Maríus

Úr Wikipediu, frjálsa alfræðiritinu
Stökkva á: flakk, leita
Sjá aðgreiningarsíðuna fyrir yfirlit yfir aðrar merkingar „Maríus“
Gaius Marius

Gaius Maríus (157 f.Kr.13. janúar 86 f.Kr.) var rómverskur herforingi og stjórnmálamaður, kosinn ræðismaður (consul) sjö sinnum á stjórnmálaferli sínum.

Marius sannaði sig sem hæfur herforingi, bæði í stríði Rómverja við Jugurtha konung í Numidiu og þegar hann stöðvaði stóran her germana sem gert höfðu innrás í Ítalíu. Í bæði skiptin naut hann aðstoðar Luciusar Corneliusar Sulla. Síðar urðu Marius og Sulla bitrir óvinir og tókust á um völdin í borgarastríði, þar sem þeir skiptust á um að hafa völdin í Rómaborg. Þegar Maríus lést, árið 86 f.Kr. hafði hann nýtekið við ræðismannsembættinu í sjöunda skipti.

Marius gerði umtalsverðar umbætur á rómverska hernum, sem fólu meðal annars í sér að rómverskir borgarar gátu gengið í herinn þótt þeir væru ekki landeigendur, endurskipulagningu herdeilda (legiones) í flokka (cohortes) og breytingar á pilus-spjótinu sem hindruðu það að óvinir gætu kastað því til baka, þar sem það brotnaði við lendingu.

  Þessi fornfræðigrein er stubbur. Þú getur hjálpað til með því að bæta við greinina.
  Þessi sögugrein er stubbur. Þú getur hjálpað til með því að bæta við greinina.