13. janúar

13. janúar er 13. dagur ársins samkvæmt gregoríska tímatalinu. 352 dagar (353 á hlaupári) eru eftir af árinu.

Atburðir

• 532 - Nika-óeirðirnar í Konstantínópel áttu sér stað.
• 1177 - Leópold 5. varð hertogi af Austurríki.
• 1229 - Sauðafellsför, synir Þorvalds Vatnsfirðings drápu fimm og særðu 12.
• 1234 - Órækja Snorrason drap Odd Álason á Eyri við Arnarfjörð.
• 1607 - Genúabanki varð gjaldþrota eftir að spænska ríkið lýsti sig gjaldþrota.
• 1610 - Galileo Galilei uppgötvaði Ganýmedes.
• 1631 - Þrjátíu ára stríðið: Svíar sömdu um að fá 400 þúsund ríkisdali árlega frá Frakklandi gegn því að nota 36 þúsund manna herlið í Þýskalandi.
• 1666 - Franski ferðalangurinn Jean-Baptiste Tavernier kom til Dakka í Bengal og hitti Shaista Khan.
• 1759 - Tavora-fjölskyldan í Portúgal tekin af lífi fyrir meint samsæri og banatilræði gegn Jóhanni 1. Portúgalskonungi. Lífi flestra kvenna og barna var þó þyrmt.
• 1830 - Venesúela lýsti yfir sjálfstæði frá Stór-Kólumbíu.
• 1923 - Fárviðri braut 50–60 m skarð í Örfiriseyjagarðinn, aðalhafnargarð Reykjavíkur.
• 1930 - Fyrsta myndasagan um Mikka mús kom út.
• 1940 - Sölufélag Garðyrkjumanna var stofnað á fundi á Hótel Borg.
• 1949 - Frumsýnd var kvikmyndin Milli fjalls og fjöru eftir Loft Guðmundsson, fyrsta íslenska litmyndin með tali og í fullri lengd.
• 1953 - Josip Broz Tito var kosinn forseti Júgóslavíu.
• 1957 - Fyrirtækið Wham-O framleiddi fyrsta frisbídiskinn.
• 1975 - Guðmundur Sigurjónsson varð stórmeistari í skák, 27 ára.
• 1975 - Stórtjón varð í bruna á Reykjavíkurflugvelli er flugskýli og fleiri byggingar brunnu.
• 1976 - Mikill jarðskjálfti, 6,5 stig á Richter, varð í grennd við Kópasker og olli miklu tjóni.
• 1982 - Air Florida-flug 90 rakst á brú skömmu eftir flugtak í Washington-borg og hrapaði í ána Potomac. 80 létust.
• 1985 - 418 létust og 559 særðust í einu mannskæðasta lestarslysi sögunnar við Awash í Eþíópíu.
• 1986 - Borgarastyrjöldin í Suður-Jemen hófst.
• 1988 - Forseti Tævan, Chiang Ching-kuo, lést og varaforsetinn, Lee Teng-hui, tók við.
• 1988 - Kalksteinsdrangurinn Sommerspiret á Møns Klint í Danmörku hrundi í hafið.
• 1990 - 132 Armenar létu lífið í þjóðernisofsóknum í Bakú í Aserbaísjan.
• 1990 - Fyrsta díselknúna IC3-lestin var tekin í notkun í Kaupmannahöfn.
• 1991 - Sovéskar sveitir réðust á höfuðstöðvar litháíska sjónvarpsins í Vilnius og felldu fjórtán óbreytta borgara en yfir 160 særðust.
• 1993 - Samningurinn um Evrópskt efnahagssvæði (EES) var staðfestur á Alþingi.
• 1998 - Alfredo Ormando kveikti í sér á torginu við Péturskirkjuna í Róm í mótmælaskyni við afstöðu kirkjunnar til samkynhneigðar.

