1674

Ár

Áratugir

Aldir

Árið 1674 (MDCLXXIV í rómverskum tölum) var 74. ár 17. aldar sem hófst á mánudegi samkvæmt gregoríska tímatalinu en fimmtudegi samkvæmt júlíska tímatalinu sem er tíu dögum á eftir.

Ísland

Þórður Þorláksson tók við sem biskup í Skálholti af Brynjólfi Sveinssyni.
Páll Björnsson, prófastur í Selárdal skrifaði bókina Kennimark Kölska (Character Bestiæ).

3. júlí - Galdramál: Böðvar Þorsteinsson, 39 ára, tekinn af lífi á Alþingi, með brennu, fyrir galdra. Honum var gefið að sök að hafa „með fjölkynngi og óleyfilegum meðölum hindrað afla og fiskibrögð á skipi séra Björns Snæbjörnssonar“.
Páll Oddsson af Vatnsnesi í Húnavatnssýslu brenndur á Alþingi, sakaður um að hafa með göldrum valdið veikindum og andlátum fjölda fólks.
Sigríði Þórðardóttur, 19 ára, drekkt í Austur-Húnavatnssýslu fyrir blóðskömm. Stjúpfaðir hennar, Bjarni Sveinsson, var tekinn af lífi á Alþingi árið áður vegna sama máls.^[1]

19. febrúar - England og Holland gerðu með sér friðarsáttmála; Westminster-sáttmálann.
21. maí - Jóhann Sobieski var kjörinn konungur Pólsk-litháíska samveldisins.
7. júlí - Íbúar á Sikiley gerðu uppreisn gegn spænskum valdhöfum.
16. júlí - Hollendingar gerðu tilraun til að ná eyjunni Martinique í Karíbahafi af Frökkum. Sendu þeir tugi skipa og yfir 3.000 manns þangað en urðu frá að víkja eftir mikið mannfall og góðar varnir Frakka.
4. október - Fransk hollenska stríðið: Frakkar og Hollendingar mættust í tugþúsunda orrustu sunnan við Strasbourg.

↑ Upplýsingar um framangreindar aftökur sóttar á vef rannsóknarverkefnisins Dysjar hinna dauðu, ekki síst skrá á slóðinni https://dhd.hi.is/gogn/Info.pdf, sótt 15.2.2020.