Knattspyrnufélagið Víkingur

Úr Wikipediu, frjálsa alfræðiritinu
Jump to navigation Jump to search
Fótbolti og tifandi klukka Núverandi tímabil
Knattspyrnufélagið Víkingur
Knattspyrnufélagið Víkingur.png
Fullt nafn Knattspyrnufélagið Víkingur
Gælunafn/nöfn Víkingar
Stytt nafn Víkingur
Stofnað 21. apríl 1908
Leikvöllur Víkin - Víkingsvöllur
Reykjavík, Ísland
Stærð 1449[1]
Knattspyrnustjóri Arnar Gunnlaugsson
Deild Úrvalsdeild karla 2018 (9.sæti)
Heimabúningur
Útibúningur

Knattspyrnufélagið Víkingur er reykvískt hverfafélag í besta skilningi þess hugtaks. Félagið er eitt af mörgum hverfafélögum í borginni og afmarkast meginþjónustusvæði þess af Fossvogsdal, Kringlumýrarbraut, Miklubraut og Reykjanesbraut. Margar fjölskyldur nefna barna- og unglingastarf félagsins sem helstu ástæðu þess að þær vilja búa í Víkingshverfunum eða fluttu þangað á sínum tíma.[2]

Félagsaðstaðan fékk nafnið Víkin eftir þeim stað sem víkingar til forna lögðu skipum sínum, söfnuðu kröftum, öfluðu vista og æfðu vopnfimi áður en þeir héldu á ný í víking.[3] Í Víkinni er líf og fjör frá morgni til kvölds, virka daga sem helga. Fólk á öllum aldri hreyfir sig í heilsubótarskyni, æfir stíft keppnisíþróttir og allt þar á milli.

Víkingur er skilgreint sem fjölgreinafélag, en það er íþróttafélag með fleiri en eina íþróttagrein. Deildir Víkings eru sjö talsins: Almennings-, borðtennis-, handknattleiks-, karate-, knattspyrnu-, skíða- og tennisdeild. [4]

Víkingar eru þekktir fyrir að búa sérstaklega vel að æskufólki á heimaslóðum sínum. Íbúar hverfanna á aldrinum þriggja til sex ára kynnast félaginu í íþróttaskóla barnanna og síðar í íþróttastarfi innan deilda Víkings.

Saga Víkings[breyta | breyta frumkóða]

Stofnun félagsins og fyrstu skrefin[breyta | breyta frumkóða]

Frumherjar Víkings (1908)[breyta | breyta frumkóða]

Knattspyrnufélagið Víkingur var stofnað 21. apríl árið 1908 í kjallaranum að Túngötu 12 í Reykjavík, þar sem Emil Thoroddsen átti heima (Túngatan liggur frá Suðurgötu í austri til Bræðraborgarstígs í vestri. Landakotskirkja og Landakotsspítali standa nærri, auk þess sem sendiráð Rússlands, Þýskalands og Frakklands eiga hvert sitt hús þar). Á stofnfund félagsins mættu 32 drengir, fullir af áhuga og ástríðu fyrir því að skipuleggja félagsskap Víkinga til að æfa knattspyrnu. Aðalhvatamenn og í fyrstu stjórn voru fyrirliði hópsins og fyrsti Víkingurinn, Axel Andrésson 12 ára gamall, formaður, Emil Thoroddsen 9 ára, ritari og Davíð Jóhannesson, 11 ára, gjaldkeri. Aðrir stofnendur voru Páll Andrésson 8 ára bróðir Axels, og Þórður Albertsson, 9 ára.[5]

Tilgangurinn með stofnun Víkings var ánægjan að spila fótbolta; „Einn góðviðrisdag vorum við fimm drengir saman komnir á gulllóðinni. Við fengum þá flugu í höfuðið aö stofna knattspyrnufélag eins og þeir fullorðnu höfðu gert. Þetta fannst okkur snjöll hugmynd og létum þetta berast.“, er haft eftir Axel. En þá þurfti að afla fjármagns til boltakaupa. Fyrsti gjaldkerinn, Davíð Jóhannesson, fékk það hlutskipti að særa aura upp úr vösum félaga þar til hafðist að mestu fyrir fyrsta boltanum. Egill Jacobsen stórkaupmaður, sem flutti til landsins frá Danmörku, er talinn hafa hjálpað til með það sem upp á vantaði. [6] Egill var síðar sæmdur titli heiðursfélaga í Víkingi.

