K2

Úr Wikipediu, frjálsa alfræðiritinu
Jump to navigation Jump to search
K2 árið 2006.

K2 er næsthæsta fjall í heimi eftir Everestfjalli. Það er 8.611 metrar að hæð og er í Karakoram-fjallgarðinum á landamærum Kína og Pakistans. Á ensku er fjallið gjarnan nefnt Savage Mountain („Villta fjallið“) því það er svo erfitt að klífa það. Fjórði hver maður sem reynt hefur að ná tindinum hefur dáið á fjallinu.

Nafnið er dregið úr „Karakoram“, heiti fjallgarðsins sem K2 tilheyrir, það er að segja það var annað fjallið sem skráð var í landmælingum Great Trigonometric Survey. Stefnumál Great Trigonometric Survey var það að skyldi nota örnefni hvar sem hægt er en það leit út fyrir að K2 átti ekkert staðbundið nafn, líklega vegna staðsetningar þess.

Ítalskur hópur náði toppi á fjallsins fyrstur í júlí árið 1954.

Þann 28. júlí árið 2017 komst John Snorri Sigurjónsson á topp fjallsins og varð þar með fyrstur Íslendinga til að ná því. [1] Þá hafði enginn maður náð að komast á topp fjallsins síðan 2014. John Snorri reyndi síðar að verða fyrstur til að klífa fjallið að vetri til en nepalskur hópur varð undan í ársbyrjun 2021. [2]


  Þessi landafræðigrein er stubbur. Þú getur hjálpað til með því að bæta við greinina.

Tilvísanir[breyta | breyta frumkóða]

  1. John Snorri náði á topp K2 Rúv.us, skoðað 28. júlí, 2017.
  2. Nepalar fyrstir á tind K2 að vetri til Rúv, skoðað 16. janúar 2021.