4. janúar

4. janúar er 4. dagur ársins samkvæmt gregoríska tímatalinu. 361 dagur (362 á hlaupári) er eftir af árinu.

Atburðir

• 275 - Evtýsíanus varð páfi.
• 1209 - Ríkharður jarl af Cornwall, sonur Jóhanns konungs, kjörinn konungur Þýskalands 1256 (d. 1272).
• 1465 - Jön Bengtsson Oxenstierna biskup sigraði Karl Knútsson Bonde í orrustu á ís við Stokkhólm.
• 1483 - Andrés Guðmundsson var handtekinn á Reykhólum eftir skotbardaga.
• 1642 - Enska borgarastyrjöldin hófst með því að Karl 1. Englandskonungur reyndi að láta handtaka fimm þingmenn.
• 1698 - Whitehall-höll í Englandi eyðilagðist í eldi.
• 1896 - Utah var tekið inn sem 45. fylki Bandaríkjanna.
• 1917 - Fyrsta íslenska ráðuneytið undir forsæti Jóns Magnússonar tók til starfa.
• 1951 - Kóreustríðið: Kínverjar og Norður-Kóreumenn hertóku Seúl.
• 1958 - Edmund Hillary náði á Suðurpólinn.
• 1960 - Fríverslunarsamtök Evrópu voru stofnuð í Stokkhólmi.
• 1979 - Deng Xiaoping hélt í opinbera heimsókn til Bandaríkjanna.
• 1982 - Ítalski útgefandinn Mondadori stofnaði sjónvarpsstöð á landsvísu, Rete 4, með sameiningu 22 héraðsstöðva.
• 1984 - Minnst 100 létust í árásum Ísraelshers á skotmörk í Baalbek í austurhluta Líbanon.
• 1985 - Kaffibaunamálið komst í hámæli þegar Helgarpósturinn greindi frá rannsókn skattrannsóknarstjóra á kaupum SÍS á kaffibaunum frá Brasilíu.
• 1987 - 16 létust þegar lest frá Amtrak rakst á lest frá Conrail við Chase í Maryland.
• 1989 - Annað Sídraflóaatvikið: Tvær líbýskar herþotur voru skotnar niður af bandarískum Grumman F-14 Tomcat-herþotum.
• 1990 - Hundruð létust þegar tvær lestar skullu saman í Sangi í Pakistan.
• 1991 - Öryggisráð Sameinuðu þjóðanna fordæmdi meðferð Ísraela á Palestínumönnum.
• 1994 - Mikill samdráttur varð í herstöðinni á Keflavíkurflugvelli. F-15 orrustuþotum var fækkað úr 12 í 4, hlustunar- og miðunarstöð lokað og hermönnum fækkað um tæplega 400 í áföngum.
• 1998 - Ramka-fjöldamorðin: Yfir 170 voru myrt í þremur þorpum í Alsír.
• 1999 - Byssumenn skutu á hóp sjíamúslima í Íslamabad í Pakistan, myrtu 16 og særðu 25.
• 2000 - 19 létust í Åsta-lestarslysinu í Noregi.

• 2004 - Spirit, könnunarfar NASA lenti á Mars klukkan 04:35 UTC.
• 2004 - Mikheil Saakasjvílí sigraði forsetakosningar í Georgíu.
• 2006 - Ariel Sharon, forsætisráðherra Ísraels var lagður inn á sjúkrahús með alvarlegar heilablæðingar. Ehud Olmert varaforsætisráðherra tók tímabundið við völdum.
• 2008 - Dakarrallinu var aflýst vegna óróleika í Máritaníu.
• 2010 - Skýjakljúfurinn Burj Khalifa í Dúbæ, Sameinuðu arabísku furstadæmunum var vígður við hátíðlega athöfn.
• 2011 - Arabíska vorið: Götusalinn Mohamed Bouazizi lést eftir að hafa kveikt í sér til að mótmæla framferði stjórnvalda í Túnis.
• 2016 - Vegna evrópska flóttamannavandans var flutningstrygging tekin upp fyrir fólksflutninga milli Danmerkur og Svíþjóðar.
• 2021 - Breskur dómstóll hafnaði framsalskröfu Bandaríkjanna á hendur Julian Assange.
• 2021 - Landamæri Sádi-Arabíu og Katar voru opnuð á ný.

Fædd

• 1209 - Ríkharður jarl af Cornwall, sonur Jóhanns konungs, kjörinn konungur Þýskalands 1256 (d. 1272).
• 1334 - Amadeus 4. af Savoja (d. 1383).
• 1643 - Isaac Newton, enskur vísindamaður (d. 1727).
• 1664 - Lars Roberg, sænskur læknir (d. 1742).
• 1720 - Johann Friedrich Agricola, þýskt tónskáld (d. 1774).
• 1896 - Magnús Guðbrandsson, íslenskur knattspyrnumaður (d. 1991).
• 1897 - Árni Pálsson, íslenskur verkfræðingur (d. 1970).
• 1932 - Carlos Saura, spænskur leikstjóri.
• 1940 - Gao Xingjian, kínverskur rithöfundur.
• 1951 - Kjartan Gunnarsson, íslenskur lögfræðingur.
• 1960 - Michael Stipe, bandarískur söngvari.
• 1961 - Kiyotaka Matsui, japanskur knattspyrnumaður.
• 1964 - Budimir Vujačić, júgóslavneskur knattspyrnumaður.
• 1980 - Greg Cipes, bandarískur leikari.

Dáin

• 1656 - Þorlákur Skúlason, Hólabiskup (f. 1597).
• 1761 - Stephen Hales, enskur vísindamaður (f. 1677).
• 1883 - Jón Jónsson landritari, íslenskur stjórnmálamaður (f. 1841).
• 1891 - Konráð Gíslason, málfræðingur og einn Fjölnismanna (f. 1808).
• 1920 - Benito Pérez Galdós, spænskur rithöfundur og leikskáld (f. 1843).
• 1941 - Henri Bergson, franskur heimspekingur (f. 1859).
• 1952 - Loftur Guðmundsson, ljósmyndari og kvikmyndagerðarmaður (f. 1892).
• 1960 - Albert Camus, franskur rithöfundur (f. 1913).
• 1961 - Erwin Schrödinger, austurrískur eðlisfræðingur (f. 1887).
• 1968 - Jón Helgason, stórkaupmaður og glímukappi (f. 1884).
• 1986 - Phil Lynott, enskur söngvari (f. 1949).
• 2006 - Maktoum bin Rashid Al Maktoum, fursti í Dúbæ (f. 1943).
• 2011 - Gerry Rafferty, skoskur tónlistarmaður (f. 1947).