Taplausir í tíu ár (1908-1918)[breyta | breyta frumkóða]

Fyrstu árin í sögu Víkings voru sannkölluð sigurár og stóð knattspyrnuliðið taplaust eftir fyrstu 10 árin í sinni sögu. Á því tímabili skoraði Víkingsliðið 58 mörk og fékk á sig 16. Flestir leikir félagsins á þessum árum voru leiknir gegn öðrum hverfafélögum úr bænum, svo sem Fótboltafélagi Miðbæinga og báru Víkingar ávallt betri hlut gegn þeim. Félagar í því munu um árið 1912 hafa gefist upp og gengið í raðir Víkinga.

Árið 1914 hafði Víkingur sigur úr býtum gegn KR, 2-1, í fyrsta opinbera kappleiknum undir skipulagi Ungmennafélags Íslands. Verðlaunaskjalið er varðveitt í Víkinni.

Á aðalfundi í Bárubúð þann 24 apríl 1917, samkomuhúsi Sjómannafélagsins í Reykjavík við Vonarstræti, var Knattspyrnufélagið Knöttur tekið inn í félagið og fékk heitið Junior-Víkingur. Liðið hreppti þó ekki neinn titil á þessum tíma sökum þess að leikmenn Víkinga höfðu ekki náð aldri til að leika í meistaraflokki á Íslandsmóti fyrr en um árið 1918, samkvæmt þágildandi reglum Íþróttasambandsins.[7]

Fyrstu Íslandsmeistaratitlarnir (1918-1938)[breyta | breyta frumkóða]

Fyrstu leikir Víkinga á Íslandsmóti fóru ekki fram fyrr en árið 1918 - þegar liðið tryggði sér auðveldan 5-0 sigur á keppinautum Vals og 3-2 sigur á KR.
Til að geta haft þátttökurétt til að keppa í mótinu sóttu Víkingar undanþágur fyrir fimm leikmenn, þar sem þeir voru undir 18 ára aldri.
Grátlegt tap gegn Fram í miklum markaleik kom í veg fyrir að Víkingur hreppti Íslandsmeistaratitilinn á aldursundanþágum og það í fyrstu tilraun.

Ungur aldur leikmanna félagsins fyrstu árin kom hvergi að sök - Víkingar þurftu ekki að bíða lengur en tvö ár eftir því að fagna sínum fyrstu titlum. Árið 1920 kom sá fyrsti eftir sigra á KR og Fram og bættist síðar annar titill við árið 1924 eftir sigra á KR, Val og að lokum Fram í framlengdum og fjörugum úrslitaleik. Er sá leikur sagður hafa verið einn sá allra besti sem spilaður hafði verið á Gamla Íþróttavellinum á Melunum - fyrsta fullgerða knattspyrnuvellinum á Íslandi.

Í bæði skiptin stóð félagið uppi sem sigurvegari á Íslandsmóti karla. Árin 1921, 1922 og 1925 höfnuðu Víkingar í öðru sæti.
Meðalaldur leikmanna Víkings sem sóttu titilinn árið 1920 var aðeins 18,4 ár og er það lægsti meðalaldur nokkurs meistaraliðs á Íslandsmótinu í fótbolta.

Í kjölfar þess að Gamli Melavöllurinn var dæmdur ónothæfur þurftu félögin að leita annarra ráða. Hafist var handa við að byggja Nýja Melavöllinn árið 1925 og var hann vígður þann 17. júní árið 1926. Víkingurinn Helgi Eiríksson á heiðurinn að fyrsta markinu sem skorað var á vellinum, en það kom í 4-1 sigri á Valsmönnum.

Fyrsta erlenda knattspyrnuliðið sem heimsótti Ísland var Akademisk Boldklub frá Danmörku í ágústmánuði 1919. Tveir Víkingar voru í úrvalsliðinu sem lagði Danina 4:1 í sögufrægum leik, Óskar Norðmann stórsöngvari og Páll Andrésson. Segja má að þarna hafi landslið Íslands í knattspyrnu verið valið í fyrsta skipti, því í úrvalsliðið voru tilnefndir bestu leikmenn landsins til að etja kappi við erlenda mótherja. Lið frá háskólanum í Glasgow í Skotlandi kom til Íslands 1928 og gerði Víkingur 2:2 jafntefli við gestina. Mun það hafa verið fyrsta stigið sem íslenskt félagslið fékk í keppni við erlent lið.

Íslenskt úrvalslið fór til Færeyja árið 1930 til að keppa við Færeyinga á Ólafsvöku - mun það hafa verið fyrsta utanför íslensks knattspyrnuliðs. Axel Andrésson þáverandi formaður Víkings var þjálfari en einnig dómari í ferðinni. Víkingarnir Tómas Pétursson og Þórir Kjartansson voru meðal leikmanna. Íslenska liðið vann alla þrjá leiki sína í ferðinni, samtals 8-0. Tómas Pétursson skoraði fyrsta mark Íslendings í opinberum kappleik á erlendri grund en markið setti hann gegn Havnar Bóltfelag.

