28. maí

28. maí er 148. dagur ársins (149. á hlaupári) samkvæmt gregoríska tímatalinu. 217 dagar eru eftir af árinu.

Atburðir

• 640 - Severínus varð páfi.
• 1118 - Ísleifur Gissurarson biskup lést í Skálholti, en embættistími hans (1082 - 1118) hefur af mörgum verið talinn blómaskeið þjóðveldisaldar.
• 1262 - Filippus krónprins Frakklands og Ísabella af Aragóníu gengu í hjónaband.
• 1265 - Játvarður prins slapp úr haldi frá Simon de Montfort, jarli af Leicester.
• 1357 - Pétur 1. varð konungur Portúgals.
• 1588 - Flotinn ósigrandi hélt af stað úr höfnum á Spáni og tók stefnu á Ermarsund. Í flotanum voru 130 herskip og á þeim 30.000 menn. Það tók flotann þrjá daga að láta úr höfn vegna þess hve skipin voru mörg.
• 1644 - Fjöldamorðin í Bolton: Jarlinn af Derby nær gjöreyddi bæinn Bolton í Norðvestur-Englandi.
• 1800 - Konungur skipaði svo fyrir að gera skyldi vandaðar mælingar á ströndum Íslands. Mælingar voru gerðar á árunum 1800 - 1818 og komu kortin út á næstu átta árum.
• 1826 - Pétur 1. Brasilíukeisari sagði af sér sem konungur Portúgals.
• 1853 - Carl Larsson, sænskur listmálari (d. 1919).
• 1871 - Parísarkommúnan féll.
• 1926 - Herinn í Portúgal gerði uppreisn sem markaði endalok lýðræðis í landinu.
• 1932 - Ungmennasambandið Úlfljótur var stofnað í Austur-Skaftafellssýslu.
• 1932 - Síðasta hleðslan var lögð í varnargarð sem skildi fjörðinn Zuiderzee frá Norðursjó og bjó til stöðuvatnið Ijsselmeer.
• 1937 - Neville Chamberlain varð forsætisráðherra Bretlands.
• 1940 - Belgar gáfust upp fyrir Þjóðverjum.
• 1967 - Íþróttafélagið Fylkir var stofnað í Reykjavík.

• 1971 - Saltvíkurhátíðin hófst en þar komu saman um tíu þúsund unglingar og skemmtu sér um hvítasunnuna. Hátíðin var kennd við Saltvík á Kjalarnesi.
• 1975 - Fimmán Vestur-Afríkuríki stofnuðu Efnahagsbandalag Vestur-Afríkuríkja.
• 1978 - Sveitarstjórnarkosningar á Íslandi.
• 1978 - Sjálfstæðisflokkurinn missti þann meirihluta sem hann hafði haft í borgarstjórn Reykjavíkur í áratugi í kosningum, en náði honum svo aftur fjórum árum síðar.
• 1982 - Til Íslands komu flóttamenn frá Póllandi, fimmtán fullorðnir og átta börn. Helmingur hópsins var farinn aftur hálfu ári síðar.
• 1983 - Eldgos hófst í Grímsvötnum í Vatnajökli en stóð stutt. Norræn dagblöð létu í ljós ótta um að Vatnajökull myndi bráðna og að suðausturland Íslands færi í kaf.
• 1994 - Reykjavíkurlistinn sigraði í kosningum til borgarstjórnar í Reykjavík og hratt meirihluta Sjálfstæðisflokksins, sem þá hafði staðið í tólf ár.
• 2008 - Nepalska þingið breytti landinu úr konungsríki í lýðveldi og batt þannig enda á aldalangt einræði.

Fædd

• 1371 - Jóhann óttalausi (Jóhann 2.), hertogi af Búrgund (d. 1419).
• 1641 (skírður) - Johann Weikhard, slóvenskur kortagerðarmaður (d. 1693).
• 1738 - Joseph-Ignace Guillotin, franskur hugvitsmaður (d. 1814).
• 1759 - William Pitt yngri, breskur stjórnmálamaður og forsætisráðherra (d. 1806).
• 1853 - Carl Larsson, sænskur listmálari (d. 1919).
• 1908 - Ian Fleming, enskur rithöfundur (d. 1964).
• 1912 - Patrick White, ástralskur rithöfundur (d. 1990).
• 1915 - Joseph Greenberg, bandarískur málfræðingur (d. 2001).
• 1923 - Jónas Árnason, íslenskt leikritaskáld (d. 1998).
• 1938 - Prince Buster, tónlistarmaður frá Jamaíka.
• 1944 - Rudy Giuliani, bandarískur stjórnmálamaður.
• 1956 - Francis Joyon, franskur siglingamaður.
• 1958 - Elisabeth Andreassen, norsk söngkona.
• 1968 - Kylie Minogue, áströlsk söngkona.
• 1969 - Justin Kirk, bandarískur leikari.
• 1981 - Gábor Talmácsi, ungverskur vélhjólamaður.
• 1983 - Megalyn Echikunwoke, bandarísk leikkona.
• 1985 - Colbie Caillat, bandarísk söngkona.

Dáin

• 1767 - Maria Josepha af Bæheimi, keisarynja, kona Jósefs 2., lést úr bólusótt (f. 1739).
• 1787 - Leopold Mozart, austurrískt tónskáld (f. 1719).
• 1849 - Anne Brontë, enskur rithöfundur (f. 1820).
• 1862 - Sæunn Jónsdóttir, íslensk vinnukona (f. um 1790).
• 1936 - Bertha Pappenheim, austurrísk kvenréttindakona (f. 1859).
• 1961 - Peter Petersen (Bíó-Petersen), danskur ljósmyndari (f. 1881).
• 1963 - Pétur J.H. Magnússon, íslenskur knattspyrnumaður og formaður Knattspyrnufélagsins Fram (f. 1894).
• 1972 - Játvarður 8. Englandskonungur (f. 1894).
• 1995 - Gunnar Huseby, íslenskur frjálsíþróttamaður (f. 1923).
• 2010 - Gary Coleman, bandarískur leikari (f. 1968).