Ermarsund

Úr Wikipediu, frjálsa alfræðiritinu
Stökkva á: flakk, leita
Gervihnattarmynd af Ermarsundi með helstu örnefni merkt inn

Ermarsund er sund í Atlantshafi á milli meginlands Evrópu (Frakklands) og eyjunnar Stóra-Bretlands og tengir Norðursjó við Atlantshafið. Nafnið kemur úr frönsku; La Manche, „ermin“. Á ensku er það kallað: English Channel. Það er um 560 km langt og breiðast 240 km, en mjóst 34 km, á milli borganna Dover og Calais.

Árið 1988 var byrjað að grafa lestargöng undir Ermarsundið og voru þau opnuð 1994 og tengja saman England og Frakkland. Göngin eru 50,5 km löng. Um þau fara hraðlestir sem kallast Eurostar.

Í sundinu eru Ermarsundseyjar, nær Frakklandi. Syllingar og franska eyjan Ouessant mynda vesturmörk sundsins.

Synt yfir Ermarsundið[breyta | breyta frumkóða]

Fyrsti íslenski karlinn til að synda yfir Ermarsundið var Benedikt Hjartarson, en það gerði hann 16. júlí 2008. Fyrsta íslenska konan til að synda yfir Ermarsundið var Sigrún Þuríður Geirsdóttir, en það gerði hún 8. ágúst 2015. Hún var jafnframt fyrsti Íslendingurinn til að ná að synda yfir Ermarsundið í fyrstu tilraun.

Alls hafa sex Íslendingar gert samtals 11 tilraunir til að synda yfir Ermarsundið.

Nafn Dagsetning Sundtími Athugasemd
Benedikt Hjartarson 16. júlí 2008 16 klst. og 1 mín. Gerði einnig tilraun árið 2007
Sigrún Þuríður Geirsdóttir 8. ágúst 2015 22 klst. og 34 mín.
Ásgeir Elíasson 7. september 2015 17 klst. og 16 mín.
Árni Þór Árnason 7. september 2015 20 klst. og 47 mín. Gerði einnig tilraun árið 2011
Eyjólfur Jónsson Gerði 3 tilraunir á árunum 1958 og 1959
Benedikt LaFleur Gerði 2 tilraunir á árunum 2007 og 2008
Wikimedia Commons er með margmiðlunarefni sem tengist
Einkennismerki Wikiorðabókar
Wikiorðabókin er með skilgreiningu á orðinu
  Þessi landafræðigrein er stubbur. Þú getur hjálpað til með því að bæta við greinina.