Ágsborgarjátningin

Ágsborgarjátningin, frá árinu 1530, er höfuðjátning lútherstrúarmanna og greinir lútherska trú frá kaþólskri. Hún er enn í dag opinber játning íslensku Þjóðkirkjunnar. Ágsborgarjátningin er margfalt viðameiri og ítarlegri en postullega trúarjátningin, níkeujátningin eða aþanasíusarjátningin, og er kaflaskipt. Fyrri hluti hennar er um „Höfuðtrúargreinarnar“: Um guð, erfðasyndina, guðsson, réttlætinguna, embætti kirkjunnar, hina nýju hlýðni, kirkjuna, hvað kirkjan sé, skírnina, máltíð Drottins, skriftirnar, yfirbótina, neyslu sakramentanna, hina kirkjulegu stétt, kirkjusiði, borgaraleg málefni, endurkomu Krists til dóms, frjálsræðið, orsök syndarinnar, trúna og góðu verkin og um dýrlingadýrkun. Síðari hlutinn er um „Greinar sem telja upp ósiði sem hefur verið breytt“: Um báðar tegundir, hjónaband presta, messuna, skriftirnar, greinarmun fæðu, klausturheit og kirkjuvaldið

Tenglar

Ágsborgarjátningin af vef Þjóðkirkjunnar