk leikkona.
• 1945 - Michael Nouri, bandarískur leikari.
• 1946 - Hermann Gunnarsson, íslenskur knattspyrnumaður og skemmtikraftur (d. 2013).
• 1946 - Sonia Gandhi, indverskur stjórnmálamaður.
• 1954 - Jean-Claude Juncker, forsætisráðherra Lúxemborgar og forseti framkvæmdastjórnar Evrópusambandsins.
• 1957 - Donny Osmond, bandarískur poppsöngvari.
• 1962 - Juan Atkins, bandarískur tónlistarmaður.
• 1962 - Felicity Huffman, bandarísk leikkona.
• 1970 - Djalminha, brasilískur knattspyrnumaður.
• 1977 - Björgvin Franz Gíslason, íslenskur leikari.
• 1984 - Ævar Þór Benediktsson, íslenskur leikari og rithöfundur.
• 1984 - Steinþór Hróar Steinþórsson, íslenskur leikari.

Dáin

• 1165 - Malcolm 4. Skotakonungur (f. 1141).
• 1437 - Sigmundur, keisari hins Heilaga rómverska ríkis (f. 1368).
• 1565 - Píus 4. páfi (f. 1499).
• 1641 - Antoon van Dyck, flæmskur listmálari (f. 1599).
• 1666 - Giovanni Francesco Barbieri, kallaður Guercino, ítalskur listmálari (f. 1591).
• 1669 - Klemens 9. páfi (f. 1600).
• 1936 - Arvid Lindman, sænskur stjórnmálamaður (f. 1862).
• 1945 - Laufey Valdimarsdóttir, íslensk kvenréttindakona (f. 1890).
• 1967 - Haraldur Björnsson, íslenskur leikari (f. 1891).
• 1971 - Margrét Jónsdóttir, íslenskt skáld (f. 1893).
• 1982 - Ásmundur Sveinsson íslenskur myndhöggvari (f. 1893).
• 1996 - Alain Poher, franskur stjórnmálamaður (f. 1909).