Heimsmeistaramót landsliða í knattspyrnu karla 2002

Úr Wikipediu, frjálsa alfræðiritinu

Heimsmeistaramót landsliða í knattspyrnu karla 2002 var í 17. sinn sem mótið var haldið. Keppnin var haldin í Suður-Kóreu og Japan, þetta var fyrsta HM sem var heldið í Asíu. Þetta var seinasta HM sem var með golden goal regluna, og eina HM sem var haldin í fleirru en einu landi. Brasilía vann keppnina en setti þá met aðð vinna hana 5 sinnum. Þeir tóku Þýskaland 2-0 í lokaleiknum. Þjóðverjar komu svo í 2.sæti Tyrkir í því 3, og Suður-Kórea í því 4. Mikið að skrítnum úrslitum voru í þessari keppni. Það að Frakkar sem voru ríkjandi meistarar komust ekki uppúr riðlinum, enduðu aðeins með 1. stig. Suður-Kórea komust í undanúrslitin með því að vinna Spán, Ítalíu og Portugal á leiðinni. Og að Brasilía unnu keppnina í 5 sinn.

Val á gestgjöfum[breyta | breyta frumkóða]

Þrjú lönd sóttust eftir að halda keppnuna: Mexíkó, Japan og Suður-Kórea. Í ljósi þess að Mexíkó hafði áður haldið keppnina árin 1970 og 1986 var talið ólíklegt að landið hreppti hnossið, þess í stað háðu Asíulöndin tvö hatramma baráttu um gestgjafahlutverkið. João Havelange, forseti FIFA var talinn á bandi Japana en Lennart Johansson forseti UEFA var á öðru máli. Hann beitti sér fyrir því að löndin tvö tækju saman höndum og héldu mótið í sameiningu. Sameiginlega framboðið vann auðveldlega á þingi FIFA vorið 1996.

Með ákvörðuninni voru ýmis blöð brotin. Þetta yrði fyrsta keppnin í Asíu og sú fyrsta með tvo gestgjafa. Lega landanna gerði það einnig að verkum að evrópskir fótboltaáhugamenn máttu sætta sig við afar óvenjulega leiktíma á mótinu.

Undankeppni[breyta | breyta frumkóða]

199 lönd skráðu sig til leiks í undankeppninni til að berjast um 29 laus sæti í úrslitunum. Kínverjar nýttu sér fjarveru gestgjafaþjóðanna tveggja í forkeppninni og komust í úrslitin í fyrsta og eina skiptið. Hollendingar misstu af sæti í úrslitakeppninni, lentu á eftir Írum sem komust alla leið eftir sigur á Írönum í umspili. Júgóslavar urðu líka að sitja heima á meðan grannar þeirra Slóvenar komust í sína fyrstu úrslitakeppni. Tyrkland komst áfram í fyrsta sinn frá HM 1954. England og Þýskaland lentu saman í forriðli og þurftu þeir síðarnefndu að fara í gegnum umspil til að tryggja sér farseðilinn til Asíu. Úrúgvæ varð síðasta liðið í úrslitin eftir sigur á Áströlum í tveggja leikja einvígi. Kólumbía var hæsta liðið á styrkleikalista FIFA (4ða sæti) sem ekki komst í úrslitin en Kína (50asta sæti) var það lægsta sem það gerði.

Þátttökulið[breyta | breyta frumkóða]

24 þjóðir mættu til leiks frá fimm heimsálfum.

Leikvangar[breyta | breyta frumkóða]

Flag of South Korea.svg Suður Kórea
Daegu Seoul Busan Incheon Ulsan
Daegu World Cup Stadium Seoul World Cup Stadium Busan Asiad Stadium Incheon World Cup Stadium Ulsan Munsu Football Stadium
Áhorfendur: 68.014 Áhorfendur: 63.961 Áhorfendur: 55.982 Áhorfendur: 52.179 Áhorfendur: 43.550
Suwon Gwangju Jeonju Seogwipo Daejeon
Suwon World Cup Stadium Gwangju World Cup Stadium Jeonju World Cup Stadium Jeju World Cup Stadium Daejeon World Cup Stadium
Áhorfendur: 43.188 Áhorfendur: 42.880 Áhorfendur: 42.391 Áhorfendur: 42.256 Áhorfendur: 40.407
Flag of Japan.svg Japan
Yokohama Saitama Shizuoka Osaka Miyagi
International Stadium Yokohama Saitama Stadium Shizuoka Stadium ECOPA Nagai Stadium Miyagi Stadium
Áhorfendur: 72.327 Áhorfendur: 63.000 Áhorfendur: 50.600 Áhorfendur: 5.,000 Áhorfendur: 49.000
Ōita Niigata Kashima Kobe Sapporo
Ōita Stadium Niigata Stadium Kashima Stadium Kobe Wing Stadium Sapporo Dome
Áhorfendur: 43.000 Áhorfendur: 42.300 Áhorfendur: 42.000 Áhorfendur: 42.000 Áhorfendur: 42.000