Árangursríkt félagsstarf (1938-1946)[breyta | breyta frumkóða]

Veturinn 1937-1938 fengu Víkingar afnot af gamla Tjarnarbíói, sem áður var íshús, og æfðu fótbolta á moldargólfi. Um sumarið enduðu Víkingar í 2. sæti á Íslandsmóti.

Árið 1938 hófust æfingar í handknattleik í Víkingi. Víkingur sá um framkvæmd fyrsta Íslandsmótsins árið 1940. Mótið var haldið í íþróttahúsi Jóns Þorsteinssonar við Lindargötu, en það var stærsta íþróttahús Reykjavíkur í þá daga. Víst er að það hamlaði áætlunum Víkinga um sigur í mótinu að nokkrir þeirra, svo sem Brandur Brynjólfsson og Björgvin Bjarnason léku, að beiðni rektors, með liði Háskóla Íslands sem varð í öðru sæti. Vonir stóðu til að árangur sterks lið Háskólans gæti haft þau áhrif að framkvæmdum við íþróttahús Háskólans yrði flýtt. Það var svo árið 1945 sem fyrsta Reykjavíkurmótið fór fram í bragganum á Hálogalandi, en hann var áður í eigu bandaríska hersins og kallaðist þá Andrew's Hall. Víkingur sendi tvö stúlknalið til keppni á þessu móti.[8]

Skíðaskáli Víkings í Sleggjubeinsskarði var vígður 29. október 1944 að viðstöddum fjölmörgum gestum. Í Morgunblaðinu var honum lýst þannig að hann standi „ á mjög fallegum stað við bestu skíðabrekkur og það er ekki meira en 15 mínútna gangur upp í Innstadal, en þar er, sem kunnugt er, besta skíðaland í nágrenni Reykjavíkur. Frágangur skálans er allur hinn vandaðasti. Hafa nokkrir Víkingsfjelagar sýnt fádæma dugnað við að koma skálanum upp og margir velunnarar fjelagsins hafa sýnt fórnfýsi og lagt til bæði vinnu og fjárframlög til skálabyggingarinnar.“

Víkingurinn Brandur Brynjólfsson var fyrsti fyrirliði Íslenska karlalandsliðsins í knattspyrnu.
Fyrsti landsleikurinn fór fram árið 1946 gegn Dönum en ásamt Brandi tóku Víkingarnir Haukur Óskarsson og Anton Sigurðsson þátt í leiknum.
Fjöldi áhorfenda á fyrsta landsleiknum mun hafa verið um 10 þúsund.

Guðjón Einarsson, sem lengi var formaður félagsins, öðlaðist fyrstur Íslendinga réttindi sem milliríkjadómari árið 1946.[9]
Agnar Klemens Jónsson, einn af gullaldarmarkvörðum Víkings, var kjörinn fyrsti formaður KSÍ árið 1947 en hann var lengi sendiherra og ráðuneytisstjóri.
Víkingurinn Árni Árnason var kosinn fyrsti formaður HSÍ sem var stofnað árið 1957.[10]

Starfsumhverfi og félagsaðstaða[breyta | breyta frumkóða]

Suðurgata (1946-1950)[breyta | breyta frumkóða]

Fyrstu 40 árin í sögu Víkings hafði félagið ekki yfir eigin félagsaðstöðu að ráða, að undanskildum skíðaskálanum í Sleggjubeinsskarði frá árinu 1944. Víkingstrákarnir áttu fyrstu árin flestir heima á Suðurgötu, Tjarnargötu og neðsta hluta Túngötu, í hjarta bæjarins. Víkingar iðkuðu íþrótt sína gjarnan fyrstu árin á Gulllóðinni sem svo var kölluð. Þar stendur nú hús Oddfellow-reglunnar. Nýjabæjartúnið var sömuleiðis vinsæll vettvangur til knattspyrnuiðkunar.[11]

Fyrsti samastaður Víkinga var fyrrverandi Iglo officers club í Camp Tripoli á Suðurgötu, sem félagið tók á leigu fyrir félagsheimili á árunum 1946-1950 eftir gefin loforð um landspildu sunnan Háskólans. Herbragginn var félagsstarfinu lyftistöng um tíma því fyrstu áratugina í sögu félagsins höfðu fundir verið haldnir á hinum ýmsu stöðum og íþróttaaðstaða engin. Bragginn var hluti af svokölluðum Trípólíkamp, sem var braggahverfi frá stríðsárunum og stóð umhverfis Loftskeytastöðina á Melunum og þar vestur af, annars staðar er staðsetningu braggans lýst þannig að hann hafi staðið á Grímsstaðaholti við Fálkagötu. Grímsstaðaholt er skilgreint sem svæðið sunnan Melanna og vestan Vatnsmýrar og Skerjafjarðar. Það er kennt við býlið Grímsstaði sem stóð þar sem síðar reis Ægisíða 62. Í öðrum bragganna var rekið „Trípolí-bíó“ í umsjón Tónlistarfélags Reykjavíkur.

