25. júní

25. júní er 176. dagur ársins (177. á hlaupári) samkvæmt gregoríska tímatalinu. 189 dagar eru eftir af árinu.

Atburðir

• 253 - Lúsíus varð páfi.
• 1134 - Eiríkur eymuni varð konungur Danmerkur.
• 1243 - Innosentíus 4. (Sinibaldo Fieschi) varð páfi en þá hafði verið páfalaust í hálft annað ár frá því Selestínus 4. dó.
• 1244 - Flóabardagi var háður á Húnaflóa. Þar börðust Þórður kakali og Kolbeinn ungi Arnórsson, aðallega með grjóti.
• 1533 - Karli 5. keisara var afhent Ágsborgarjátningin.
• 1608 - Rúdolf keisari neyddist til að láta Matthíasi bróður sínum eftir Ungverjaland, Austurríki og Moravíu.
• 1630 - Gústaf Adolf 2. steig á land með lið sitt í Rügen til að taka þátt í Þrjátíu ára stríðinu.
• 1632 - Fasilides gerði eþíópísku kirkjuna aftur að þjóðkirkju.
• 1646 - Enska borgarastyrjöldin: New Model Army lagði Oxford undir sig.
• 1667 - Kristján 5. konungur Danmerkur kvæntist Charlotte Amalie af Hessen-Kassel.
• 1809 - Trampe greifi var tekinn höndum í Reykjavík af Samuel Phelps og Jörundi.
• 1876 - Orrustan við Little Bighorn átti sér stað. Custer hershöfðingi féll og 300 manna lið hans var strádrepið í bardaga við 5000 stríðsmenn Indíána undir stjórn Sitting Bull og Crazy Horse.
• 1886 - Stórstúka Íslands var stofnuð.
• 1891 - Sögupersónan Sherlock Holmes kom fram í fyrsta sinn í sögu í The Strand Magazine.
• 1950 - Kóreustríðið braust út.
• 1975 - Mósambík lýsti yfir stofnun sjálfstæðs ríkis.
• 1978 - Alþingiskosningar voru haldnar á Íslandi.
• 1978 - Heimsmeistaramót landsliða í knattspyrnu karla 1978: Argentína varð heimsbikarmeistari eftir 3-1 sigur á Hollendingum.
• 1980 - Múslimska bræðralagið gerði misheppnaða tilraun til að ráða forseta Sýrlands, Hafez al-Assad, af dögum.
• 1984 - Flokkur mannsins var stofnaður á Íslandi.
• 1988 - Evrópukeppnin í knattspyrnu 1988: Holland sigraði Sovétríkin 2-0 í úrslitaleik.
• 1991 - Slóvenía og Króatía lýstu yfir sjálfstæði frá Júgóslavíu sem leiddi til Tíu daga stríðsins.
• 1992 - Svartahafsráðið var stofnað.
• 1993 - Kim Campbell varð fyrsti kvenkyns forsætisráðherra Kanada.
• 1994 - Aðildarsamningar Austurríkis, Svíþjóðar, Finnlands og Noregs að Evrópusambandinu voru undirritaðir.
• 1996 - Bandaríska kvikmyndin Head Above Water var frumsýnd.
• 1996 - 19 bandarískir hermenn létust í sprengingu í Khobar í Sádí-Arabíu.
• 1997 - Eldfjallið Soufrière Hills gaus á Montserrat.

• 1997 - Ómannað Progressgeimfar rakst á geimstöðina Mír.
• 1998 - Windows 98 kom út.
• 1999 - Domus Aurea, höll Nerós í Róm, var opnuð almenningi eftir langvinnar viðgerðir.
• 2007 - Hitabylgjan í Evrópu 2007: Hitamet var slegið á Ítalíu þegar hiti mældist 47 gráður í Foggia.
• 2009 - Stöðugleikasáttmálinn var undirritaður í Þjóðmenningarhúsinu.
• 2015 - Blóðbaðið í Kobanî: Yfir 220 manns létust þegar ISIL-liðar sprengdu þrjár bílasprengjur í bænum Kobanî í Sýrlandi.
• 2016 - Guðni Th. Jóhannesson sagnfræðingur var kjörinn forseti Íslands.