Keppnin[breyta | breyta frumkóða]

Riðlakeppnin[breyta | breyta frumkóða]

Keppt var í átta riðlum, hverjum með fjórum keppnisliðum. Tvö efstu liðin fóru í 16-liða úrslit.

Riðill A[breyta | breyta frumkóða]

Óvænt úrslit urðu í opnunarleik heimsmeistaramótsins þegar Senegal, á sínu fyrsta móti, skellti heimsmeisturum Frakka. Þetta var bara byrjunin á hörmungarmóti Frakka sem gerðu næst markalaust jafntefli við Úrúgvæ eftir að hafa misst Thierry Henry af velli með rautt spjald á fyrsta hálftímanum. Til að bæta gráu oná svart töpuðu Frakkar fyrir Dönum, sem unnu riðilinn, í lokaleiknum 2:0. Senegal náði hinu sætinu í 16-liða úrslitunum á kostnað Úrúgvæ en liðið gerðu 3:3 jafntefli í lokaumferðinni þar sem Afríkumennirnir voru 3:0 yfir í hálfleik.

Sæti Lið L U J T Sk Fe M.munur Stig
1 Flag of Denmark.svg Danmörk 3 2 1 0 5 2 +3 7
2 Flag of Senegal.svg Senegal 3 1 2 0 5 4 +1 5
3 Flag of Uruguay.svg Úrúgvæ 3 0 2 1 4 5 -1 2
4 Flag of France.svg Frakkland 3 0 1 2 0 3 -3 1

31. maí - Seoul World Cup Stadium, Seoul

  • Flag of France.svg Frakkland 0 : 1 Flag of Senegal.svg Senegal

1. júní - Munsu Cup Stadium, Ulsan

  • Flag of Uruguay.svg Úrúgvæ 1 : 2 Flag of Denmark.svg Danmörk

6. júní - Daegu World Cup Stadium, Daegu

  • Flag of Denmark.svg Danmörk 1 : 1 Flag of Senegal.svg Senegal

6. júní - Asiad Main Stadium, Busan

  • Flag of France.svg Frakkland 0 : 0 Flag of Uruguay.svg Úrúgvæ

11. júní - Incheon Munhak Stadium, Incheon

  • Flag of Denmark.svg Danmörk 2 : 0 Flag of France.svg Frakkland

11. júní - Suwon World Cup Stadium, Suwon

  • Flag of Senegal.svg Senegal 3 : 3 Flag of Uruguay.svg Úrúgvæ

Riðill B[breyta | breyta frumkóða]

Árangur Evrópuliðanna tveggja í riðlinum var eins og svart og hvítt. Spánverjar unnu alla sína leiki og luku keppni með fullt hús á meðan Slóvenar töpuðu öllum þremur leikjunum. Hin tvö liðin, Paragvæ og Suður-Afríka gerðu jafntefli í upphafsleiknum og fjöldi skoraðra marka réð því að lokum hvor þjóðin kæmist áfram. Þar hafði Paragvæ vinninginn eftir að hafa skorað þrjú mörk á síðasta hálftímanum í lokaleiknum gegn Slóveníu.

Sæti Lið L U J T Sk Fe M.munur Stig
1 Flag of Spain.svg Spánn 3 3 0 0 9 4 +5 9
2 Flag of Paraguay.svg Paragvæ 3 1 1 1 6 6 0 4
3 Flag of South Africa.svg Suður-Afríka 3 1 1 1 5 5 0 4
4 Flag of Slovenia.svg Slóvenía 3 0 0 3 2 7 -5 0

