Harry Kane
| Harry Kane | ||
| ||
| Upplýsingar | ||
|---|---|---|
| Fullt nafn | Harry Edward Kane | |
| Fæðingardagur | 28. júlí 1993 | |
| Fæðingarstaður | Walthamstow, England | |
| Hæð | 1,88 m | |
| Leikstaða | Sóknarmaður | |
| Núverandi lið | ||
| Núverandi lið | Bayern München | |
| Númer | 10 | |
| Yngriflokkaferill | ||
| 1999-2009 | Ridgeway Rovers , Arsenal, Watford F.C. og Tottenham Hotspur | |
| Meistaraflokksferill1 | ||
| Ár | Lið | Leikir (mörk) |
| 2009-2023 | Tottenham Hotspur | 317 (213) |
| 2011 | → Leyton Orient (lán) | 18 (5) |
| 2012 | → Millwall F.C. (lán) | 22 (7) |
| 2012-2013 | → Norwich City (lán) | 3 (0) |
| 2013 | → Leicester City (lán) | 13 (2) |
| 2023- | Bayern München | 11 (17) |
| Landsliðsferill2 | ||
| 2010 2010-2012 2013 2013-2015 2015- |
England U17 England U19 England U20 England U21 England |
3 (2) 14 (6) 3 (1) 14 (8) 86 (59) |
|
1 Leikir með meistaraflokkum og mörk | ||
Harry Edward Kane (fæddur 28. júlí 1993) er enskur knattspyrnumaður sem spilar sem framherji fyrir Bayern München og enska landsliðið. Hann er 2. hæsti markaskorari ensku úrvalsdeildarinnar frá upphafi og sá markahæsti með landsliðinu. Kane hefur skorað um 400 mörk í öllum keppnum í efstu stigum knattspyrnu og flest mörk fyrir sama úrvalsdeildarlið á Englandi.
Tottenham Hotspur[breyta | breyta frumkóða]
Kane hóf að leika með aðalliði Tottenham árið 2011 en var þá ekki orðinn fastamaður og var lánaður til ýmissa liða (Leyton Orient, Millwall, Leicester City og Norwich City). Tímabilið 2014–15 var hann orðinn fastamaður í Tottenham og skoraði 21 mark í deildinni og alls 31 mark á tímabilinu. Tímabilin 2015–16, 2016–17 og 2020-2021 (og stoðsendingahæstur) varð Kane markakóngur úrvalsdeildarinnar.
Árið 2017 sló hann 22 ára gamalt met Alan Shearer yfir mörk skoruð á einu ári og í byrjun árs 2018 náði hann þeim áfanga að skora 100 mörk í úrvalsdeildinni. Hann sló einnig met sitt yfir mörk skoruð á einu tímabil; 30 mörk (Mohamed Salah varð hins vegar markakóngur með 32 mörk).
Í byrjun tímabils 2020 lagði Kane upp 4 mörk á Son Heung-min í leik gegn Southampton sem er met í úrvalsdeildinni. Samspil þeirra tveggja hefur skilað um 40 mörkum og slógu þeir met Frank Lampard og Didier Drogba árið 2022.
Í maí 2021 lýsti Kane því yfir að hann vildi yfirgefa Spurs eftir tímabilið sem var að ljúka. Líkleg félög til að kaupa Kane voru Manchester City, Chelsea og Manchester United. Kane ákvað að lokum að halda kyrru hjá Spurs.
Kane varð markahæsti leikmaður Spurs þegar hann skoraði sitt 200. mark í úrvalsdeildinni í febrúar 2023.
Bayern München[breyta | breyta frumkóða]
Í byrjun ágúst 2023 bárust fréttir þess efnis að Kane væri á leiðinni til þýsku meistaranna en félagið gerði a.m.k. fjögur tilboð í Kane en Spurs samþykktu loks 100 milljón evrur fyrir hann. [1] Hann gerði 5 ára samning við félagið. [2]
Kane byrjaði vel og skoraði 7 mörk í fyrstu 5 leikjunum, þar á meðal þrennu í 7-0 sigri gegn Bochum. Hann setti met þegar hann skoraði 17 mörk í fyrstu 11 deildarleikjum sínu og bætti met Robert Lewandowski. [3]
Landsliðsferill[breyta | breyta frumkóða]
Kane hefur spilað með aðallandsliðinu síðan 2015. Hann varð markakóngur á HM 2018 með alls 6 mörk. Hann skoraði 3 mörk úr vítaspyrnum og þrennu í leik gegn Panama. Kane sló met í nóvember 2019 þegar hann skoraði þrennu tvo leiki í röð á Wembley. [4] Auk þess skoraði hann í öllum átta leikjum undankeppni EM 2020 og varð markahæstur með 12 mörk.
Sumarið 2022 skoraði Kane 50. landsliðsmark sitt í 1-1 jafntefli gegn Þýskalandi í Þjóðadeildinni.
Árið 2023 varð hann markahæsti landsliðsmaður Englands þegar hann tók fram úr Wayne Rooney.
Tilvísanir[breyta | breyta frumkóða]
- ↑ BBC News - Harry Kane to Bayern Munich: Tottenham and England striker to have medical BBC, 11/8 2023
- ↑ BBC News - Harry Kane joins Bayern Munich ending record-breaking Tottenham career BBC, 12/8 2023
- ↑ Harry Kane breaks 11 game Bundesliga record with BBC, sótt 12/11 2023
- ↑ Kane í sögubækurnar Mbl.is, skoðað 15. nóv, 2019.