Efnahagsbandalag Vestur-Afríkuríkja
Efnahagsbandalag Vestur-Afríkuríkja (enska: Economic Community of West African States, ECOWAS; franska: Communauté économique des États de l'Afrique de l'Ouest, CEDEAO) er efnahagsbandalag fimmtán Vestur-Afríkuríkja sem var stofnað með Lagossáttmálanum 28. maí 1975.
Aðildarlönd eru Benín, Búrkína Fasó, Fílabeinsströndin, Gambía, Gana, Gínea, Gínea-Bissá, Grænhöfðaeyjar, Líbería, Malí, Níger, Nígería, Senegal, Síerra Leóne og Tógó. Máritanía var áður aðili að bandalaginu en dró sig út úr því árið 2000. Átta þessara landa deila sama gjaldmiðli, CFA-frankanum.