2. júní - Asiad Main Stadium, Busan

  • Flag of Paraguay.svg Paragvæ 2 : 2 Flag of South Africa.svg Suður-Afríka

2. júní - Gwangju World Cup Stadium, Gwangju

  • Flag of Spain.svg Spánn 3 : 1 Flag of Slovenia.svg Slóvenía

7. júní - Jeonju World Cup Stadium, Jeonju

  • Flag of Spain.svg Spánn 3 : 1 Flag of Paraguay.svg Paragvæ

8. júní - Daegu World Cup Stadium, Daegu

  • Flag of South Africa.svg Suður-Afríka 1 : 0 Flag of Slovenia.svg Slóvenía

12. júní - Daejeon World Cup Stadium, Daejeon

  • Flag of South Africa.svg Suður-Afríka 2 : 3 Flag of Spain.svg Spánn

12. júní - Jeju World Cup Stadium, Seogwipo

  • Flag of Slovenia.svg Slóvenía 1 : 3 Flag of Paraguay.svg Paragvæ

Riðill C[breyta | breyta frumkóða]

Kína reið ekki feitum hesti frá sinni fyrstu lokakeppni. Tapaði öllum leikjunum og skoraði ekki mark. Brasilía var hins vegar annað tveggja liða til að klára sinn riðil á fullu húsi stiga. Jafntefli Kosta Ríka og Tyrklands í annarri umferð þýddi að í lokaleikjunum myndi markatalan ráða því hvort liðanna kæmist áfram. Tyrkir unnu Kínverja 3:0 á meðan Kosta Ríka tapaði með þriggja marka mun fyrir Brasilíu, sem reyndist of mikið.

Sæti Lið L U J T Sk Fe M.munur Stig
1 Flag of Brazil.svg Brasilía 3 3 0 0 11 3 +8 9
2 Flag of Turkey.svg Tyrkland 3 1 1 1 5 3 +2 4
3 Flag of Costa Rica.svg Kosta Ríka 3 1 1 1 5 6 -1 4
4 Flag of the People's Republic of China.svg Kína 3 0 0 3 0 9 -9 0

3. júní - Munsu Cup Stadium, Ulsan

  • Flag of Brazil.svg Brasilía 2 : 1 Flag of Turkey.svg Tyrkland

4. júní - Gwangju World Cup Stadium, Gwangju

  • Flag of the People's Republic of China.svg Kína 0 : 2 Flag of Costa Rica.svg Kosta Ríka

8. júní - Jeju World Cup Stadium, Seogwipo

  • Flag of Brazil.svg Brasilía 4 : 0 Flag of the People's Republic of China.svg Kína

9. júní - Incheon Munhak Stadium, Incheon

  • Flag of Costa Rica.svg Kosta Ríka 1 : 1 Flag of Turkey.svg Tyrkland

13. júní - Suwon World Cup Stadium, Suwon

  • Flag of Costa Rica.svg Kosta Ríka 2 : 5 Flag of Brazil.svg Brasilía

13. júní - Seoul World Cup Stadium, Seoul

  • Flag of Turkey.svg Tyrkland 3 : 0 Flag of the People's Republic of China.svg Kína

Riðill D[breyta | breyta frumkóða]

Heimamenn byrjuðu vel með sigri á Portúgal í fyrsta leik. Bandaríkin komust í 3:0 móti Portúgölum í hinni viðureigninni en voru næstum búin að missa leikinn niður í jafntefli. Portúgalir virtust vaknaðir til lífsins með stórsigri á Pólverjum á sama tíma og Suður-Kórea og Bandaríkin skildu jöfn. Pólverjar björguðu ærunni með sigri á Bandaríkjunum í lokaumferðinni en enduðu samt á botninum. Suður-Kórea nældi sér í toppsætið og skildi Portúgali eftir með sárt ennið.

Sæti Lið L U J T Sk Fe M.munur Stig
1 Flag of South Korea.svg Suður-Kórea 3 2 1 0 4 1 +3 7
2 Flag of the United States.svg Bandaríkin 3 1 1 1 5 6 -1 4
3 Flag of Portugal.svg Portúgal 3 1 0 2 6 4 +2 3
4 Flag of Poland.svg Pólland 3 1 0 2 3 7 -4 3

4. júní - Asiad Main Stadium, Busan

  • Flag of South Korea.svg Suður-Kórea 2 : 0 Flag of Poland.svg Pólland

5. júní - Suwon World Cup Stadium, Suwon

  • Flag of the United States.svg Bandaríkin 3 : 2 Flag of Portugal.svg Portúgal

10. júní - Daegu World Cup Stadium, Daegu

  • Flag of South Korea.svg Suður-Kórea 1 : 1 Flag of the United States.svg Bandaríkin

