Kristalina Georgieva

Úr Wikipediu, frjálsa alfræðiritinu
Jump to navigation Jump to search
Kristalina Georgieva
Кристалина Георгиева
Kristalina Georgieva Headshot.jpg
Kristalina Georgieva árið 2019.
Framkvæmdastjóri Alþjóðagjaldeyrissjóðsins
Núverandi
Tók við embætti
1. október 2019
Persónulegar upplýsingar
Fædd13. ágúst 1953 (1953-08-13) (67 ára)
Sófíu, Búlgaríu
ÞjóðerniBúlgörsk
MakiKino Kinov
Börn1
HáskóliÞjóðar- og alþjóðahagfræðiháskólinn í Sófíu
Undirskrift

Kristalina Ivanova Georgieva-Kinova (13. ágúst 1953)[1] er búlgarskur hagfræðingur sem hefur verið framkvæmdastjóri Alþjóðagjaldeyrissjóðsins frá árinu 2019. Hún var framkvæmdastjóri Alþjóðabankastofnananna frá 2017 til 2019 og var starfandi forseti Alþjóðabankans frá 1. febrúar til 8. apríl 2019 eftir afsögn Jims Yong Kim. Hún var áður varaforseti framkvæmdastjórnar Evrópusambandsins í forsetatíð Jean-Claude Junckers frá 2014 til 2016.[2][3][4][5]

Georgieva gegndi ýmsum embættum hjá Alþjóðabankastofnununum frá 1993 til 2010 og varð varaforseti og fagritari þeirra í mars árið 2008. Hún hefur einnig verið meðlimur í fjárhaldsnefnd[6] og dósent við hagfræðideild Þjóðar- og alþjóðahagfræðiháskólans í Sófíu.[7] Þann 27. september árið 2016 útnefndi ríkisstjórn Búlgaríu Kristalinu Georgieva í embætti aðalritara Sameinuðu þjóðanna.[8] Þegar kosið var í embættið á öryggisráði Sameinuðu þjóðanna þann 5. október lenti Georgieva í áttunda sæti af tíu frambjóðendum.[9] Í sömu atkvæðagreiðslu hlaut António Guterres stuðning öryggisráðsins í embætti aðalritara.[10] Þann 28. október tilkynnti Alþjóðabankinn að Georgieva yrði fyrsti framkvæmdastjóri bankans frá 2. janúar 2017.[11] Þann 29. september 2019 var Georgieva útnefnd næsti framkvæmdastjóri Alþjóðagjaldeyrissjóðsins. Hún var sú eina sem var tilnefnd í starfið og er fyrsta manneskjan frá nýmarkaðslandi sem hefur gegnt því.[12]

Georgieva var nefnd „Evrópumaður ársins“ árið 2010[13] og „ESB-framkvæmdastjóri ársins“[14] að launum fyrir störf hennar, sér í lagi fyrir hamfarahjálp hennar á Haítí og í Pakistan.

Tilvísanir[breyta | breyta frumkóða]

  1. „Who is Kristalina Georgieva?“. FOCUS News Agency. 19. janúar 2010. Sótt 19. janúar 2010.)
  2. „Under-fire EU Commission nominee stands down". . AFP. 19. janúar 2010. Skoðað 19. janúar 2010.
  3. Miller, John W. 9. febrúar 2010, „EU Approves New Commission". The Wall Street Journal/Associated Press. Skoðað 9. febrúar 2010.
  4. Toby Vogel 11. febrúar 2010, „New team takes office". European Voice. Skoðað 12. febrúar 2010.
  5. „European Commission – PRESS RELEASES – Press release – Statement on the Decision of Vice-President Kristalina Georgieva to become Chief Executive Officer of the World Bank and to resign from the European Commission“. europa.eu. Sótt 25. júní 2019.
  6. „УНСС : Структура : Съвет на настоятелите“ (Bulgarian). UNWE. Afrit af upprunalegu geymt þann 22 February 2012. Sótt 19. janúar 2010.
  7. „УНСС : Общоикономически факултет : Катедра Икономикс : Състав“ (Bulgarian). UNWE. Afrit af upprunalegu geymt þann 22 February 2012. Sótt 19. janúar 2010.
  8. „Bulgaria announces new candidate Georgieva for U.N. leadership race". Reuters. 28. september 2016. Skoðað 3. október 2016.
  9. Permanent Mission of the Netherlands to the UN official Twitter account
  10. „Security Council Backs António Guterres to Be Next U.N. Secretary General". The New York Times. 5. október 2016. Skoðað 29. október 2016.
  11. „Kristalina Georgieva Appointed Chief Executive Officer of IBRD/IDA“. The World Bank. 28. október 2016. Sótt 28. október 2017.
  12. „IMF names Kristalina Georgieva as new head". . (en-GB) 25. september 2019. Skoðað 1. október 2019.
  13. Georgieva named European of the Year, europeanvoice.com, 30 November 2010
  14. Bulgaria's Georgieva Wins 'EU Commissioner of the Year' Award by EV[óvirkur hlekkur], b2bnews.bg, 1 December 2010


Fyrirrennari:
Christine Lagarde
Framkvæmdastjóri Alþjóðagjaldeyrissjóðsins
(1. október 2019 – )
Eftirmaður:
Enn í embætti