Brigitte Bierlein
| Brigitte Bierlein | |
|---|---|
.JPG) | |
| Kanslari Austurríkis | |
| Í embætti 3. júní 2019 – 7. janúar 2020 | |
| Forseti | Alexander Van der Bellen |
| Forveri | Sebastian Kurz |
| Eftirmaður | Sebastian Kurz |
| Forseti stjórnlagadómstóls Austurríkis | |
| Í embætti 22. febrúar 2018 – 3. júní 2019 | |
| Forveri | Gerhart Holzinger |
| Eftirmaður | Christoph Grabenwarter |
| Persónulegar upplýsingar | |
| Fædd | 25. júní 1949 Vín, Austurríki |
| Látin | 3. júní 2024 (74 ára) Vín, Austurríki |
| Þjóðerni | Austurrísk |
| Stjórnmálaflokkur | Óflokksbundin |
| Háskóli | Vínarháskóli |
| Starf | Dómari |
Brigitte Bierlein (25. júní 1949 – 3. júní 2024) var austurrískur dómari. Hún er fyrrum ríkissaksóknari við hæstarétt Austurríkis og var forseti stjórnlagadómstóls landsins frá 2018 til 2019.
Í lok maí árið 2019 skipaði Alexander Van der Bellen, forseti Austurríkis, Bierlein kanslara utanþingsstjórnar eftir að ríkisstjórn Sebastians Kurz sprakk í kjölfar hneykslismála. Áætlað var að hún yrði kanslari þar til nýjar kosningar voru haldnar í september.[1][2] Vegna langra stjórnarmyndunarviðræða gegndi hún embættinu fram í janúar 2020. Bierlein er fyrsta konan sem hefur orðið kanslari Austurríkis.[3]
Æviágrip
[breyta | breyta frumkóða]Bierlein gekk í skóla í Vín og útskrifaðist úr gagnfræðiskóla árið 1967. Hún nam lögfræði við Vínarháskóla og útskrifaðist með doktorsgráðu árið 1971.[1]
Starfsferill
[breyta | breyta frumkóða]Brigitte Bierlein tók dómarapróf árið 1975 og varð hverfisdómari í miðhluta Vínarborgar og við glæpadómstól borgarinnar. Frá 1977 var hún fylkissaksóknari, síðan starfsmaður í dómsmálaráðuneytinu og loks starfsmaður hjá ríkissaksóknara Vínarborgar. Frá árinu 1990 til 2002 var hún starfsmaður hjá skrifstofu saksóknara við hæstarétt landsins.[1]
Árið 2003 var Bierlein útnefnd varaforseti stjórnlagadómstóls Austurríkis og árið 2018 varð hún forseti hans. Hún var fyrsta konan til að gegna báðum embættunum.[1]
Þann 30. maí árið 2019 tilkynnti Alexander Van der Bellen, forseti Austurríkis, að hann hefði valið Bierlein til að leiða utanþingsstjórn. Van der Bellen kallaði stjórn hennar „traustsríkisstjórn“ (þýska: Vertrauensregierung) sem ætti að sitja fram að kosningum í september. Tilkynningin kom í kjölfar þess að stjórn Sebastians Kurz féll fyrir vantrauststillögu á austurríska þinginu. Kurz hafði þá slitið stjórnarsamstarfi sínu við austurríska Frelsisflokkinn og kallað til nýrra kosninga vegna myndbands sem birt var af Heinz-Christian Strache, formanni Frelsisflokksins, að lofa ríkisverkefnum í skiptum fyrir fjárstyrki árið 2017.[1][4] Van der Bellen hafði fengið samþykki flokksforingjanna Norberts Hofer, Pamelu Rendi-Wagner og Sebastians Kurz fyrir útnefningunni á Bierlein.[5]
Bierlein gegndi kanslaraembættinu þar til stjórnarmyndunarviðræðum lauk þann 7. janúar 2020 og Kurz varð aftur kanslari.[6]
Tilvísanir
[breyta | breyta frumkóða]- 1 2 3 4 5 „Brigitte BIERLEIN - Der Österreichische Verfassungsgerichtshof“. www.vfgh.gv.at. Sótt 3. júní 2019.
- ↑ „Bierlein wird Übergangskanzlerin“ (þýska). ORF at/Agenturen. 30. maí 2019. Sótt 30. maí 2019.
- ↑ „Bierlein kanslari Austurríkis, fyrst kvenna“. RÚV. 31. maí 2019. Sótt 3. júní 2019.
- ↑ „Strache-Video - Österreich: Was das Strache-Video so brisant macht - Politik“ (þýska). Süddeutsche.de. Sótt 3. júní 2019.
- ↑ „Nach Sturz von Sebastian Kurz: Brigitte Bierlein wird Österreichs neue Bundeskanzlerin“ (þýska). Sótt 3. júní 2019.
- ↑ „Stjórnarkreppa á enda í Austurríki“. mbl.is. 2. janúar 2020. Sótt 7. janúar 2020.
| Fyrirrennari: Sebastian Kurz |
|
Eftirmaður: Sebastian Kurz | |||
 Kanslarar Austurríkis | ||
|---|---|---|
| Fyrsta lýðveldið |  | |
| Annað lýðveldið |
| |
Bráðabirgðakanslarar eru skáletraðir | ||