10. júní - Jeonju World Cup Stadium, Jeonju

  • Flag of Portugal.svg Portúgal 4 : 0 Flag of Poland.svg Pólland

14. júní - Incheon Munhak Stadium, Incheon

  • Flag of Portugal.svg Kosta Ríka 0 : 1 Flag of South Korea.svg Suður-Kórea

14. júní - Daejeon World Cup Stadium, Daejeon

  • Flag of Poland.svg Pólland 3 : 1 Flag of the United States.svg Bandaríkin

Riðill E[breyta | breyta frumkóða]

Sádi Arabía fékk versta skellinn á mótinu gegn Þjóðverjum í fyrsta leik, 8:0. Sama dag skildu Írar og Kamerúnmenn jafnir. Jöfnunarmark Robbie Keane fyrir Íra í uppbótartíma gegn Þjóðverjum reyndist dýrmætt og þeir fylgdu þýska liðinu áfram í næstu umferð. Sádi Arabar töpuðu öllum sínum leikjum.

Sæti Lið L U J T Sk Fe M.munur Stig
1 Flag of Germany.svg Þýskaland 3 2 1 0 11 1 +10 9
2 Flag of Ireland.svg Írland 3 1 2 0 5 2 +3 5
3 Flag of Cameroon.svg Kamerún 3 1 1 1 2 3 -1 4
4 Flag of Saudi Arabia.svg Sádi Arabía 3 0 0 3 0 12 -12 0

1. júní - Niigata Stadium, Niigata

  • Flag of Ireland.svg Írland 1 : 1 Flag of Cameroon.svg Kamerún

1. júní - Sapporo Dome, Sapporo

  • Flag of Germany.svg Þýskaland 8 : 0 Flag of Saudi Arabia.svg Sádi Arabía

5. júní - Kashima Soccer Stadium, Ibaraki

  • Flag of Germany.svg Þýskaland 1 : 1 Flag of Ireland.svg Írland

6. júní - Saitama Stadium 2002, Saitama

  • Flag of Cameroon.svg Kamerún 1 : 0 Flag of Saudi Arabia.svg Sádi Arabía

11. júní - Shizuoka Stadium, Shizuoka

  • Flag of Cameroon.svg Kamerún 0 : 2 Flag of Germany.svg Þýskaland

11. júní - International Stadium Yokohama, Yokohama

  • Flag of Saudi Arabia.svg Sádi Arabía 0 : 3 Flag of Ireland.svg Írland

Riðill F[breyta | breyta frumkóða]

Dauðariðillinn svokallaði vakti mikla eftirvæntingu, ekki hvað síst vegna gamalla væringa Englendinga og Argentínumanna. Argentína byrjaði vel með sigri á Nígeríu á sama tíma og Evrópuþjóðirnar skildu jafnar. Tvö mörk Henke Larsson gerðu HM-vonir Nígeríumanna að engu í annarri umferðinni og vítaspyrna David Beckham tryggði sigur Englands á argentínsku erkifjendunum. Báðum leikjum í lokaumferðinni lauk með jafntefli og Svíar og Englendingar komust því áfram.

Sæti Lið L U J T Sk Fe M.munur Stig
1 Flag of Sweden.svg Svíþjóð 3 1 2 0 4 3 +1 5
2 Flag of England.svg England 3 1 2 0 2 1 +1 5
3 Flag of Argentina.svg Argentína 3 1 1 1 2 2 0 4
4 Flag of Nigeria.svg Nígería 3 0 1 2 1 3 -2 1

2. júní - Kashima Soccer Stadium, Ibaraki

  • Flag of Argentina.svg Argentína 1 : 0 Flag of Nigeria.svg Nígería

2. júní - Saitama Stadium 2002, Saitama

  • Flag of England.svg England 1 : 1 Flag of Sweden.svg Svíþjóð

7. júní - Kobe Wing Stadium, Kobe

  • Flag of Sweden.svg Svíþjóð 2 : 1 Flag of Nigeria.svg Nígería

7. júní - Sapporo Dome, Sapporo

  • Flag of Argentina.svg Argentína 0 : 1 Flag of England.svg England

12. júní - Miyagi Stadium, Miyagi

  • Flag of Sweden.svg Svíþjóð 1 : 1 Flag of Argentina.svg Argentína

12. júní - Nagai Stadium, Osaka

  • Flag of Nigeria.svg Nígería 0 : 0 Flag of England.svg England

Riðill G[breyta | breyta frumkóða]

G-riðillinn var talinn einn sá allra erfiðasti og liðin kepptust um að taka stigin hvert af öðru. Nýliðar Ekvador töpuðu tveimur fyrstu leikjum sínum og voru þar með úr leik. Þeir gerðu þó bronsliðinu frá fyrri heimsmeistarakeppni, Króötum, grikk með því að vinna þá í lokaleiknum. Þau úrslit þýddu að Ítalir skriðu áfram eftir að hafa jafnað á móti Mexíkó undir lok leiks en Norður-Ameríkuliðið náði nokkuð óvænt toppsætinu.

