1422

Ár

Áratugir

1411–1420 – 1421–1430 – 1431–1440

Aldir

14. öldin – 15. öldin – 16. öldin

Árið 1422 (MCDXXII í rómverskum tölum)

Á Íslandi

Eldgos í sjó undan Reykjanesi. Eyja sem myndaðist í gosinu hélst ofansjávar í nokkur ár.
Hannes Pálsson og Balthazar van Damme komu til landsins með hirðstjórnarvald. Jón Hallfreðarson ábóti í Þykkvabæjarklaustri kom með þeim en þeir fóru á land í Vestmannaeyjum, Jón sigldi áfram með skipinu sem aldrei kom á áfangastað í Þerneyjarsundi.
Englendingar hótuðu að taka skreið Íslendinga af þeim með valdi.
Tveir Englendingar réðust með ofbeldi á kóngsgarðinn á Bessastöðum, særðu þjón Hannesar hirðstjóra með hnífum í kirkjugarðinum og saurguðu þar með kirkjuna.

10. janúar - Hússítastríðin: Hússítar unnu sigur á her konungssinna við Německý Brod í Bæheimi.
1. febrúar - Frísneska stríðið endaði með samningum í Groningen. Frísland hlaut sjálfstjórn.
11. mars - Stríð braust út á Okinawa-eyju í Japan. Shō Hashi konungur eins konungdæmis á eyjunni hóf árásir á önnur tvö konungsdæmi þar í þeim tilgangi að sameina eyjuna í eitt ríki.
21. mars - Hundrað ára stríðið: Englendingar náðu yfirráðum yfir frönsku borginni Meaux eftir 5 mánaða umsátur.
1. september - Hinrik 6. varð konungur Englands, níu mánaða að aldri.
27. september - Þýsku riddararnir gerðu friðarsamning við Konungsríkið Pólland og Hertogadæmið Litáen eftir 2 mánaða stríð.

Hansasambandið setti verslunarbann á öll Norðurlöndin. Eiríkur af Pommern svaraði með því að loka Eyrarsundi fyrir skipum þeirra.
Hersveitir Ottómana náðu síðustu leifum ríkis Konstantíns 2. Búlgaríukeisara á sitt vald og dó keisarinn skömmu síðar í útlegð í Serbíu.