Víkingi var síðar úthlutað félagssvæði að Njarðargötu í Vatnsmýri ásamt Íþróttafélagi Reykjavíkur en svæðið þótti óhentugt, ekki síst vegna nábýlis við flugvöllinn og var fljótlega farið að líta eftir fýsilegri staðsetningum innan Reykjavíkur. Svæðið þótti þröngt, en þar átti bæði að vera félagsheimili Víkings og einn eða tveir fótboltavellir. Víkingur og ÍR tókust á um mörk á milli svæða félaganna og jafnvel var talað um samstarf félaganna tveggja um nýtingu svæðisins.

Um málefni framtíðarsvæðis Víkinga á aðalfundi félagsins árið 1952 á Gunnlaugur Lárusson, gjaldkeri, að hafa mælt eitthvað á þessa leið: „Svæðið í Vatnsmýrinni er ónothæft – ekki vegna stærðarinnar, heldur vegna staðarins. Ég legg til og mæli eindregið með, að athugað verði strax hvort annað svæði í einu af nýju úthverfum bæjarins sé fáanlegt. Þar mundi Víkingur koma til með að verða þróttmikið hverfisfélag, sem að fáum árum liðnum stæði jafnfætis bestu félögum þessa bæjar“. [12]

Skiptar skoðanir voru í félaginu á þessu frumkvæði Gunnlaugs og vildu sumir halda ótrauðir áfram í Vatnsmýrinni. Fannst sumum erfitt að „aristókratafélag“ í miðbænum flytti austar - á svæði sem í þá daga hefði talist úthverfi bæjarins. Þeim fannst það svo fjarlægt upphafinu og gerðu sér auk þessi ekki grein fyrir nauðsyn þess að fá nýtt blóð inn í félagið, en í miðbænum var þá orðið fátt eftir af ungu fólki til að efla starfið. Eftir miklar umræður var tillaga Gunnlaugs samþykkt.

Hæðargarður (1953-1975)[breyta | breyta frumkóða]

Straumhvörf urðu fyrir félagið þann 27. febrúar 1953 þegar Borgarstjórn Reykjavíkur samþykkti að úthluta Víkingi félagssaðstöðu milli Hæðargarðs og Breiðagerðisskóla í Smáíbúðahverfinu sem þá var í hraðri og mikilli uppbyggingu. Þá um haustið tók Axel Andrésson fyrstu skóflustungu að félagsheimili Víkings við Hæðargarð þar sem varð ný vagga félagsins. Óli Flosa lýsir aðdragandanum með eftirtektaverðum hætti í minningarbrotum sínum: „Okkur spekingunum hafði ætíð yfirsézt aðalvandamálið, ég vil segja eina vandamálið. Við höfðum grafið of djúpt, það lá nefnilega á yfirborðinu, rétt við tærnar á okkur, og 20 árum hafði verið eytt í að berjast við vindmyllur. Við áttum nóg af forystumönnum. Okkur vantaði íþróttafólk í öllum aldursflokkum. Vandamál Víkings var mannfæð.“ Ólafur bendir á að allt starf félagsins hafi á einn eða annan hátt verið tengt miðbænum, sem hafi smátt og smátt verið að tæmast af lifandi fólki.

Þá á Gunnlaugur Lárusson að hafa mælt svo: „Fólkið kemur ekki til okkar. Ef félagið á að lifa verðum við að fara til þess.“

