Jóhannes Jósefsson

Jóhannes Jósefsson eða Jóhannes á Borg (28. júlí 1883 – 5. október 1968) var íslenskur glímukappi, fæddur á Oddeyri (Akureyri), sem ferðaðist um alla Evrópu og Bandaríkin og sýndi glímu eftir aldamótin 1900. Hann tók þátt í Sumarólympíuleikunum 1908 þar sem hann keppti í grísk-rómverskri glímu fyrir hönd Danmerkur. Þar komst hann í undanúrslit en meiddist þar og gat því ekki glímt um verðlaun. Jóhannes hélt því alla tíð fram að hann hefði viðbeinsbrotnað í undanúrslitunum og það var endurómað í hinum ýmsu bókum í áratugi á eftir þar til útvarpsþátturinn „Mýtan um beinbrot Jóhannesar á Borg“ í júní árið 2025 sýndi fram á að Jóhannes hafi í raun og veru ekki brotið neitt bein þó hann hafi vissulega meiðst.

Árið 1930 lagði hann allt sitt fé í að reisa Hótel Borg í Reykjavík og rak það næstu þrjátíu árin, eða þar til hann settist í helgan stein árið 1960. Eftir að hann reisti hótelið var hann jafnan nefndur Jóhannes á Borg.

Jóhannes var tekinn inn í heiðurshöll ÍSÍ árið 2013.

Tenglar

• Þegar Jóhannes á Borg glímdi við Rússa; grein í Lesbók Morgunblaðsins 1943
• Íslensk glíma í erlendum blöðum; grein í Morgunblaðinu 1919
• íslenskur sirkuslistamadur bjargaði sóma lands og þjóðar (Lemúrinn)

  Þetta æviágrip er stubbur. Þú getur hjálpað til með því að bæta við greinina.