Nagornó-Karabak
Nagornó-Karabak er landlukt hérað í Suður-Kákasus sem nær yfir suðausturhluta Minni Kákasusfjalla. Héraðið er fjalllent og skóglent. Bein þýðing á nafninu væri hinir fjalllendu svartgarðar þar sem 'nagornó' er leitt af rússneska lýsingarorðinu 'nagorní' sem þýðir fjalllent, og karabak er leitt af kara (svart) og bak (garður). Héraðið er allt innan landamæra Aserbaídsjan en stærsti hluti þess er í raun og reynd sjálfstætt ríki sem kallast Lýðveldið Nagornó-Karabak (Artsak-lýðveldið), en án almennrar alþjóðlegrar viðurkenningar. Mörk héraðsins miðast venjulega við mörg sjálfstjórnarhéraðsins Nagornó-Karabak innan Sovétríkjanna sem var 4.400 ferkílómetrar að stærð, en sögulega héraðið náði yfir um 8.223 ferkílómetra.