Víkingur sendi í fyrsta skipti kvennalið til keppni í handbolta veturinn 1957–1958. Brynhildur Pálsdóttir var einn leikmanna og fyrirliði liðsins og rifjar upp í Víkingsbókinni „Áfram Víkingur“ að þær höfðu aðeins æft í einn mánuð þegar þær hófu keppni. Þær enduðu eigi að síður í úrslitum á mótinu gegn Ármanni, en biðu lægri hlut. „Andinn innan félagsins var mjög skemmtilegur, mikil samheldni og fólk taldi ekki eftir sér að vinna þau verk, sem vinna þurfti. Að vísu var þetta ekki stór hópur, en þeim mun samhentari. Um helgar var það skíðaskálinn með sínum ævintýrum og síðan handboltinn virka daga,“ segir Brynhildur í Víkingsbókinni. Ári síðar, 1959, fór kvennalið Víkings í handbolta í keppnisferð til Færeyja og mun þetta hafa verið fyrsta keppnisför handboltaliðs úr Víkingi til útlanda. Farið var með farþegaskipinu Dronning Alexandrine. Móttökur voru einstaklega góðar en búið var á einkaheimilum. Víkingskonur hrepptu sinn fyrsta titil þegar þær urðu Reykjavíkurmeistarar árið 1970.

Rósmundur Jónsson var fyrstur Víkinga til að vera valinn í landsliðið í handknattleik, en árið 1963 var hann valinn í landsliðið sem útileikmaður. Tólf árum síðar, eða árið 1975, var hann á ný kominn í landsliðið, en þá í stöðu markvarðar. Af kvenfólkinu varð Rannveig Laxdal fyrst Víkinga til að leika í landsliði í meistaraflokki.
Í kjöri um íþróttamann ársins 1971 varð Gunnar Gunnarsson, fyrirliði Víkings, í tíunda sæti og varð hann fyrstur Víkinga til að komast í þann hóp.

Í febrúar 1965, kom sjálfur Louis „Satchmo“ Armstrong, eitt stærsta nafnið í sögu jazz-tónlistar, til Íslands á vegum Víkings.
Ólafur P. Erlendsson hafði veg og vanda af heimsókninni ásamt knattspyrnudeild. Hann hélt ferna tónleika og var vitaskuld troðfullt á þá alla.

Það bar til tíðinda á Íslandsmóti í knattspyrnu árið 1970 að Víkingurinn Jóhann Gíslason varði vítaspyrnu frá Skagamanninum Þórði Þórðarsyni og varð fyrstur til að verja vítaspyrnu í deildaskiptu Íslandsmóti. Jóhann átti síðar eftir að verða þekktur handknattleiksmaður og fékk viðurnefnið „skotharði vélstjórinn“

Árið 1971 varð Víkingur bikarmeistari í knattspyrnu, en lið úr 1. deild hafði ekki áður unnið þennan eftirsótta titil. Jón Ólafsson skoraði í úrslitaleiknum gegn Breiðabliki.
Í Morgunblaðinu var markið sagt „stórkostlega fallegt“ og í Vísi sagði Hallur Símonarson að þetta hefði verið „eitthvert fallegasta skallamark“ sem hann hefði séð.

Fossvogur (síðan 1976)[breyta | breyta frumkóða]

Það er ekki fyrr en félagið fær úthlutað svæði að Traðarlandi í Fossvogi árið 1976 að farið er að byggja upp íþróttaaðstöðu og félagsheimili, til handa kynslóðum framtíðarinnar. Byrjað var að ræsa fram svæðið og girða árið 1981 og rúmum þremur árum síðar gátu iðkendur loks hafið æfingar á grasi í Fossvoginum.

Framkvæmdir voru hafnar við íþróttahúsið í Fossvogi í febrúar árið 1991. Húsið og sambyggt félagsheimili voru tekin í notkun í október sama ár.

Víkingshúsið fékk nafnið Víkin eftir þeim stað sem víkingar til forna lögðu skipum sínum, söfnuðu kröftum, öfluðu vista og æfðu vopnfimi. [13]

Í Víkinni er að finna sali til innanhússíþrótta af ýmsu tagi og á vallarsvæðinu er knattspyrnuvöllurinn með stúku sér við hlið, grasvellir til æfinga og tennisvellir.

Víkingsstúkan var vígð árið 2004 og tekur um 1200 manns í sæti. Þá var fyrst tekið til æfinga á nýlögðum gervigrasvelli til æfinga á svæði félagsins sumarið 2009.[14]

Vorið 2018 samdi Víkingur við Reykjavíkurborg um lagningu gervigrass á keppnisvöll meistaraflokks karla og kvenna í Víkinni. Borgarstjórn Reykjavíkur samþykkti að bjóða framkvæmdina út við lok ársins. Framkvæmdir hófust mjög fljótlega eftir að útboðsferli hafði verið lokið. Þar með varð ljóst að grasið verður lagt fyrir sumarið 2019 og að meistaraflokkar Víkings munu spila á gervigrasi á komandi leiktíð. Stefnt er að því að völlurinn verði tilbúinn í júní, að því gefnu að áætlanir standist. Fram að því mun karlalið félagsins leika á keppnisvelli Þróttar í Laugardal en kvennaliðið, sem er með sameiginlegt lið með HK, leikur í Kórnum í Kópavogi.

