Nürnberg-réttarhöldin

Mynd af nokkrum þeirra sem voru dæmdir í Nürnberg-réttarhöldunum. Fremri röð frá vinstri: Hermann Göring, Rudolf Hess, Joachim von Ribbentrop, Wilhelm Keitel. Aftari röð frá vinstri: Karl Dönitz, Erich Raeder, Baldur von Schirach, Fritz Sauckel.

Nürnberg-réttarhöldin voru nokkur réttarhöld sem helst eru þekkt fyrir ákærur á hendur fyrrum valdamönnum í Þýskalandi nasismanns. Réttarhöldin voru haldin í borginni Nürnberg, Þýskalandi, frá 1945 til 1949, þrátt fyrir kröfu Sovétmanna um að þau yrðu haldin í Berlín. Þekktust þessara réttarhalda eru réttarhöldin yfir stríðsglæpamönnum þar sem 24 af helstu leiðtogum nasista voru sakfelldir. Þau réttarhöld fóru fram frá 20. nóvember 1945 til 1. október 1946.

Meðal þeirra sem voru ákærðir í réttarhöldunum voru Rudolf Hess, Hermann Göring, Albert Speer og Joachim von Ribbentrop.