• 2001 - 800 létust þegar jarðskjálfti reið yfir El Salvador.
• 2002 - Forseti Bandaríkjanna, George W. Bush, féll í yfirlið eftir að saltkringla stóð í honum.
• 2005 - Myndir af Harry Bretaprins klæddum í nasistabúning á grímuballi voru fordæmdar.
• 2007 - Gríska skipið Server brotnaði í tvennt úti fyrir strönd Noregs. Um 200 tonn af hráolíu láku í sjóinn.
• 2009 - Ólafur Þór Hauksson var ráðinn sérstakur saksóknari.
• 2012 - Ítalska skemmtiferðaskipið Costa Concordia strandaði við eyjuna Giglio og sökk vegna aðgæsluleysis skipstjóra. 32 farþegar létust.
• 2018 - Naqeebullah Mehsud var myrtur af lögreglumönnum í Karachi í Pakistan. Morðið leiddi til víðtækra mótmæla gegn því að lögregla dræpi fólk án dóms og laga.
• 2021 - Guðmundur Felix Grétarsson fékk græddar hendur á sig í Frakklandi, 23 árum eftir slys þar sem hann missti báðar hendur.

Fædd

• 1334 - Hinrik 2. Kastilíukonungur (d. 1379).
• 1400 - Jóhann prins af Portúgal (d. 1442).
• 1599 - Alexander 7. páfi (d. 1667).
• 1615 - Henrik Bjelke, norskur aðalsmaður (d. 1683).
• 1698 - Metastasio, ítalskt skáld (d. 1782).
• 1797 - Magnús Stephensen, íslenskur sýslumaður (d. 1866).
• 1832 - Horatio Alger, yngri, bandarískur stjórnmálamaður og rithöfundur (d. 1899).
• 1881 - Sigvaldi Kaldalóns, íslenskt tónskáld (d. 1946).
• 1887 - Holger Cahill, vesturíslenskur listfræðingur (d. 1960).
• 1900 - Jean Doisy, belgískur myndasöguhöfundur (d. 1955).
• 1903 - Hannibal Valdimarsson, íslenskur stjórnmálamaður (d. 1991).
• 1914 - Jijé, belgískur myndasöguhöfundur (d. 1980).
• 1924 - Paul Feyerabend, austurrískur heimspekingur (d. 1994).
• 1947 - Carles Rexach, spænskur knattspyrnumaður.
• 1950 - Valgerður Bjarnadóttir, íslenskur stjórnmálamaður.
• 1951 - Kim Manners, bandarískur framleiðandi (d. 2009).
• 1953 - Magnea J. Matthíasdóttir, íslenskur rithöfundur.
• 1955 - Halldór J. Kristjánsson, íslenskur bankastjóri.
• 1959 - Gilmar Rinaldi, brasilískur knattspyrnumaður.
• 1961 - Julia Louis-Dreyfus, bandarísk leikkona.
• 1969 - Jon Julius Sandal, norsk-íslenskur stjórnmálamaður.
• 1975 - Daniel Kehlmann, þýskur rithöfundur.
• 1976 - Magno Alves, brasilískur knattspyrnumaður.
• 1977 - Orlando Bloom, enskur leikari.
• 1978 - Paulo César Tinga, brasilískur knattspyrnumaður.
• 1980 - Akira Kaji, japanskur knattspyrnumaður.
• 1983 - William Hung, söngvari upphaflega frá Hong Kong.
• 1990 - Liam Hemsworth, ástralskur leikari.
• 1996 - Aníta Hinriksdóttir, íslensk frjálsíþróttakona.

Dáin

• 86 f.Kr. - Maríus, rómverskur ræðismaður (f. 157 f.Kr.).
• 858 - Aðalúlfur, konungur af Wessex.
• 1234 - Oddur Álason, íslenskur höfðingi.
• 1766 - Friðrik 5. Danakonungur (f. 1723).
• 1916 - Victoriano Huerta, forseti Mexíkó (f. 1850).
• 1941 - James Joyce, írskur rithöfundur (f. 1882).
• 1978 - Hubert Humphrey, bandarískur stjórnmálamaður (f. 1911).
• 1984 - Magnús Jónsson, íslenskur stjórnmálamaður (f. 1919).
• 2002 - Pierre Joubert, franskur bókaskreytingamaður (f. 1910).
• 2004 - Arne Næss yngri, norskur fjallgöngugarpur og viðskiptajöfur (f. 1937).
• 2004 - Harold Shipman, breskur raðmorðingi (f. 1946).