13. ágúst

13. ágúst er 225. dagur ársins (226. á hlaupári) samkvæmt gregoríska tímatalinu. 140 dagar eru eftir af árinu.

Atburðir

• 523 - Jóhannes 1. varð páfi.
• 1315 - Loðvík 10. gekk að eiga Clemence d'Anjou.
• 1521 - Cuauhtémoc, síðasti keisari Asteka, gafst upp fyrir Hernán Cortés.
• 1607 - Enskir landnemar komu til Maine á skipinu Gift of God og stofnuðu þar skammlífa nýlendu í Fort St. George.
• 1621 - Svíar settust um Ríga.
• 1645 - Torstensonófriðnum lauk með friðarsamningum í Brömsebro.
• 1900 - Á Seyðisfirði var afhjúpaður minnisvarði um Ottó Wathne, en hann rak þar útgerð og verslun um langan aldur.
• 1908 - Tveir menn, Sigurður Sumarliðason, bóndi, og Hans Reck, þýskur jarðfræðingur, gengu fyrstir manna á Herðubreið, sem fram að því hafði verið talin ókleif.
• 1942 - Bandaríska teiknimyndin Bambi var frumsýnd.
• 1950 - Minningarhátíð var haldin á Hólum í Hjaltadal um Jón Arason biskup og tvo syni hans, Björn og Ara, 4 öldum eftir að þeir voru líflátnir í Skálholti. Minnismerki var vígt, en það er 27 metra hár klukkuturn.
• 1957 - Finnlandsforseti, Urho Kekkonen, fór í opinbera heimsókn til Íslands og renndi fyrir lax í Elliðaánum meðal annars.
• 1960 - Mið-Afríkulýðveldið fékk sjálfstæði frá Frakklandi.
• 1961 - Bygging Berlínarmúrsins hófst.
• 1966 - Kísiliðjan var stofnuð við Mývatn á Íslandi.
• 1987 - Verslunarmiðstöðin Kringlan var opnuð í Reykjavík, en hún var reist þar sem áður hét Kringlumýri. Um 40 þúsund manns komu þangað fyrsta daginn.
• 1992 - Fyrsta útibíó á Íslandi var í Borgarnesi, þar sem sýnd var kvikmyndin Grease. Áhorfendur voru um 600 talsins.
• 1993 - Yfir 130 létust þegar hótel hrundi í Nakhon Ratchasima í Taílandi.
• 1995 - Slysið á K2 1995: Sex fjallgöngumenn létust í stormi á niðurleið af tindi K2.
• 1996 - Könnunarfarið Galileo sendi frá sér gögn sem bentu til þess að vatn væri að finna á einu af tunglum Júpíters.
• 1996 - Belgíski barnaníðingurinn Marc Dutroux var handtekinn ásamt eiginkonu sinni og hjálparmanni.
• 1997 - Bandarísku teiknimyndaþættirnir South Park hófu göngu sína á Comedy Central.

• 2001 - Ohrid-samkomulagið var undirritað af albönskum uppreisnarmönnum og stjórnvöldum í Makedóníu.
• 2002 - Neyðarástandi var lýst yfir í Prag vegna verstu flóða í tvær aldir.
• 2004 - Björk Guðmundsdóttir söng á opnunarhátíð Ólympíuleikanna í Grikklandi.
• 2005 - Könnunarfarinu Mars Reconnaissance Orbiter var skotið á loft.
• 2006 - Öryggisráð Sameinuðu þjóðanna kom á vopnahléi í deilu skæruliðasamtakanna Hizbollah í Líbanon og Ísraelshers, sem stóð í einn mánuð.
• 2007 - 320 metra löng bílabrú í Kína hrundi með þeim afleiðingum að yfir 20 létust.
• 2015 - 67 létust þegar bílasprengja sprakk á markaði í Bagdad í Írak.

Fædd

• 1311 - Alfons 11., konungur Kastilíu (d. 1350).
• 1625 - Rasmus Bartholin, danskur vísindamaður (d. 1698).
• 1810 - Christian C. A. Lange, norskur sagnfræðingur (d. 1861).
• 1839 - Júlíus Havsteen, amtmaður á Íslandi (d. 1915).
• 1852 - Christian Krohg, norskur listmálari, rithöfundur og blaðamaður (d. 1925).
• 1867 - William A. Craigie, skoskur málfræðingur (d. 1957).
• 1888 - John Logie Baird, skoskur rafmagnsverkfræðingur (d. 1946).
• 1899 - Alfred Hitchcock, breskur kvikmyndaleikstjori (d. 1980).
• 1900 - Dag Strömbäck, sænskur þjóðfræðingur (d. 1978).
• 1910 - Jens Steindór Benediktsson, íslenskur þýðandi og blaðamaður (d. 1946).
• 1912 - Salvador Luria, ítalskur örverufræðingur og nóbelsverðlaunahafi (d. 1991).
• 1913 - Makaríos 3., forseti Kýpur (d. 1977).
• 1923 - Páll Bergþórsson, íslenskur veðurfræðingur.
• 1926 - Fidel Castro, leiðtogi Kúbu.
• 1934 - Gyoji Matsumoto, japanskur knattspyrnumaður.
• 1946 - Janet Yellen, bandarískur seðlabankastjóri og fjármálaráðherra.
• 1952 - Sigríður Dúna Kristmundsdóttir, íslenskur mannfræðingur.
• 1953 - Kristalina Georgieva, búlgarskur hagfræðingur og yfirmaður Alþjóðagjaldeyrissjóðsins.
• 1962 - Manuel Valls, franskur stjórnmálamaður.
• 1966 - Guðmundur Magnússon, íslenskur stjórnmálamaður.
• 1967 - Jeanine Áñez, bólivískur stjórnmálamaður.
• 1970 - Alan Shearer, enskur knattspyrnumaður.
• 1970 - Casiano Delvalle, paragvæskur knattspyrnumaður.
• 1973 - Agnar Jón Egilsson, íslenskur leikari og leikstjóri.
• 1973 - Einar Ágúst Víðisson, íslenskur söngvari.

Dáin

• 1382 - Elinóra af Aragóníu, Kastilíudrottning, kona Jóhanns 1. (f. 1358).
• 1449 - Lúðvík 4., kjörfursti af Pfalz (f. 1424).
• 1608 - Giambologna, ítalskur listamaður (f. 1529).
• 1788 - Bolle Willum Luxdorph, danskur sagnfræðingur, skáld og embættismaður (f. 1716).
• 1888 - Helgi Sigurðsson, prestur og fornminjasafnari (f. 1815).
• 1910 - Florence Nightingale, bresk hjúkrunarkona (f. 1820).
• 1939 - Björn Kristjánsson, íslenskur stjórnmálamaður (f. 1858).
• 1946 - H. G. Wells, bandarískur rithöfundur og vísindamaður (f. 1866).
• 1947 - Pétur G. Guðmundsson, bókbindari og bæjarfulltrúi í Reykjavík (f. 1879).
• 1959 - Matthías Þórðarson, íslenskur útgerðarmaður (f. 1872).
• 1980 - Magnús Á. Árnason, íslenskur listmálari (f. 1894).
• 1992 - Jörundur Garðar Hilmarsson, íslenskur málfræðingur (f. 1946).
• 1997 - Hannes Sigfússon, íslenskt skáld (f. 1922).
• 2009 - Les Paul, bandarískur tónlistarmaður (f. 1915).