Austin Magnús Bracey

Austin Magnús Bracey

Persónulegar upplýsingar
Fæðingardagur	30. maí 1990 (1990-05-30) Ísland
Hæð	191 cm (6 ft 3 in)
Leikstaða	Bakvörður
Liðsferill
2011–2012	Valur
2012–2014	Höttur
2014–2016	Snæfell
2016–2020	Valur
2020–2021	Haukar
2021–2022	Selfoss Karfa
2022–2024	Ármann

Austin Magnús Bracey (fæddur 30. maí 1990) er íslenskur körfuknattleiksmaður sem spilar fyrir Ármann í 1. deild karla í körfuknattleik.

Austin Magnús hóf meistaraflokksferil sinn með Val tímabilið 2011-2012 í Úrvalsdeild karla í körfuknattleik. Eftir tímabilið gekk hann til liðs við Hött á Egilsstöðum þar sem hann lék í tvö ár í 1. deild. Seinna tímabilið sitt setti hann persónulegt met í meistaraflokki er hann var með 22,1 stig að meðaltali í leik. Á milli 2014 og 2016 lék hann með Snæfell í efstu deild þar sem hann var með 17,5 og 16,3 stig að meðaltali í leik. Árið 2016 gekk hann aftur til liðs við Val þar sem hann lék í fjögur ár. Haustið 2020 gekk hann til liðs við Hauka í efstu deild.

Í desember 2021 gekk Austin Magnús til liðs við Selfoss þar sem hann kom við sögu í fimm leikjum. Í júlí 2022, samdi hann við Ármann um að leika með félaginu í 1. deild á komandi tímabili.

Fjölskylda

Austin Magnús er sonur Valray Bracey sem kjörinn var besti erlendi leikmaður úrvalsdeildarinnar tímabilið 1981-1982 þegar hann spilaði með Fram.

Ytri tenglar

• Tölfræði á kki.is

  Þetta æviágrip sem tengist körfuknattleik er stubbur. Þú getur hjálpað til með því að bæta við greinina.