Fædd

• 1849 - Gustaf Cederschiöld, sænskur miðaldafræðingur (d. 1928).
• 1852 - Antoni Gaudí, spænskur arkitekt (d. 1926).
• 1864 - Walther Nernst, þýskur efnafræðingur og Nóbelsverðlaunahafi (d. 1941).
• 1866 - Arinbjörn Sveinbjarnarson, bókbindari og bæjarfulltrúi (d. 1932).
• 1900 - Louis Mountbatten, jarl og landstjóri Indlands (d. 1979).
• 1903 - George Orwell, enskur rithöfundur (d. 1950).
• 1905 - María Markan, íslensk óperusöngkona (d. 1995).
• 1907 - J. Hans D. Jensen, þýskur eðlisfræðingur og Nóbelsverðlaunahafi (d. 1973).
• 1908 - Willard Van Orman Quine, bandarískur heimspekingur (d. 2000).
• 1911 - William Howard Stein, bandarískur efnafræðingur og Nóbelsverðlaunahafi (d. 1980).
• 1928 - Alexei Alexeyevich Abrikosov, rússneskur eðlisfræðingur og Nóbelsverðlaunahafi (d. 2017).
• 1928 - Peyo, belgískur teiknimyndasöguhöfundur (d. 1992).
• 1928 - Seki Matsunaga, japanskur knattspyrnumaður (d. 2013).
• 1940 - Shozo Tsugitani, japanskur knattspyrnumaður (d. 1978).
• 1945 - Carly Simon, bandarísk söngkona og lagahöfundur.
• 1946 - Roméo Dallaire, kanadískur hershöfðingi.
• 1949 - Brigitte Bierlein, austurrískur dómari og kanslari.
• 1954 - Sonia Sotomayor, bandarískur dómari.
• 1956 - Anthony Bourdain, bandarískur sjónvarpskokkur og rithöfundur (d. 2018).
• 1961 - Ricky Gervais, enskur gamanleikari og rithöfundur.
• 1963 - Yann Martel, kanadískur rithöfundur.
• 1963 - George Michael, breskur söngvari og lagahöfundur (d. 2016).
• 1968 - Sigursteinn Gíslason, íslenskur knattspyrnuþjálfari. (d. 2012).
• 1969 - Yasuto Honda, japanskur knattspyrnumaður.
• 1973 - Guðmundur Ingi Þorvaldsson, íslenskur leikari.
• 1975 - Vladimir Kramnik, rússneskur skákmeistari.

Dáin

• 1134 - Níels Danakonungur (f. um 1064).
• 1533 - María Tudor, Frakklandsdrottning, kona Loðvíks 12. (f. 1496)
• 1634 - John Marston, enskt leikskáld (f. 1576)..
• 1638 - Juan Pérez de Montalbán, spænskur rithöfundur (f. 1602).
• 1822 - E. T. A. Hoffmann, þýskur rithöfundur (f. 1776).
• 1876 - George Armstrong Custer, bandarískur herforingi (f. 1839).
• 1894 - Marie François Sadi Carnot, forseti Frakklands (f. 1837)
• 1898 - Ferdinand Cohn, þýskur örverufræðingur (f. 1828).
• 1979 - Þórarinn Guðmundsson, íslenskt tónskáld (f. 1896).
• 1983 - Oddbjørn Hagen, norskur skíðamaður (f. 1908).
• 1984 - Michel Foucault, franskur heimspekingur (f. 1926).
• 1988 - Svavar Guðnason, íslenskur listmálari (f. 1909).
• 2009 - Michael Jackson, bandarískur tónlistarmaður (f. 1958).
• 2009 - Farrah Fawcett, bandarísk leikkona (f. 1947)