Jeanine Áñez

Úr Wikipediu, frjálsa alfræðiritinu
Jump to navigation Jump to search
Jeanine Áñez
Jeanine Áñez Chávez.jpg
Jeanine Áñez árið 2016.
Forseti Bólivíu
(starfandi)
Núverandi
Tók við embætti
12. nóvember 2019
Persónulegar upplýsingar
Fædd13. ágúst 1967 (1967-08-13) (52 ára)
Trinidad, Beni, Bólivíu
StjórnmálaflokkurMovimiento Demócrata Social
MakiHéctor Hernando Hincapié Carvajal
StarfStjórnmálamaður
Undirskrift

Jeanine Áñez Chávez (f. 13. ágúst 1967) er bólivísk stjórnmálakona sem hefur gegnt embætti forseta Bólivíu frá 12. nóvember árið 2019. Hún tók við embætti forseta eftir að forveri hennar, Evo Morales, sagði af sér vegna þrýstings frá alþýðu og her landsins í tengslum við grun um kosningamisferli. Áætlað er að hún fari fyrir starfsstjórn fram að forsetakosningum sem munu fara fram í maí 2020. Áñez sjálf er jafnframt frambjóðandi í forsetakosningunum.

Æviágrip[breyta | breyta frumkóða]

Áñez er menntuð í lögfræði og lögvísindum. Hún hlaut lögmannsréttindi árið 1991.[1] Árið 2010 var hún kjörin á öldungadeild bólivíska þingsins fyrir bandalag hægrimanna og íhaldsmanna í stjórnarandstöðu gegn sósíalíska forsetanum Evo Morales. Árið 2019 var hún orðin annar varaforseti öldungadeildarinnar.[2]

Morales sagði af sér þann 10. nóvember 2020 eftir að bólivíski herinn þrýsti á hann að láta af embætti vegna gruns um kosningamisferli í forsetakosningum mánuðinn áður.[3] Bólivíska þingið var kallað saman til að taka á stöðunni en þar sem þingmenn Hreyfingarinnar fyrir sósíalisma, flokks Morales, sniðgengu þingfundinn til að sýna forsetanum stuðning var Áñez kjörin forseti öldungadeildarinnar á honum. Varaforseti landsins, Álvaro García, hafði einnig sagt af sér og því var Áñez sem forseti öldungadeildarinnar næst í tignarröðinni að forsetaembættinu. Áñez lýsti sjálfa sig forseta Bólivíu til bráðabirgða þann 12. nóvember og stjórnlagadómstóll landsins féllst á skipan hennar í embættið.[4][5]

Ætlun Áñez er að gegna forsetaembættinu til bráðabirgða þar til forsetakosningarnar verða endurteknar. Í fyrstu útilokaði Áñez að hún yrði sjálf í framboði til forseta í kosningunum[6] en þann 21. janúar 2020 gekk hún á bak orða sinna og tilkynnti framboð sitt til forseta.[7] Kosningarnar áttu upphaflega að fara fram þann 3. maí 2020 en þeim var frestað um óákveðinn tíma vegna kórónaveirufaraldursins.[8]

Tilvísanir[breyta | breyta frumkóða]

  1. „Bolivia: quién es Jeanine Añez Chávez, la mujer que puede quedar al mando de la transición“. El Cronista. 11. nóvember 2019. Sótt 16. mars 2020.
  2. „Jeanine Áñez Chávez“. Cámara de Senadores (spænska). 16. október 2015. Afrit af upprunalegu geymt þann 11. nóvember 2019. Sótt 16. mars 2020.
  3. „For­seti Bóli­víu seg­ir af sér“. mbl.is. 10. nóvember 2019. Sótt 16. mars 2020.
  4. Kristján Róbert Kristjánsson (13. nóvember 2019). „Jeanine Anez lýsti sig forseta Bólivíu“. Vísir. Sótt 16. mars 2020.
  5. Fanndís Birna Logadóttir (13. nóvember 2019). „Lýsti því yfir að hún væri tíma­bundinn for­seti Bólivíu“. Fréttablaðið. Sótt 16. mars 2020.
  6. „Jeanine Áñez no postulará a la Presidencia de Bolivia, según el Gobierno interino“ (spænska). Radio Programas del Perú. 5. desember 2019. Sótt 16. mars 2020.
  7. „Jeanine Áñez confirma candidatura presidencial para las elecciones generales“ (spænska). ATBDigital. 24. janúar 2020. Sótt 16. mars 2020.
  8. Andri Eysteinsson (21. mars 2020). „Fresta forsetakosningum og skipa þjóðinni að fara í sóttkví“. Vísir. Sótt 12. maí 2020.


Fyrirrennari:
Evo Morales
Forseti Bólivíu
(starfandi)
(12. nóvember 2019 – )
Eftirmaður:
Enn í embætti