Sæti Lið L U J T Sk Fe M.munur Stig
1 Flag of Mexico.svg Mexíkó 3 2 1 0 4 2 +2 7
2 Flag of Italy.svg Ítalía 3 1 1 1 4 3 +1 4
3 Flag of Croatia.svg Króatía 3 1 0 2 2 3 -1 3
4 Flag of Ecuador.svg Ekvador 3 1 0 2 2 4 -2 3

3. júní - Niigata Stadium, Niigata

  • Flag of Croatia.svg Króatía 0 : 1 Flag of Mexico.svg Mexíkó

3. júní - Sapporo Dome, Sapporo

  • Flag of Italy.svg Ítalía 2 : 0 Flag of Ecuador.svg Ekvador

8. júní - Kashima Soccer Stadium, Ibaraki

  • Flag of Italy.svg Ítalía 1 : 2 Flag of Croatia.svg Króatía

9. júní - SMiyagi Stadium, Miyagi

  • Flag of Mexico.svg Mexíkó 2 : 1 Flag of Ecuador.svg Ekvador

12. júní - Ōita Stadium, Ōita

  • Flag of Mexico.svg Mexíkó 1 : 1 Flag of Croatia.svg Króatía

12. júní - International Stadium Yokohama, Yokohama

  • Flag of Ecuador.svg Ekvador 1 : 0 Flag of Croatia.svg Króatía

Riðill H[breyta | breyta frumkóða]

Japanir hlutu sitt fyrsta stiga á heimsmeistaramóti með því að gera jafntefli við Belga í fyrsta leik. Fyrir keppnina höfðu japanskir stuðningsmenn haft áhyggjur af því að verða fyrsta gestgjafaliðið í sögunni til að komast ekki upp úr riðlakeppninni, en þær áhyggjur reyndust óþarfar og sigrar í seinni leikjunum tveimur tryggðu liðinu óvænt toppsæti. Jafntefli Belga og Túnisbúa gerði það að verkum belgíska liðið þurfti sigur gegn Rússum í lokaleiknum til að hreppa annað sætið. Belgar unnu 3:2 í fjörugum leik. Túnis lauk keppni án sigurs.

Sæti Lið L U J T Sk Fe M.munur Stig
1 Flag of Japan.svg Japan 3 2 1 0 5 2 +3 7
2 Flag of Belgium.svg Belgía 3 1 2 0 6 5 +1 5
3 Flag of Russia.svg Rússland 3 1 0 2 4 4 0 3
4 Flag of Tunisia.svg Túnis 3 0 1 2 1 5 -4 1

4. júní - Saitama Stadium 2002, Saitama

  • Flag of Japan.svg Japan 2 : 2 Flag of Belgium.svg Belgía

5. júní - Kobe Wing Stadium, Kobe

  • Flag of Russia.svg Rússland 2 : 0 Flag of Tunisia.svg Túnis

9. júní - International Stadium Yokohama, Yokohama

  • Flag of Japan.svg Japan 1 : 0 Flag of Russia.svg Rússland

10. júní - Ōita Stadium, Ōita

  • Flag of Tunisia.svg Túnis 1 : 1 Flag of Belgium.svg Belgía

14. júní - Nagai Stadium, Osaka

  • Flag of Tunisia.svg Túnis 0 : 2 Flag of Japan.svg Japan

14. júní - Shizuoka Stadium, Shizuoka

  • Flag of Belgium.svg Belgía 3 : 2 Flag of Russia.svg Rússland

Útsláttarkeppnin[breyta | breyta frumkóða]

Tvö efstu liðin úr hverjum forriðli fóru áfram í 16-liða úrslit sem leikin voru með útsláttarfyrirkomulagi.