Búningur og merki félagsins[breyta | breyta frumkóða]

  • Víkingar hafa leikið í rauð- og svart röndóttum búningum allt frá stofnun félagsins. Til vara er leikið í hvítum búningum með rauðri rönd.[15]
  • Í forgrunni á merki Víkings er 19. aldar leðurbolti á hvítum skildi með rauðum og svörtum röndum í miðju.[16]
  • Þorbjörn Þórðarson málarameistari, sem var formaður Víkings árin 1943-1944, hannaði Víkingsmerkið sem þykir stílhreint og fallegt.[17]

Leikmenn meistaraflokks karla[breyta | breyta frumkóða]

Mfl. karla í knattspyrnu 2019[breyta | breyta frumkóða]

Ath: Fánar eru tákn fyrir það þjóðerni sem skráð eru hjá FIFA. Leikmenn gætu haft fleiri en eitt ríkisfang.

Nú. Staða Leikmaður
1 Flag of Iceland.svg GK Þórður Ingason
32 Flag of Spain.svg GK Fran Marmolejo
12 Flag of Iceland.svg GK Emil Andri Auðunsson
2 Flag of Iceland.svg DF Sindri Scheving
3 Flag of Iceland.svg FW Logi Tómasson
4 Flag of Iceland.svg MF Gunnlaugur Hlynur Birgisson
5 Fáni Gíneu MF Mohamed Didé Fofana
6 Flag of Iceland.svg DF Halldór Smári Sigurðsson
7 Fáni Bandarísku Jómfrúreyja MF J.C. Mack
8 Flag of Iceland.svg DF Sölvi Ottesen
9 Flag of Iceland.svg FW Erlingur Agnarsson
10 Fáni Hollands FW Rick ten Voorde
11 Flag of Iceland.svg MF Dofri Snorrason
Nú. Staða Leikmaður
13 Flag of Iceland.svg FW Viktor Örlygur Andrason
14 Flag of Iceland.svg MF Bjarni Páll Runólfsson
17 Flag of Iceland.svg DF Gunnlaugur Fannar Guðmundsson
18 Flag of Iceland.svg FW Örvar Eggertsson
19 Flag of Iceland.svg FW Þórir Rafn Þórisson
20 Flag of Iceland.svg MF Júlíus Magnússon
22 Flag of Iceland.svg MF Ágúst Hlynsson
23 Flag of Denmark.svg FW Nikolaj Hansen
24 Flag of Iceland.svg DF Davíð Örn Atlason
26 Flag of Iceland.svg FW Kolbeinn Theodorsson
29 Flag of Iceland.svg DF Halldór Jón S. Þórðarson
30 Flag of Iceland.svg MF Isaac Owusu Afriyie
77 Flag of Iceland.svg MF Atli Hrafn Andrason [18]

Samfélög Víkinga[breyta | breyta frumkóða]

Vikingur.is[breyta | breyta frumkóða]

Víkingar halda úti vinsælli vefsíðu þar sem finna má allar helstu upplýsingar tengdar félaginu: http://www.vikingur.is

Söguvefur Víkinga[breyta | breyta frumkóða]

Þann 21. apríl 2018 fögnuðu Víkingar þeim áfanga að 110 ár hafi liðið frá því að Knattspyrnufélagið Víkingur var stofnað í miðbæ Reykjavíkur.

Á þeim merkilegu tímamótum var Söguvef Víkings hleypt af stokkunum á slóðinni: http://www.soguvefur.vikingur.is/.

Áfram verður unnið að skráningu efnis og eru Víkingar og aðrir áhugamenn hvattir til að leggja söguvefnum til efni, bæði myndir og minningar. Söguvefur Víkings á að vera lifandi og stöðugt á að uppfæra hann og bæta við nýjum upplýsingum um félagið og fólkið sem staðið hefur að baki félaginu frá upphafi og fram á þennan dag.

Stuðningslög[breyta | breyta frumkóða]

Í tilefni af 100 ára afmæli félagsins árið 2008 efndi stuðningsmannafélag Víkinga til sönglagakeppni vegna stuðningslags Víkings.
Víkingslagið - Við viljum sigur í dag! er samið af Stefáni Magnússyni og Frey Eyjólfssyni. Þeir félagar flytja lagið saman og það er Freyr sem syngur.

