Jean-Claude Juncker

Úr Wikipediu, frjálsa alfræðiritinu
Jump to navigation Jump to search
Jean-Claude Juncker
Ioannes Claudius Juncker die 7 Martis 2014.jpg
Forseti framkvæmdastjórnar Evrópusambandsins
Núverandi
Tók við embætti
10. nóvember 2014
Forsætisráðherra Lúxemborgar
Í embætti
20. janúar 1995 – 4. desember 2013
Persónulegar upplýsingar
Fæddur9. desember 1954 (1954-12-09) (64 ára)
Redange, Lúxemborg
ÞjóðerniLúxemborgskur
StjórnmálaflokkurChrëschtlech Sozial Vollekspartei
Evrópski þjóðarflokkurinn
HáskóliStrassborgarháskóli
Undirskrift

Jean-Claude Juncker (f. 9. desember 1954) er stjórnmálamaður frá Lúxemborg sem er núverandi forseti framkvæmdastjórnar Evrópusambandsins. Frá 1995 til 2013 var hann forsætisráðherra Lúxemborgar og frá 1989 til 2009 var hann jafnframt fjármálaráðherra landsins.

Þegar Juncker lét af embætti sem forsætisráðherra hafði hann verið í embætti ríkisstjórnarleiðtoga lengur en nokkur annar í Evrópusambandinu og hafði setið einna lengst allra lýðræðislega kjörinna leiðtoga í heimi. Á seinni hluta stjórnartíðar hans stóð skuldakreppan í Evrópu sem hæst.[1]

Árið 2014 gerðist Juncker frambjóðandi evrópska þjóðarflokksins (EPP) í forsetaembætti framkvæmdastjórnarinnar. Juncker er fyrsti forseti framkvæmdastjórnarinnar sem tók þátt í kosningabaráttu fyrir embættinu í ferli sem Lissabon-sáttmálinn kynnti til sögunnar. Evrópski þjóðarflokkurinn vann 220 af 751 sætum á Evrópuþinginu. Þann 27. júní 2014 útnefndi evrópska ráðið því Juncker forseta framkvæmdastjórnarinnar[2][3][4] og Evrópuþingið staðfesti síðan útnefninguna með 422 af 729 greiddum atkvæðum.[5] Juncker leysti José Manuel Barroso af hólmi sem forseti framkvæmdastjórnarinnar þann 1. nóvember 2014.[6] Juncker lýsti yfir að helstu áherslumál hans í embætti yrðu að skapa rafrænan innri markað, þróa orkusamband Evrópuríkja, koma á verslanasamningum ríkja beggja megin við Atlantshafið, koma á umbótum í evrópska efnahaginum og nýjum samningum við Bretland.[7] Á embættistíð Junckers árið 2016 kusu Bretarsegja sig úr Evrópusambandinu.

Tilvísanir[breyta | breyta frumkóða]

  1. McDonald-Gibson, Charlotte (11. júlí 2013). „Luxembourg PM Jean-Claude Juncker Calls Snap Elections Amid Secret Service Scandal – Risking Longest Held Office For Any European Union Leader“. The Independent, UK. Sótt 12. ágúst 2013.
  2. „Results of the 2014 European elections“. European Parliament. 28. júní 2014. Sótt 28. júní 2014.
  3. „EU backs Juncker to head Commission“. BBC. 27. júní 2014. Sótt 27. júní 2014.
  4. „EU leaders give thumbs up to Juncker, Britain isolated“. EurActiv. 27. júní 2014. Sótt 28. júní 2014.
  5. European Commission (15. júlí 2014), „A New Start for Europe: My Agenda for Jobs, Growth, Fairness and Democratic Change“, Press release, sótt 15. júlí 2014
  6. „MEPs elect Jean-Claude Juncker to Head EU Commission“, BBC News, 15. júlí 2014, sótt 15. júlí 2014
  7. „MY PRIORITIES“. Sótt 18. júní 2014.


Fyrirrennari:
Jacques Santer
Forsætisráðherra Lúxemborgar
(20. janúar 19954. desember 2013)
Eftirmaður:
Xavier Bettel
Fyrirrennari:
José Manuel Barroso
Forseti framkvæmdastjórnar Evrópusambandsins
(10. nóvember 2014 – )
Eftirmaður:
Ursula von der Leyen
(kjörin)