16-liða úrslit[breyta | breyta frumkóða]

Oliver Neuville skaut Þjóðverjum í fjórðungsúrslitin með marki í blálokin. Englendingar áttu ekki í nokkrum vandræðum með Dani. Senegal sló Svía úr leik með gullmarki í framlengingu. Vítaspyrnukeppni þurfti til að knýja fram úrslitin í leik Spánverja og Íra eftir að Robbie Keane jafnaði úr vítaspyrnu á lokamínútunni. Hann skoraði aftur í vítakeppninni en það dugði ekki til fyrir Íra. Bandaríkin unnu Mexíkó í Norður-Ameríkuslagnum og Brasilía lagði Belga síðar sama dag. Gestgjafaþjóðirnar kepptu lokadag 16-liða úrslitanna. Japanir máttu sætta sig við tap fyrir Tyrkjum. Óvæntustu úrslitin litu hins vegar dagsins ljós í leik Suður-Kóreu og Ítalíu þar sem úrslitin réðust með gullmarki.

15. júní - Jeju World Cup leikvangurinn, Seogwipo, áh. 25,176

15. júní - Big Swan leikvangurinn, Niigata, áh. 40,582

16. júní - Big Eye leikvangurinn, Ōita, áh. 39.747

16. júní - Suwon World Cup leikvangurinn, Suwon, áh. 38.926

17. júní - Jeonju World Cup leikvangurinn, Jeonju, áh. 36.380

17. júní - Kobe Wing leikvangurinn, Kobe, áh. 40.440

18. júní - Miyagi leikvangurinn, Rifu, áh. 45.666

18. júní - Daejeon World Cup leikvangurinn, Daejeon, áh. 38.588

Fjórðungsúrslit[breyta | breyta frumkóða]

Michael Owen kom Englendingum yfir gegn Brasilíu en aukaspyrnumark frá Ronaldinho skildi að lokum milli liðanna. Michael Ballack skoraði mark Þjóðverja gegn Bandaríkjamönnum sem voru afar ósáttir fyrir að fá ekki vítaspyrnu þegar leikmaður þýska liðsins sló boltann á marklínu. Gullmark kom Tyrkjum áfram á móti Senegal, sem þar með missti af því að verða fyrsta afríska liðið til að komast í undanúrslit. Suður-Kórea hélt áfram að koma á óvart. Spánn skoraði ekkert gilt mark en tvö sem dæmd voru af vegna rangstöðu á umdeildan hátt. Í vítakeppninni skoruðu heimamenn úr öllum spyrnum sínum og urðu fyrsta Asíuþjóðin í undanúrslit.

21. júní - Ecopa leikvangurinn, Shizuoka, áh. 47.436

21. júní - Munsu Cup leikvangurinn, Ulsan, áh. 37.337

22. júní - Gwangju World Cup leikvangurinn, Gwangju, áh. 42.114

22. júní - Nagai leikvangurinn, Osaka, áh. 44.233

Undanúrslit[breyta | breyta frumkóða]

Michael Ballack skoraði eina markið í sigri Þjóðverja á heimamönnum í Suður-Kóreu. Það var þó súrsæt tilfinning fyrir leikmanninn sem hafði nælt sér í gult spjald fyrr í leiknum og var því í leikbanni í lokin. Hinum undanúrslitaleiknum lauk líka með 1:0 sigri eftir mark frá Ronaldo.

25. júní - Seoul World Cup leikvangurinn, Seoul, áh. 65.256

26. júní - Saitama leikvangurinn, Saitama, áh. 61.058

Bronsleikur[breyta | breyta frumkóða]

Hakan Şükür skráði nafn sitt í sögubækurnar með því að skora eftir 10,8 sekúndur og setja nýtt met. Alls voru fimm mörk skoruð í leiknum, það síðasta í uppbótartíma.

29. júní - Daegu World Cup leikvangurinn, Daegu, áh. 63.483

Úrslitaleikur[breyta | breyta frumkóða]

Ronaldo skoraði bæði mörk Brasilíu í seinni hálfleik. Þetta var í fyrsta sinn frá HM 1970 sem heimsmeistararnir unnu alla leiki sína.

30. júní - Yokohama alþjóðaleikvangurinn, Yokohama, Daegu, áh. 69.029

Markahæstu leikmenn[breyta | breyta frumkóða]

Ronaldo hreppti gullskó FIFA með átta mörk skoruð. Alls voru 161 mark skorað í 64 leikjum, 2,52 mörk á leik að jafnaði.

8 mörk
5 mörk
4 mörk