Enron

Enron Corporation
Rekstrarform	Hlutafélag
Stofnað	1985 (Omaha, Nebraska)
Stofnandi	Kenneth Lay
Örlög	Gjaldþrota
Staðsetning	Houston, Texas
Starfsemi	Hrávörumiðlun og orkusala
Starfsfólk	20.000 (árið 2000)

Enron Corporation var bandarískt orku-, hrávöru- og þjónustufyrirtæki með aðsetur í Houston, Texas. Það var stofnað af Kenneth Lay árið 1985 við samruna fyrirtækjanna Lay's Houston Natural Gas og InterNorth, tveggja tiltölulega lítilla raforku- og gassölufyrirtækja. Fyrir gjaldþrot fyrirtækisins þann 2. desember 2001 störfuðu um 20.000 manns hjá Enron, sem var m.a stórtækt á sviði raforku- og jarðgassölu, fjarskipta og hrávörumiðlunar.

Enron-Skandallinn

Í lok árs 2001 kom í ljós að stjórnendur Enron höfðu stundað stórfelld bókhaldssvik í þeim tilgangi að blása upp hlutabréfaverð fyrirtækisins. Fyrirtækið fór að lokum fram á gjaldþrotaskipti, sem leiddi til þess að þúsundir starfa töpuðust ásamt því að fjöldi fjárfesta tapaði milljörðum dollara. Bókhaldsvikin voru með þeim stærstu í sögunni og hafa í seinni tíð verið nefnd Enron-skandallinn, en þau voru sögð hafa verið stofnanavædd, kerfisbundin og vel skipulögð.