Víkings Podcastið - Hlaðvarp[breyta | breyta frumkóða]

Á vormánuðum 2019 hleyptu stuðningsmenn Víkings af stokkunum hlaðvarpsútgáfu um málefni félagsins: https://soundcloud.com/user-20165155.

Titlasaga Knattspyrnudeildar[breyta | breyta frumkóða]

Meistaraflokkur karla[breyta | breyta frumkóða]

annað sæti (7): 1918, 1921, 1922, 1925, 1938, 1940, 1948

annað sæti (4): 1998, 2003, 2005, 2013

annað sæti: 1967

annað sæti: 1992

Íslandsmeistarar innanhúss (2): 1977, 1981
Vormeistarar (1): 1951

Meistaraflokkur kvenna[breyta | breyta frumkóða]

Titlasaga Handknattleiksdeildar[breyta | breyta frumkóða]

Meistaraflokkur karla[breyta | breyta frumkóða]

Meistaraflokkur kvenna[breyta | breyta frumkóða]

Leikjahæstir í mfl karla[breyta | breyta frumkóða]

Leikjahæsti leikmaður í sögu Víkings er Magnús Þorvaldsson en á sínum glæsta ferli spilaði hann 351 leik fyrir félagið. Jóhannes Bárðarson lék 314 leiki fyrir Víkinga.

Í núverandi leikmannahópi er Halldór Smári reyndastur með 299 leiki, Dofri Snorrason á að baki 185 leiki, Davíð Örn Atlason 140 leiki og Sölvi Geir Ottesen 82 leiki.

Leikjafjöldi Leikmaður
351 Magnús Þorvaldsson
314 Jóhannes Bárðarson
299 Halldór Smári Sigurðsson
273 Diðrik Ólafsson
251 Daníel Hjaltason
219 Sigurjón Þorri Ólafsson
212 Egill Atlason
206 Jón Ólafsson
200 Atli Einarsson
193 Björn Bjartmarz
192 Aðalsteinn Aðalsteinsson
192 Gunnar Örn Kristjánsson
192 Ragnar Gíslason
187 Eiríkur Þorsteinsson
187 Hörður Theódórsson
185 Dofri Snorrason
181 Lárus Huldarsson
171 Bjarni Lárus Hall
167 Heimir Karlsson
166 Atli Helgason
166 Jóhann Þorvarðarson
165 Haukur Armin Úlfarsson
160 Ívar Örn Jónsson
160 Kristján Jóhannes Magnússon
159 Gunnar Örn Kristjánsson
154 Ómar Torfason
153 Hafliði Pétursson
153 Þórður Marelsson
151 Milos Glogovac
145 Trausti Ívarsson
142 Kjartan Dige Baldursson
142 Óskar Tómasson
142 Þorvaldur Sveinn Sveinsson
140 Andri Marteinsson
140 Davíð Örn Atlason
134 Sumarliði Árnason
133 Ögmundur Kristinsson
132 Sigurður Egill Lárusson
128 Tómas Guðmundsson
126 Bjarni Gunnarsson
126 Ingvar Þór Kale
126 Stefán Halldórsson
126 Viktor Bjarki Arnarsson
126 Ögmundur Viðar Rúnarsson
124 Marteinn Guðgeirsson
122 Hólmsteinn Jónasson
120 Hörður Sigurjón Bjarnason
119 Höskuldur Eiríksson
119 Valur Adolf Úlfarsson

Leikjahæstar í mfl kvenna[breyta | breyta frumkóða]

Stjórn og þjálfarateymi árið 2019[breyta | breyta frumkóða]

Knattspyrnudeild[breyta | breyta frumkóða]

  • Þjálfari: Arnar Gunnlaugsson
  • Aðstoðarþjálfari/Markmannsþjálfari: Hajrudin Cardaklija
  • Aðstoðarþjálfari/Styrktarþjálfari: Guðjón Örn Ingólfsson
  • Aðstoðarþjálfari: Einar Guðnason
  • Sjúkraþjálfari: Ísak Guðmann
  • Liðsstjóri: Fannar Helgi Rúnarsson
  • Liðsstjóri: Þórir Ingvarsson
  • Framkvæmdastjóri: Haraldur V. Haraldsson
  • Íþróttastjóri: Fannar Helgi Rúnarsson
  • Vallarstjóri: Örn I. Jóhannsson
    • Stjórnarformaður: Fridrik Magnusson
    • Varaformaður: Heimir Gunnlaugsson
    • Verkefnastjóri: Benedikt Sveinsson
    • Stjórnarmaður: Davíð Rúrik Ólafsson
    • Stjórnarmaður: Hrannar Már Gunnarsson
    • Stjórnarmaður: Sverrir Geirdal
    • Stjórnarmaður: Tryggvi Björnsson

