Ágústa Eva Erlendsdóttir

Ágústa Eva Erlendsdóttir
Fædd	28. júlí 1982 (1982-07-28)
Störf	Leikari söngvari
Þekkt fyrir	Silvíu Nótt

Ágústa Eva Erlendsdóttir (f. 28. júlí 1982) er íslensk söng- og leikkona. Hún er þekktust fyrir hlutverk sitt sem Silvía Nótt og sem söngkona hljómsveitarinnar Ske.

Ágústa er næstyngst fimm systkina. Hún ólst upp í Hveragerði en flutti á unglingsárunum til Hafnarfjarðar og gekk í Víðistaðaskóla. Hún hóf nám við Menntaskólann í Kópavogi en lauk ekki námi. Hún var virk í leiklist og söng, enda eru það hennar helstu áhugamál. Hún hefur líka fengist við það að teikna.

Ágústa var söngkona í rapphljómsveitinni Kritikal Mazz sem gaf út samnefnda plötu árið 2002. Platan fékk tilnefningu sem besta íslenska hiphop platan á Tónlistarverðlaunum Radio X og Undirtóna. Trausti Júlíusson gagnrýnandi í Fókus sagði plötuna vera eina bestu hiphop plötuna sem komið hefði út á Íslandi.

Ágústa tók þátt í leiksýningum hjá Leikfélagi Kópavogs, til dæmis Memento Mori. Árið 2004 lék hún í Hárinu. Leikstjóri verksins var Rúnar Freyr Gíslason og tónlistarstjóri Þorvaldur Bjarni Þorvaldsson. Í hlutverki Bergers var Björn Thors.

Árið 2005 hlaut Ágústa og/eða Silvía Nótt, tvær Eddur á Edduverðlaununum. Silvía var valin sjónvarpsmaður ársins og þátturinn hennar Sjáumst með Silvíu Nótt var valinn skemmtiþáttur ársins. Ári seinna, það er að segja 2006, lék hún í bíómyndinni Mýrinni sem gerð var eftir samnefndri bók eftir Arnald Indriðason. Hún lék dóttur Erlends, Evu Lind sem er fíkniefnaneytandi.

Árið 2008 tók hún þátt í undirbúningi að þróun skemmtiþáttarins Svalbarða, sem er þáttur í stjórn Þorsteins Guðmundssonar. Í þættinum er hún söngkona hljómsveitarinnar sem leikur tónlist milli atriða. Skrifar innslög sem og að leika í þeim sjálf með Þorsteini.

Árið 2009 lék hún Bjarnfreði í kvikmyndinni Bjarnfreðarson í leikstjórn Ragnars Bragasonar. Hún leikur einnig Margreti í kvikmynd Ólafs De fleur í framleiðslu Popoli, Laxdæla Lárusar.

Ágústa er í hljómsveitinni Sycamore Tree

Ferill í kvikmyndum og sjónvarpsþáttum

Ár	Kvikmynd/Þáttur	Hlutverk	Athugasemdir og verðlaun
2005	Sjáumst með Silvíu Nótt	Silvía Nótt	15 þættir - Edduverðlaun
2006	Mýrin	Eva Lind
2007	The Silvia Night Show	Silvía Nótt
2008	Sveitabrúðkaup	Auður
2009	Epic Fail	Sigga	stuttmynd
	Góða ferð		stuttmynd
	Bjarnfreðarson	Bjarnfreður Geirsdóttir
2011	Kurteist fólk	Margrét
	Borgríki	Andrea
2012	Ávaxtakarfan	Eva Appelsína
2013	Frosinn	Elsa
2019	Beforeigners	Urðr Sighvatsdóttir