1588

Ár

1585 1586 1587 – 1588 – 1589 1590 1591

Áratugir

1571–1580 – 1581–1590 – 1591–1600

Aldir

15. öldin – 16. öldin – 17. öldin

Árið 1588 (MDLXXXVIII í rómverskum tölum)

Á Íslandi

Oddur Einarsson varð Skálholtsbiskup.
Arngrímur Jónsson lærði varð skólameistari í Hólaskóla.
Lauritz Tygesen Kruse varð höfuðsmaður á Íslandi.
Vermenn á leið yfir Tvídægru lentu í hrakningum og dóu þrettán, en margir kólu og örkumluðust á höndum og fótum, að því er segir í Skarðsárannál.

Fædd

Jón Sigurðsson, skólameistari í Skálholtsskóla og prestur á Breiðabólstað (d. 1640).

Dáin

Erlendis

24. janúar - Orrustan við Pitchen: Herir Austurríkis og Pólsk-litáska samveldins börðust. Maximilian 3. erkihertogi var tekinn höndum eftir uppjöf Austurríkismanna.
4. apríl - Kristján 4. varð konungur Danmerkur, 11 ára gamall, eftir lát föður síns Friðriks 2.
12. maí - Hinrik hertogi af Guise tók völdin í París og Hinrik 3. konungur neyddist til að flýja borgina.
28. maí - Flotinn ósigrandi hélt af stað úr höfnum á Spáni og tók stefnu á Ermarsund. Í flotanum voru 130 herskip og á þeim 30.000 menn. Það tók flotann þrjá daga að láta úr höfn vegna þess hve skipin voru mörg.
Júlí - Hinrik 3. Frakkakonungur lét undan kröfum hertogans af Guise og fékk að snúa sftur til Parísar.
31. júlí - Englendingar undir forystu Howards lávarðar og Francis Drake unnu sigur á Flotanum ósigrandi. Flotinn flýði um tveimur vikum síðar og lenti þá í óveðri og missti mörg skip.
29. ágúst - Toyotomi Hideyoshi, stríðsherra í Japan gaf út skipun um að gera upptæk sverð allra andstæðinga sinna.
9. september - Englendingurinn Thomas Cavendish lauk hringferð um heiminn og var 781 daga í förinni. Hann sló þar með met Francis Drake.
13. nóvember - Hollendingar og Englendingar náðu spænska virkinu Bergen op Zoom í Spænsku Niðurlöndum eftir 41 daga umsátur.
23. desember - Hinrik 3. Frakkakonungur réðist til atlögu gegn leiðtogum Kaþólska bandalagsins, hertoganum af Guise og kardínálanum bróður hans, og lét drepa þá.

Fædd

8. apríl - Thomas Hobbes, enskur heimspekingur (d. 1679).
13. maí - Ole Worm, danskur læknir og fornfræðingur (d. 1654).
8. september – Marin Mersenne, franskur munkur, stærðfræðingur og heimspekingur (d. 1648).
Sacharias Jansen, hollenskur sjóntækjafræðingur (d. 1628).
Thomas Ravenscroft, enskt tónskáld og þjóðlagasafnari (d. 1635).

Dáin

4. apríl - Friðrik 2. Danakonungur (f. 1534).
8. júní - Mimar Sinan, arkitekt og verkfræðingur Ottómanveldisins (f. 1490)