[19]

Tilvísanir[breyta | breyta frumkóða]

  1. https://www.ksi.is/mannvirki/vellir/knattspyrnuvellir/vollur/?vollur=102
  2. https://www.vikingur.is/felagidvikingur/um-viking
  3. https://www.vikingur.is/felagidvikingur/vikin
  4. https://www.vikingur.is/felagidvikingur/fraedhsla/ithrottanamskra-vikings
  5. http://soguvefur.vikingur.is/?page_id=451
  6. http://timarit.is/view_page_init.jsp?pageId=2475952
  7. http://www.vikingur.is/forsiea/soegubrot/stiklae-a-storu
  8. http://www.mbl.is/greinasafn/grein/1208617/
  9. http://www.vikingur.is/forsiea/soegubrot/stiklae-a-storu
  10. http://www.ksi.is/frettir/nr/11679
  11. http://www.vikingur.is/forsiea/soegubrot/stiklae-a-storu
  12. http://soguvefur.vikingur.is/?page_id=539
  13. http://www.borgarskjalasafn.is/Portaldata/21/Resources/Borgarskjalasafn/Skjalaskra/Felog/Knattspyrnufelag_Vikingur.pdf
  14. http://www.vikingur.is/forsiea/vikin-og-blafjoell
  15. http://www.ksi.is/um-ksi/adildarfelog/adildarfelag/?Felag=103
  16. http://vikingur.is/images/Knattspyrna/LOGO/10155439_10151785023493239_5639488565707400664_n.png
  17. http://www.vikingur.is/forsiea/soegubrot/stiklae-a-storu
  18. Atgeirinn (1/2019 p.9-13) Víkingur.is
    https://vikingur.is/images/NYHEIMASIDA2016/2019/knattspyrna/atgeirinn/Atgeirinn_-_12019.pdf
  19. http://www.ksi.is/um-ksi/adildarfelog/adildarfelag/?Felag=103

Tenglar[breyta | breyta frumkóða]

Knattspyrna Pepsideild karla • Lið í Pepsideild karla 2017 Flag of Iceland

Stjarnan.png Stjarnan • Fimleikafelag hafnafjordur.png FH  • KR Reykjavík.png KR  • Knattspyrnufélagið Víkingur.png Víkingur R.  • Valur.png Valur  • Knattspyrnufélag Akureyrar.png KA  
Breidablik.png Breiðablik  • VíkÓl.png Víkingur Ó.  •Fjölnir.png Fjölnir  • Ibv-logo.png ÍBV  • ÍA-Akranes.png ÍA  • UMFG, Grindavík.png Grindavík

Leiktímabil í efstu deild karla (1918-2018) 

1918191919201921192219231924192519261927
1928192919301931193219331934193519361937
1938193919401941194219431944194519461947
1948194919501951195219531954195519561957
1958195919601961196219631964196519661967
1968196919701971197219731974197519761977
1978197919801981198219831984198519861987
1988198919901991199219931994199519961997
1998199920002001200220032004200520062007
2008200920102011201220132014201520162017
20182019

Tengt efni: BorgunarbikarinnLengjubikarinnPepsideild karla
1. deild2. deild3. deild4. deild

----------------------------------------------------------------------------------------------
Mjólkurbikarinn kvennaLengjubikarinnMeistarakeppni kvenna
Úrvalsdeild karla1. deild2. deild
DeildakerfiðKSÍÍslandshorniðReykjavíkurmótiðFótbolti.net mótið
Knattspyrna Flag of Iceland
KR Reykjavík.png KR (26)  • Valur.png Valur (21)  • Knattspyrnufélagið Fram.png Fram (18) • ÍA-Akranes.png ÍA (18)
Fimleikafelag hafnafjordur.png FH (8)  • Knattspyrnufélagið Víkingur.png Víkingur (5)  •Keflavik ÍF.gif Keflavík (4)  • Ibv-logo.png ÍBV (3)  • Knattspyrnufélag Akureyrar.png KA (1)  • Breidablik.png Breiðablik (1)
Handball pictogram Olís deild karla • Lið í Olís deild karla 2015-2016. Flag of Iceland

UMFA.png Afturelding  • Seal of Akureyri.png Akureyri  • Fimleikafelag hafnafjordur.png FH  • Knattspyrnufélagið Fram.png Fram  • Knattspyrnufélagið Haukar.png Haukar
Grótta.png Grótta  • Ibv-logo.png ÍBV  • ÍR.png ÍR  • Knattspyrnufélagið Víkingur.png Víkingur R.  • Valur.png Valur