Jón Arnar Magnússon
Jón Arnar Magnússon (fæddur 28. júlí 1969 í Gnúpverjahreppi, Árnessýslu[1]) er íslenskur fyrrverandi frjálsíþróttamaður. Hann er íslandsmethafi í 110 metra grindarhlaupi, langstökki, tugþraut og 300 metra hlaupi.[2]
Hans fyrsta keppni var unglingakeppni Frjálsíþróttasambandsins 1985 þar sem vann til verðlauna í öllum greinum nema einni.[1]
1988 hlaut hann 6975 stig á norðurlandameistaramótinu í Norrtälje í Svíþjóð og varð norðurlandameistari í tugþraut.[3] Ári síðar fékk hann fimm gullverðlaun í flokki 15-22 ára á íslandsmeistaramótinu í Reykjavík og á Laugarvatni.[4]
Hann keppti á meistaramótinu í frjálsum innanhúss í Reiðhöllinni 23. janúar 1989 en sat fastur deginum fyrir keppni á Hellisheiði vegna óveðurs. Hann sigraði í 50 metra hlaupi karla á mótinu.[5]
Á Norðurlandamótinu í tugþraut unglinga í Tårnby, Danmörku neyddist hann til að hætta keppni eftir að hann meiddist á ökkla í stangastökki.[6]
Hann fékk skólastyrk fyrir námi við háskólann í Monroe, Lusiana.[7] Í janúar 1993 skrifaði hann undir samning við Tindastól um að hann myndi æfa með félaginu næsta vor þegar hann myndi ljúka námi.[8]
Ólympíuleikarnir í Atlanta 1996 voru fyrstu ólympíuleikarnir sem hann tók þátt í. Þar fékk hann 8.274 stig og setti þarmeð íslandsmet í stigagjöf. Hann lenti í 12. sæti í tugþraut á mótinu.[9] Í kjölfarið fékk hann 80 þúsund krónur á mánuði í styrk frá frjálsíþróttasambandinu[10] og var kosinn íþróttamaður ársins í annað sinn í röð.[11]
2007 hætti hann keppni í frjálsíþróttum.
Tilvísanir
[breyta | breyta frumkóða]- ↑ 1,0 1,1 „Nær Jón Arnar 8000 stigum í sumar?“ Alþýðublaðið, 93. tölublað (26.06.1990), blaðsíða 6
- ↑ „Íslandsmet í Frjálsum íþróttum“ Geymt 25 mars 2013 í Wayback Machine, Frjálsíþróttasamband Íslands
- ↑ „Jón Arnar varð Norðurlandameistari” Morgunblaðið, Morgunblaðið B - Íþróttir (05.07.1988), Blaðsíða B 1
- ↑ „Jón Arnar Magnússon fékk fimm gullverðlaun” Morgunblaðið, 69. tölublað (23.03.1989), Blaðsíða 56
- ↑ „Pétur náði þriðja besta árangrinum” Dagblaðið Vísir - DV, 19. tölublað og DV íþróttir (23.01.1989), Blaðsíða 22
- ↑ „Jón Arnar varð að hætta keppni” Dagblaðið Vísir - DV, DV íþróttir (03.07.1989), Blaðsíða 19
- ↑ „Hefur aldrei æft skipulega” Tíminn, 176. Tölublað (07.09.1989), Blaðsíða 18
- ↑ „Jón Arnar til Tindastóls” Morgunblaðið, Morgunblaðið C - Íþróttir (05.01.1993), Blaðsíða C 1)
- ↑ „Frábær árangur hjá Jóni” Dagblaðið Vísir - DV, DV íþróttir (02.08.1996), Blaðsíða 46
- ↑ „Veitir 5,3 milljónir til íslenskra afreksmanna” Tíminn, 20. Tölublað (30.01.1996), Blaðsíða 9
- ↑ „Íþróttamaður ársins” Geymt 4 mars 2016 í Wayback Machine Samtök íþróttafréttamanna
